上條京介

地圖名稱：魔幻夢戰記v9.9 (又名: 自製職業對戰)
地圖類型：對抗
地圖語言：繁體中文
玩家人數：至多12人
地圖作者：derek931026
專屬RC群組：26199116
討論區／資料站（未完善）：https://sites.google.com/site/rc26199116/Discuss
最後更新日期：2014-07-07

遊戲背景：
你以為人死了一定會到冥界嗎？事實上，有些人能從鬼門關逃回人間，有些人卻返魂乏術，其實是因為當中有魔界的緣故... 而你...一無所知的來到了魔界...為了求存，為了返回人間...你必須在這裡打敗其他競爭者…
（以上為中二作者毫無吸引力之地圖背景介紹）

特殊系統：
1）競技場
每隔一段時間，為防止掛機、避免長時間無遇敵、考驗團隊合戰能力及提供拉鋸戰中的刺激翻盤，會將所有玩家傳送到競技場中死鬥。
－特別策略：由於復活需時，在競技場開始前數秒被擊殺的敵人將無法參戰！善用這一點將大大提高團戰成功率

2）稀有怪物及大寶箱：
每隔一段時間，地圖上有機率（有時會整場都不出現）刷新稀有怪物或大寶箱（兩者同時只會出現一種），擊敗稀有怪物會令全隊獲得強而有力的團隊buff、打破大寶箱則會令全隊得到額外的金錢和技能點！成功爭奪有時可能會成為遊戲的勝負手！
－特別策略：部分裝備附帶的技能可以對野外怪物造成額外或巨額的傷害，犧牲自己的物品欄有時可以為團隊帶來優勢

3）賞金系統：
為保護新手，被連續擊殺時敵人所得到的賞金將逐次降低，賞金過低時死亡更會得到更多的金錢補償且死亡不會被計入對方的殺敵數中；相反，連續擊殺敵人時賞金會提升，集火高賞金敵人可以得到大筆金錢！同時，為避免新手保護機制被濫用，機智的作者每隔一段時間將會重置賞金金額！
－特別策略：若被殺得太狠，可以善用低賞金帶來的保護，勇敢衝在前方輔助團隊中的其他角色進攻

4）團戰鼓勵：
為提高玩家的合作和對戰意欲，野外怪物帶來的收益遠遠不及擊殺敵人，而且友方擊殺敵人時處於一定範圍內的你亦能得到金錢和經驗獎勵！因此，請不必保留技能「搶人頭」，齊心合力掃蕩敵人！
－特別策略：由於單殺難度極高，因此可盡快找到隊友一同前進，以團結之力打敗敵人

遊戲特色:
1）獨特玩法由你而創：
共計6門基礎職業、10條進階職業路線、超過百招技能任你隨意配搭！沒有既定的職業玩法，最強的角色由你親手打造！
－目前共有戰士、法師、弓手、騎士、刺客、浪人六大初始職業選擇（後三者使用難度高，不建議新手使用）
－初始職業及一轉職業各有至少１２招不同技能選擇、二轉各有４到7招不同技能選擇
－大部分技能具備成長性，隨著英雄的裝備和配點不同更能衍生出更多不同傾向的玩法

2) 成長配點由你決定：
厭倦了一般對戰地圖天然被限定的三圍成長嗎? 在這裡，獨特書商系統讓你可以自行決定三圍成長方向，你可以投放多些資源集中提高攻擊力，又或是集中提高生命力…一切由你決定！
－力量只提供生命回復、敏捷只提供攻擊速度、法力只提供法力上限及回復
－每個等級獲得１點書商點數，可於書商處選擇提升力、敏、智、血、攻或甲
－同一書商只能購買７次屬性，各書商提供的屬性效率不同，配點需慎重！

