lasthope

1. 信長d英的起手速度、反應、轉身速度實在太慢 玩d需要普攻ge英真係lag到死 尾刀又難尾     某d出技英例如 上衫、宇佐、毛毛、村上等出招技都要delay 0.幾秒  人地LOL就算有施法動畫都冇信咁長啦

2. 信長d兵仔、cp個碰撞太大 有堆兵係前面要卡翻幾十次先行到過去 最**侮辱成份**就係仲有d小動物係度搏打

3. 英雄的移動速度太快 位移技能太長 例如$#2技 本身魔獸個畫面就細 根本睇唔曬成個戰況 要玩信就要成日郁個鏡頭 好煩   教慢個移速同位移  令英郁動ge變化唔好太快太大

4.地圖過多暗位 太多不必要ge樹 例如cp區ge凹凸位 同埋內塔前面凸起ge位 豪無必要地擋住視線 除左增加隻game的煩擾度之外 根本對娛樂或技術發揮冇幫助 應該減少至適當數量取得遊戲難度與娛樂個平衡

5.遊戲時間實在太長啦**不良詞語**  玩一場信起碼成個鐘 就算有優勢果方爆塔都係勁慢 姐係話劣勢果方要比對面屠成個鐘先可以GG  每一場就係不斷食兵草錢出神  絕大部份時間係洗兵 洗兵 洗兵 大大降低刺激感 極度煩擾 走場又要怪人地冇品
e個情況都係因為神裝太貴造成 d神裝又要貴又唔係由中等裝合上去  出完中等裝又要開始草錢出神 **不良詞語**你老母現實生活草錢出樓仲草唔夠咩 玩隻game都仲要瘋狂草錢  最好所有裝備都降低價錢40-50% 咁就可以縮短遊戲時間至30分鐘左右

6.英雄平衡問題 好多英都有招本來好有特色的廢技 全因為魔水的存在 大大減低該英雄特色 例如上衫一技 茶茶大技 立花女大技  一係就鏟魔水 一係就令ed廢技有用 (減低CD時間？）

7.整個英雄鎖定功能 以防手殘按到其他部隊 （e個觸發應該好易整）

秒人、魔水、鬥反應同濃厚ge日本歷史氣息係信長獨有ge特色 需要保留   但係ed咁基本ge遊戲概念做咩唔向其他game借鑒下 所以唔好再用 唔抄LOL or 個人技術問題 作為藉口 根本信長就黎沒落 再唔作出改變就等淘汰


我唔想我ge童年回憶消失

霧嶋董香

我又唔覺好難尾刀

好鬼衰

= = 你沒玩LOL時 再玩什麼  

霧嶋董香

招你咁講 成隻Game都換得 又鏟魔水 又剩

lasthope

主要玩單機game 同LOL 玩過下world editor整魔獸圖 近排開翻信11.2B個未加密圖先發覺信真係好多問題  順暢的程度同LOL比 簡直就係天堂地獄

lasthope

其實可以唔鏟魔水 因為鬥按魔水都算係特色  d廢技可以強化到唔會因為魔水而變廢就得

SNSD♥泰妍

好多fd轉去lol 都係因為信長有魔水...
而繼續玩信既我一直恥笑佢地0反

nxsasd323

你要既順暢度其實咪就係難道
最好簡簡單單同LOL一樣悿?
信長考既技巧其實多LOL好多 你所講既都可以技巧上解決
你手殘當然要鎖英 你唔識走位當然覺得小動物煩
你都知有D樹係唔洗要 咁你咪A走佢囉
大部份係信長識尾刀食兵去到LOL無難道 相反LOL既人通常係唔識係信長尾兵

不過有樣野幾認同 就係信長就快沒落 因為年輕人覺得信長太多技術可言 佢玩LOL好過
不過本來就以經無得比 一隻遊戲同一張地圖 點講都係輸太多

[ 本帖最後由 nxsasd323 於 2015-1-14 08:19 編輯 ]

