世狸

近日，其實都唔係近日，近年我地打開電視，睇下報紙都見到香港人不停對抗內地人，又遊行，又用相機炮擊，有相談又特意破壞，有好多小動作尼騷擾兩地關係，不過事實上兩地之間到底有咩問題發生緊﹖
內地人自中共建國起一直都承受各種天災人禍，大多人數於文革時間飽受折磨，社會生活困苦，直到改革開放，資本意識令到人民知道致富既機會，可以由貧賤到大富大貴，試想下人的自我意識會有何改變﹖中國人五千年的中土思想深根蒂固，像官僚、家勢、以財位區別人，這是一個整體結構性的問題，如何老師都不是一個文明人，那麼他怎麼教導學生成為文明人﹖老一輩的頑固造就今一代的頑劣，而香港直面承接這個衝擊，卻只想抱著一個各家自掃門前雪，別人不要來犯的思維，而在政治上香港只是一個行政特區，香港並不是一個獨立的地方，我會覺得這樣中國是個根，總不能因為根被污染了，那麼枝葉就能拆斷然後離去。
而香港的大眾普遍都在往後看，只是懷愐往日的香港，甚至不理自尊，拿出了港英旗，理論上可稱之為奴性，昨日的香港是過去了，縱使重現，對現在不一定是好事，人該往前看，香港人的目光只在於眼前，認為內地人就是瘟神，沒有文化，沒有公德心，甚麼都沒有的，只有錢。除了這個錢以外，其實所謂文明人以前都不過是跟他們一個樣子嗎﹖香港人的自我優越感就似是學校裡的高年級生在鄙夷低年級生，數算著他們的不懂得，可悲之極﹗這還算是接受過教育的人嗎﹖似乎大家像是古時的貴族一樣，享有自己的特權，然後看低平民，只是你真的那麼高貴嗎﹖大家都有讀過關於孔子的少許，起碼清楚那種思想對吧。當你看見鄰家的小孩很頑皮，你只希望把他送回去，到底有沒有想過去教導對方﹖
時間，若放長幾年，十年，十幾年後，中國內地又是怎樣的面貌，人是會進步，會改變﹖或是從來沒有把他們當作過人﹖香港人看到的，是內地的黑暗、封閉，卻看漏了正在萌芽的光，一直加深兩地仇視，最後吃虧的會是自己。一個決定隨時可以改變未來。

咁大家又點樣理解內地﹖我係好驚，好抗拒，一年先跟阿媽去一次，每次都心驚膽跳。而香港人，我覺得仲恐怖。

[SincR].CRazY

當你看見鄰家的小孩很頑皮，你只希望把他送回去，到底有沒有想過去教導對方﹖
你講得岩既,咁係咪等於要接受佢地既行為?e.g.周街大小2便
教細路都係靠打靠罰,你所講既相機炮擊之類既行為我認為可以睇成係教導佢地既過程。然而佢地一而再再而三咁越過我地既底線,你作為一個香港人你忍受得到嗎?
當然,我唔係話香港人樣樣野都岩,的確香港人既排外意識好強,但係所謂入鄉隨族,你黎到香港係咪應該守番當地既規則呢?

鍾意就插啦,我都預左

Believe.

個POINT根本唔係香港人睇得自己太高
係內地人自己睇自己唔起

同埋 係街上面小便 除左中國 都幾難搵第2個 仲要做完唔認錯 叫人體諒
講真 我番內地 食飯都怕 咁多負面新聞 唔係因為有親戚 番都唔想番
另外樓主
君子不立危牆之下
如果你覺得香港仲可怕 可以番大陸

[ 本帖最後由 Believe. 於 2014-5-2 15:23 編輯 ]

世狸

或者真係睇自己唔起
不過我始終覺得就算係咁
最多係個阿媽唔岩 而個仔係無辜既
而且如果佢地根本冇果個意識係度 根本唔明點解錯
只求有日會改變到
不過香港咁恐怖 我會去台灣多D

redbe薯

大陸人黑心食品，山寨多多，周街柯屎的確可恥.。
但我都覺得香港人一直只係五十步笑百步
講番香港情況
成日係D FB或者網上呀到D人叫人唔好岐視同性戀,唔好種族歧視之類.
跟住自己見到大陸人就狂踩....
另外有D又去淘寶網買野呀...跟住轉個頭又有份鬧大陸幾衰....
大浪西灣事件，香港有人無屋住，但有人就霸住一大達空地，唔交出來比政府建設。
其實香港人好自私，有好多野都睇得出，睇多d新聞，平時留意下身邊事物都會睇得出。


可能我既例舉得唔係太好，但我想講既係
其實香港人都唔好得去邊，只係大陸既問題更嚴重。
我一直都想香港人其實都審視一下自己，唔好再做個五十步笑百步既香港人。
無可否認，香港人既質素係比大陸人好，起碼唔會隨地柯屎，又整黑心食品害人‧‧‧‧‧‧
但我覺得香港人都應該改善自己。

[ 本帖最後由 redbe薯 於 2014-5-2 16:33 編輯 ]

SpaWN★

引用:

原帖由 redbe薯 於 2014-5-2 16:31 發表
大陸人黑心食品，山寨多多，周街柯屎的確可恥.。
但我都覺得香港人一直只係五十步笑百步
講番香港情況
成日係D FB或者網上呀到D人叫人唔好岐視同性戀,唔好種族歧視之類.
跟住自己見到大陸人就狂踩....
另外有D又去淘寶網 ...