3）便捷的物品系統：
擔心玩新地圖上手的時間很長，又不知道要買哪些裝備，又擔心合裝很複雜很麻煩？商店擁有完善的分類系統，讓你可以輕鬆找到你想要的裝備。另外，本地圖採用物品編號制，每件裝備都有各自的編號，讓你輕鬆尋找裝備合成！此外，所有裝備亦可直接購買，減省尋找合成裝備的時間！
－超過一百四十種裝備和消耗品，進一步令你與其他相同職業的玩家擁有不同的打法
－裝備按其主要功能劃分為攻擊力、攻擊速度、生命和法力、……分門別類，尋找心水裝備so easy！

4）人性化勝利條件：
本地圖於開始後會自動偵測主機（不一定要紅色，誤判機率不超過20%），主機可以設置分隊方式、戰鬥場地和勝利的殺敵數需求。
－包含混戰、3v3v3v3和6v6三種分隊方式，總有一種適合你們的需求
－戰鬥場地包括一個小魔界和一個大魔界，完美適應多人遊戲和少數人對戰，媽媽再也不用擔心我找不到敵人了！
－由測試團隊無數場用心戰鬥後總結出的最佳殺敵數方案推薦，對應不同的參戰人數



不一樣的職業、不一樣的技能配搭、不一樣的屬性配點、不一樣的物品、以及不一樣的技術較量......一場場變化萬千的戰鬥....即將於魔界展開......

友情提示：在魔界當中...人數和刺激度是倍數上升....強烈推薦多人遊戲，玩家數量愈多愈好！

友情提示２：強烈建議新手認真看完物品欄中的說明書，對熟悉地圖有莫大幫助！

遊戲截圖：
競技場激戰：







合力擊殺稀有怪物：




野外激戰：







地圖：
地圖大小超出權限所以另外上傳，請見諒
https://drive.google.com/file/d/0B6eQiTzzIhs_MTFZVHdFOFJfWlU/edit?usp=sharing

[ 本帖最後由 上條京介 於 2014-7-8 20:04 編輯 ]

tte111

好遊戲!!!

HERO534

呢張咁既圖係vlan唔會有人玩架啦 張圖玩法又唔好 殺人全隊多經搞到一味玩圍嘔
開頭肥到既就肥到落尾 新手=肥料 肥人肥到完埸 冇人玩架啦無謂晒心機

tte111

引用:

原帖由 HERO534 於 2014-7-8 21:05 發表
呢張咁既圖係vlan唔會有人玩架啦 張圖玩法又唔好 殺人全隊多經搞到一味玩圍嘔
開頭肥到既就肥到落尾 新手=肥料 肥人肥到完埸 冇人玩架啦無謂晒心機 ...

同志,我唔係咁睇,呢張圖本身係鼓吹大家多D打團戰 大家一齊合作。
而你講的圍嘔問題只要大家合作D 一齊去殺人 唔好自己一個人落單其實好小會出現呢個問題。
另外當低level的人殺高level果陣，獲得的經驗值會比較多 ，只要合作好容易可以追番上去。
另外，定期會出現極有戰略意義的稀有怪物和寶藏，呢兩樣野好多時候都係一個逆轉的機會。
By the way  有咩情況下新手可以一步登天 直接贏曬所有高手呢  咁呢個人仲係唔係新手呢
我對你講話新手=肥料呢點有保留

你崩潰嗎

呢張圖作者愈改愈唔受歡迎 玩來冇意思

HERO534

引用:

原帖由 tte111 於 2014-7-9 00:05 發表

同志,我唔係咁睇,呢張圖本身係鼓吹大家多D打團戰 大家一齊合作。
而你講的圍嘔問題只要大家合作D 一齊去殺人 唔好自己一個人落單其實好小會出現呢個問題。
另外當低level的人殺高level果陣，獲得的經驗值會比較多 ，只 ...

