回復 5# 的帖子
首先 感謝上面兩位朋友仔既發言 ._.
其實我冇即時回應 其中一個原因係想睇下路人有咩反應
而月生先 我而家就回應晒你3項野
1. "防止有其他人用hke等程式 加腳本入我繁化過的地圖"
反作弊? 你學過反作弊未? 你加個腳本叫反作弊?
唔好講笑啦大佬 反作弊邊係咁做
你呢種方法只有撞到有相同名稱既函數或變量先有效
你而家呢個根本係寒泉組果邊既hke 字串哈希開啟版本
而你只係改左d顯示文字同埋哈希果串數字
仲有 你而家呢個情況 係防唔到hke除非人地注入既同樣係寒泉組既hke
簡單d來講 你呢個所謂防作弊 有=冇
2. "有些地圖繁化過後會出現一些無法移動的bug, 或是我加了一些玩家指令(如地圖清空指令, HG回城指令, 隱英密碼等)的bug, 加腳本是為了方便測試bug並修正"
用軟件翻譯之後會有無法移動bug?
喂 你吹水有個限度先得架 吹到你咁樣
我可以同大家講 用機翻翻譯簡體同繁體 99.999%都唔會出現呢個情況
最多會有開唔番張圖既情況(因為防改圖加密)
當然我唔排除有地圖既反作弊係禁止部隊移動 咁我就唔清楚啦
另外我查過地圖入面既內容
你邊忽有加玩家指令? 我毛都見唔到有一條
只係見到一堆腳本 腳本你唔洗尻up啦 全部係大陸都搵到
又或者可能我眼殘見唔到啦
有既話請copy個code上來比大家望下
就算真係翻譯完有bug 測完fix左之後你唔識刪?
張圖唔係你更新架wo
3. "為學習更多新技術"
嘩 咁既Y理你都講得出 有冇用腦啊
人地學新技術定你學新技術? 我兩樣都講吧...
一. 人地學技術點會搞你呢d圖啊 大佬 你會唔會自視過高
二. 你學新技術? 人地破你圖 你學到咩技術?
"有人發現並公開相關腳本資訊"
下... 姐係你原本就諗住比人破密碼
然後比條友公布出來等全世界都開到作弊?
"我會研發更高難度的密碼, 並加進今後繁化地圖中"
一. 研究更高難度密碼?
取字串哈希已經需要暴力破解 你仲想幾高?
而且個取字串哈希又唔係你寫出來 係魔獸自帶函數
你最多咪混落公式到計數...然後整完又等人破密碼啊? 搞笑
人地學唔到技術 你亦學唔到技術
二. 唔係掛 你仲要之後都搞呢d野? 真心為害人間搞鬼人張圖
我點解發貼 好簡單 因為我睇你唔順眼
本身你唔回貼我都諗住由佢下沉就算
但你出來係到亂講當秘級等比我吊打既 我都真係忍唔住手
雖然我唔知你真正有冇料
但睇你5樓既發言好明顯係冇料扮四條
我同你講 你唔係更新成員
只係用軟件直接將簡體轉做繁體 再加自己專用既作弊腳本
再假裝正版圖發布 係任何地方都唔會忍你
同張地圖有冇作弊玩家 密碼係咪公開完全冇關係
如果我加作弊入是但一張圖到
然後個作弊得我開到 仲要全世界都係呢張圖
並且我唔係更新成員 如果人地知道左?第一個就踢左我先啦
人地鬼知我會唔會暗地裏做d咩
仲有啊 我對住你呢d人真係癲架 有名比你叫啦 009
小心我發癲咬死你啊 唔滿意? 比番d合理既解釋來lo
我真係未驚過 同埋唔好話我唔提醒你
你發布作弊地圖 係vlan論壇已經係死罪
事關vlan連作弊既宣傳都禁止
差在而家有冇人真係舉報你架炸
如果你比到一個令大家都信服既解釋 我相信冇人會舉報你
不過如果你潜水既話 我就肯定舉報你
如果你唔講5樓果堆不知所謂既野 我都唔會做d咁麻煩既野
雖然vlan無限開帳號 封一兩次 冇咩所謂既
最後 你話我加唔到hke sor 我係加到
我相信會堅持睇字海到而家既朋友
唔洗我截圖都知我加到
如果想我截圖 講聲就得 好 字海完結
[ 本帖最後由 x00900 於 2017-6-5 10:31 編輯 ]