霧嶋董香

儲錢靠食兵？ 屠下d肥料都儲到 要洗兵？

A-Yan☆

講咁多廢話做咩姐?
有D乜野係無缺陷架?
乜野係10全10美

Misuki

引用:

原帖由 A-Yan☆ 於 2015-1-14 11:32 發表
講咁多廢話做咩姐?
有D乜野係無缺陷架?
乜野係10全10美

好鐘意張圖

為表示尊重, 回一下

回想一下

出棄保又俾人表

廢棄保又俾人表

出新圖又俾人表

唔出新圖又係俾人表

線上比賽又俾人表請槍分身遲到甩底

網吧比賽又俾人表____ (未諗到)

依我看, 乜都唔做就唔洗俾人表

成班買定花生坐係度, 等收成正果(抽水)

結果, 什麼ALS(信2)啊, 啊爾(F版)啊, NL(英雄傳)啊, MYDS 等人得閒就望住今日信長版區偷笑.

KBO.

我覺得樓主講野好有point 比個like你
新版好多裝都係中期裝合上去
和泉->攻擊傷害+28，攻速+15%。每秒回復10生命值。補500血
和泉強化後->備前兼光:攻擊傷害+50，攻速+30%，全屬性+10。每使用一個技能或是物品，可以使自身增加20%攻擊傷害以及每秒回復11生命，持續5秒。
好基本連一把扣防既法球都冇 打手永遠得凍雲係點玩落去
新版法球系列如下:
鞍切1/2/3階:攻擊傷害+(42/56/70)，全屬性+5。擊中時使敵人護甲減少(7/12/15)。
鬼切:攻擊傷害+28，全屬性+5，靈活+10。攻擊敵人時有19%機率切割對方的真靈，使該敵人失去他14%的現有生命值，最低可以使敵人失去115生命值。
新版魔水得3.5秒 合成平蜘蛛後6秒
B版永遠比唔上

[ 本帖最後由 KBO. 於 2015-1-14 15:03 編輯 ]

lasthope

你所謂的技術 根本係冇必要ge存在 點解咁講呢

首先 令玩家暢順地體驗遊戲係一隻game的基本
信連行路、轉身都要lag一lag 根本做唔到LOL所謂的微操作（玩過LOL應該明）
唔係話要模仿LOL 而係學習他人成功的地方  （唔好好似晚清自尊心爆棚咁自我FF 覺得自己大清帝國超勁而無視歐美值得學習的地方）

加上信係一隻PVPgame 遊戲的難度大部分應該黎自其他玩家  因為其他玩家有技術而有難度 因為打敗有技術的玩家而滿足
多餘動物 多餘的樹阻擋視線 手殘按到其他部隊 ed野係來源於遊戲本身的難度 煩膠程度大於娛樂 過多只會令人厭煩
（你覺得“有技術地”避開小動物 A樹 避免卡係成堆兵入面、避免手殘 會令你覺得滿足同快樂咩）
唔係話要降至冇難度 而係降至娛樂與難度的平衡
問題可以從地圖開發e個最初步驟而避免、解決    點解仲要玩家去煩ed低級問題？

如果這是考驗玩家技術的地方 我只能說考驗方向錯誤 重點錯誤
真正考驗技術的地方應該係玩家觀念（出兵的時間點、進攻or退守的決策） 同 操控英雄的走位、技能 （例如服部插旗拉、走位避拉）ed就係考驗玩家技術的同時會帶來滿足感
而唔係成日提心吊膽驚手殘or卡兵

BTW恥笑LOL玩家0反 我真係笑而不語 只能說你有d井底蛙

的確冇野係十全十美，但做到盡力做到最好亦問心無愧

[ 本帖最後由 lasthope 於 2015-1-14 16:03 編輯 ]

Y.sn

其實我玩左咁耐信長 都覺得梗系有D野要修正返        但大部分玩家都唔願意去試新圖,沒計,唯有去轉戰LOL算= =====

旦胞反

覺得卡位 暗位有問題的話 我十分建議你去睇War3正規比賽/DotA影片 睇下d人點樣將呢個設定發揮得淋漓盡致