鼓吹大家多D打團戰
不如話鼓吹新手們去死 裝備差距 等級差距(2轉) 技能等級差距 滅一次團已經可以話等gg
識得玩既可以係肥好快 頭5分鐘內都出到一件神裝
張圖最大既敗筆根本就係殺人附近既人都吸到極多經驗 逼人團戰
新手們只能集體去送死 本來舊版好地地都仲可以打下遊擊
你係有玩開既話都好清楚 總有些人殺數特別高 肥料既始終肥料 開頭玩得衰 再努力都係肥料
另外你講咩定期出寶物之類 真係算吧啦
呢樣野只係俾強者一方殺新手既餌誘
成班camp狗殺完人再打爆個箱肥到呢(我都camp唔少次啦)
講什麼戰略 你真識講笑 呢張圖反敗為勝既機率0.001%? 我以往玩咁多埸佔上風都未輸過咁

[ 本帖最後由 HERO534 於 2014-7-9 00:23 編輯 ]

cat6521

引用:

原帖由 HERO534 於 2014-7-9 00:15 發表


鼓吹大家多D打團戰
不如話鼓吹新手們去死 裝備差距 等級差距(2轉) 技能等級差距 滅一次團已經可以話等gg
識得玩既可以係肥好快 頭5分鐘內都出到一件神裝
張圖最大既敗筆根本就係殺人附近既人都吸到極多經驗 逼人團 ...

逼人團戰 , 呢D只係比到你等級上既錯覺 , 我10lv裝一肥起 , 殺一件就已經追番哂lv既差距 , 何來敗筆...
等級差距 一班10lv一圍死一個42lv分分鐘立刻30lv , 同埋即使有lv差距 , 技能點上冇極大既差距 , 分別其實唔大
而新手問題 , 呢隻game有存在什麼由新手變識玩既樽頸? 比起好多game , 呢隻要上手絕對唔難 , 頭幾場可能要望下啲技能,堆裝備同埋書商點 ...
你話新手送死... 佢唔聽識玩既講 , 沖去自殺 , 玩咩game都只會送死~.~
新手願意集合哂先行絕對唔會只有送死呢條路...
反勝既勝負手 , 莫過於搶大寶及職業既配搭 ... 搶唔掂大寶就真係幾麻煩
至於肥料既始終肥料 開頭玩得衰 再努力都係肥料 , 唔好意思... 討論區／資料站大把肥料變救世主既replay   唔信可以去搵黎睇下
定期出寶物預左會有人camp , 乖乖地比人camp就係你地問題 , 唔諗下有冇咩方法可以硬搶 , 呢D就係所謂既戰略 。
只要係對戰圖 , 就有新手同識玩之分 , 如果新手可以屠番識玩果d , 似乎有啲本末倒置吧...
信長為例 , 新手邊知咩叫強王 , 見到殘兵要點做都唔知啦...
而反勝呢樣野 , 我以往玩咁多埸佔下風都反勝唔少   完全係心態問題 , 有D人一處下風就唔合群 , 亂咁沖去自殺 , 想反勝都難啦 , 都係果句 > 討論區／資料站有反勝既replay   唔信可以去搵黎睇下
如果你認為唔洗戰略 , 就真係>_>

太空垃圾

其實就算識點玩都未必肥得快 我就系一個例子 雖然我玩左好耐 由0.1玩到e+9.9a 但我有時候都系唔夠1d新手打 而且 e個game比起信長e種game 絕對會容易上手得多 重有 一般尼講 d老手唔會怒屠新手既 只要d新手跟住隊友 關鍵時刻加兩刀埋去就可以搶到上風 不過個上風只要唔系相差10殺/以上既話 基本上都好易追到ga～～～～～     重 反敗為勝既機會好細 ed只限於真正既高手場（全員決鬥mode） 普通路人場 反敗為勝其實好常見 好似我之前玩左1場 本來我地領先13殺 結果都系比人反敗為勝 e個圖真系好好玩 真心推薦～～

HERO534

引用:

原帖由 cat6521 於 2014-7-9 12:54 發表


逼人團戰 , 呢D只係比到你等級上既錯覺 , 我10lv裝一肥起 , 殺一件就已經追番哂lv既差距 , 何來敗筆...
等級差距 一班10lv一圍死一個42lv分分鐘立刻30lv , 同埋即使有lv差距 , 技能點上冇極大既差距 , 分別其實唔 ...

你究竟有冇玩過 我睇你第一句已經知你係冇玩過 10lv肥起反殺42lv都講得出
你唔好再吹大d?條友企定定俾你屠?
加上隻game較殺數 點解42lv仲唔完埸既? 定係新版改左殺數可以較999?

仲有你話技能點上冇極大既差距我就知你冇玩過張圖
張圖殺人升lv先多技點 18lv轉職技先屈 我真係想像唔到你未轉職可以用乜反殺42lv
你係咪唔識升技能? d技最高可以到7lv

新手集合一齊行做肥料? 根本團戰唔夠打就係唔夠打 等級差距就係等級差距
根本無反敗為勝呢回事 識玩既放兩三招技秒完你行埋一邊等回技再屠過第2個打遊擊
你仲要一齊行 怪又食唔到 人又殺唔到 等輸啦真係 所以張圖逼人團戰咪白痴囉

搶寶箱 請問點樣用戰略去搶? 識玩就識得召兵仔睇位or隱身周圍搵人殺啦
不如你教下d新手們點樣唔俾人camp又可以硬搶個寶箱? 我玩親佔上風搶寶箱時都附送唔少人頭

回埋樓上 反敗為勝唯一方法就係叫d冇用既隊友走埸or佢自己走埸 的確幾常見
一開波入到game走埸更好 好似全隊加2千蚊? 一開波有隊友走埸真係嬴硬 因為張圖計殺數 我都不知幾想隊友走埸
仲有你話你0.1玩到9.9a 你係作者?定係昆狗

[ 本帖最後由 HERO534 於 2014-7-9 20:14 編輯 ]

戰卍神

(你究竟有冇玩過 我睇你第一句已經知你係冇玩過 10lv肥起反殺42lv都講得出
你唔好再吹大d?條友企定定俾你屠? )
雖然7樓講既10LV反殺42LV係吹大左小小，但如果LV差距收返細既話，有反殺既可能性的確係事實係咪?
(加上隻game較殺數 點解42lv仲唔完埸既? 定係新版改左殺數可以較999?)
呢點我唔係好同意，大部份玩過呢張圖既人都知道LV的確升得快，係完埸殺數係80/100既時候42LV既長期戰鬥的確會時常出現。

(新手集合一齊行做肥料? 根本團戰唔夠打就係唔夠打 等級差距就係等級差距
根本無反敗為勝呢回事 識玩既放兩三招技秒完你行埋一邊等回技再屠過第2個打遊擊
你仲要一齊行 怪又食唔到 人又殺唔到 等輸啦真係 所以張圖逼人團戰咪白痴囉)
冷靜，新手抱團只係一個戰略，而且唔係次次出門口都要即時做係咪?
而且抱團亦都有佢既好處，當你幾個人見到一個人落單CP既時候咪可以做到低等殺高等既效果。
再者，低LV殺高LV係會有十分多既額外經驗，的確係一個唔錯既反擊機會。之後用返等級差距壓制對面都冇問題

(搶寶箱 請問點樣用戰略去搶? 識玩就識得召兵仔睇位or隱身周圍搵人殺啦
不如你教下d新手們點樣唔俾人camp又可以硬搶個寶箱? 我玩親佔上風搶寶箱時都附送唔少人頭)
呢度可以推薦比樓上一件好裝，叫白骨血爪，佢既效果可以直接扣到寶藏/稀有怪物一半既血量，比刺客用黎汁雞會做到極好既效果。

不過我都同意新手比較難接受到呢張圖團戰係易比人屠呢個位既，亦都係因為呢個位令到張圖流失左唔小人

太空垃圾

一開始有隊友走場並唔系好事...特別系高手場裡面 因為6打5 打小個 好容易比人圍打死  走1個人得1500 1500作用唔大 所以 有隊友走場唔會系好事咯～～我之前試過 本來我地領先16殺 結果最後就系因為有1個人走場 而令我地輸比人地....最後我地系輸兩殺 so sad～～～（可惡的林水飯！！！！）

HERO534

引用:

原帖由 戰卍神 於 2014-7-9 22:00 發表
(你究竟有冇玩過 我睇你第一句已經知你係冇玩過 10lv肥起反殺42lv都講得出
你唔好再吹大d?條友企定定俾你屠? )
雖然7樓講既10LV反殺42LV係吹大左小小，但如果LV差距收返細既話，有反殺既可能性的確係事實係咪?
(加上 ...

呢度可以推薦比樓上一件好裝，叫白骨血爪，佢既效果可以直接扣到寶藏/稀有怪物一半既血量，
比刺客用黎汁雞會做到極好既效果。
可能我玩既係舊版本 你唔講我都唔知有白骨血爪呢件神器
睇黎搶寶箱模式已經唔同左啦原來係玩鬥快 一人一個白骨血爪 寶箱都秒
所以我就話越改越膠係冇錯 加埋晒d咁無聊既玩法
呢d原來就係7樓所謂既[戰略搶寶箱]  咁都可以講得上戰略 佩服
而且抱團亦都有佢既好處，當你幾個人見到一個人落單CP既時候咪可以做到低等殺高等既效果。
再者，低LV殺高LV係會有十分多既額外經驗，的確係一個唔錯既反擊機會。之後用返等級差距壓制對面都冇問題
佔上風果隊點解要落單cp唔可以團隊一齊行? 團戰屠多你鑊唔好? 即使落單去cp
又會咁易俾你班低lv殺到? 隻game不嬲係玩打遊擊 例如玩忍者 放兩野技飛個普攻埋去你都瓜左
1個屠你5個都可能仲得 又或者玩盾戰 硬掘掘一個拖你5個 識玩既壓都壓到你完埸啦
反殺呢樣野你講得太易 一開頭滅人一兩次團已經可以屈裝屈lv屈得好犀利

然7樓講既10LV反殺42LV係吹大左小小，但如果LV差距收返細既話，有反殺既可能性的確係事實係咪?
非也,根本冇可能反殺 2轉點會輸俾個轉都未轉既人 就算俾你1轉又點
六件神裝打你一兩件神裝 技都升爆加點又加爆 咁都俾你反殺就好唔正常
普攻都a死你啦42lv既話

[ 本帖最後由 HERO534 於 2014-7-9 22:43 編輯 ]

HERO534

引用:

原帖由 太空垃圾 於 2014-7-9 22:25 發表
一開始有隊友走場並唔系好事...特別系高手場裡面 因為6打5 打小個 好容易比人圍打死  走1個人得1500 1500作用唔大 所以 有隊友走場唔會系好事咯～～我之前試過 本來我地領先16殺 結果最後就系因為有1個人走場 而令我地輸 ...

你仲吹水? 仲話之前試過 咁你又話你領先16殺結果有人走埸
但我講緊既係一開波隊友走埸送1500
開頭每人多1500 5個人既話咁就7500
五打七都冇問題啦如果可以有七個對手既話
開頭每人多1500蚊都輸咁就係你地廢

呢張圖主要係打遊擊 五打六 六既根本優勢唔大

[ 本帖最後由 HERO534 於 2014-7-9 22:40 編輯 ]

gundumX

兩句講完：
真係打魔幻夢戰記唔好係vlan打，撞親所謂高手唔係傻仔就係井底之蛙

HERO534

引用:

原帖由 gundumX 於 2014-7-9 22:45 發表
兩句講完：
真係打魔幻夢戰記唔好係vlan打，撞親所謂高手唔係傻仔就係井底之蛙

vlan有人開呢張圖既咩? 真係未見過
即使有都好難開始到吧 d人只會絕信 ltd等等..