講咩都唔得架

讚又嘈 話又嘈

寒蟬

係你既文字已經睇得出又係維穩POST一個
又用相機炮擊，有相談又特意破壞
你既立場已經企左係大陸人方面 從開首已經睇得出你假定左香港人所做既事係影響中港關係既主因 你未免看得太過表面
然而港英旗方面你又主導左香港人舉出港英旗係不理自尊既行為 但你將港英旗看得太過政治化 事實上大部份係香港人緬懷英國統治香港既時期 你老師有冇教過你 從歷史中得以改善現今?

*香港人看到的，是內地的黑暗、封閉，卻看漏了正在萌芽的光*
;P;P;P;P;P;P;P;P;P;P;P;P;P;P;P;P;P;P;P;P;P

[ 本帖最後由 寒蟬 於 2014-5-2 17:13 編輯 ]

寒蟬

你成個concept錯哂 你所講既野連一D關連都冇 唔需要再討論下去

redbe薯

引用:

原帖由 SpaWN★ 於 2014-5-2 16:44 發表
講咩都唔得架

讚又嘈 話又嘈

幾時話唔得@@
同堆其實唔明你想講乜.

引用:

原帖由 寒蟬 於 2014-5-2 17:09 發表
你成個concept錯哂 你所講既野連一D關連都冇 唔需要再討論下去

同樣講緊素質,請問點解無關連呢

SpaWN★

引用:

原帖由 redbe薯 於 2014-5-2 17:44 發表

幾時話唔得@@
同堆其實唔明你想講乜.

同樣講緊素質,請問點解無關連呢

話番香港人不是又比人話
講中國又係
讚下外國文明又比人話
講咩都死 真係好多餘

SE7EN水

引用:

原帖由 SpaWN★ 於 2014-5-2 17:59 發表
話番香港人不是又比人話
講中國又係
讚下外國文明又比人話
講咩都死 真係好多餘

redbe薯

引用:

原帖由 SpaWN★ 於 2014-5-2 17:59 發表
話番香港人不是又比人話
講中國又係
讚下外國文明又比人話
講咩都死 真係好多餘

何出此言...

世狸

歷史往往都係最諷刺人
一錯再錯 錯而又錯
「維穩」可以話係一個取向，亦都係一個標籤，因為歸類為一個類別就等於不予置評，其實會唔會係迴避左個問題呢﹖而另一個問題，你地想建設定係想批鬥﹖我比較鐘意大家坐埋一檯認認真真，好過大家日日係度互相指錯處，唔通每個人都係聖人咩。
如果我企係大陸人果邊，我就一定會鬧爆香港，可惜我既理想係香港好。
其實都市人既生活唔多唔少都令人腐化，開始缺少左積極感，以往香港起飛，大家係為左脫離貧困基礎，當初冇咩複雜既事情，只要你肯做，你就一定可以富起來，每個人都有機會白手興家。不過時至今日，香港人冇辦法再以勞力向上攀，呢個時侯係應該要計劃下將來，至少要搞清楚香港人到底需要乜野先。優越感﹖
老實講，香港人搞掂左自己先可以理直氣狀咁指責對方，五十步笑百步，我會覺得好難堪，以錯誤的觀念指罵對方，例如有內地人於公眾地方作出不雅行為，而當時的群眾立刻反應——舉起手機，好似大家覺得理所當然。內地人到港旅遊，香港市民疑似「驅趕」﹖我又想知到底香港人想要D咩﹖一直話佢地係蝗蟲，侵蝕香港，點解大家唔可以理性D去解決﹖政策呀商業恕我文科人唔多識啦，起碼家下只見得係相方加深仇視，無意解決問題。如果你話唔要自由行，唔要一簽多行，咁就可以解決問題，咁點解我唔話大家各有各做，以後互不相干﹖求變，求進取PLX。
香港人可能比較喜歡當初富有本地人情細故既小都會，冇連鎖店，冇內地旅客，只不過咁樣合唔合宜呢﹖歷史中都有改朝換代，隨時間而改變，而人會從中搵到新既目標。呢家既問題唔應該再當係一個文化衝突，而係一個危機，要做既係化解，唔係推卸。

斷玉

有d人永遠都站係香港社會體制下
去觀看中國大陸

d人永遠都唔會考慮
要管理一個香港同管理一個中國大陸
到底兩者有幾大分別
之間存在左幾高難關

我地香港，計百年英國文化洗禮
先到今時今日水準
人地呢??教育，社會開放，體制交流等等
係囉，自己條命生得好，咁岩係香港
享受到前人種下d成果，唔該唔好以為自己功勞
你地邊個有本事敢講自己出於污泥而不染??

時間好重要，要徹底深深影響改善一個社會風貌談何容易??

Believe.

引用:

原帖由 斷玉 於 2014-5-2 21:13 發表
有d人永遠都站係香港社會體制下
去觀看中國大陸

d人永遠都唔會考慮
要管理一個香港同管理一個中國大陸
到底兩者有幾大分別
之間存在左幾高難關

我地香港，計百年英國文化洗禮
先到今時今日水準
人地呢??教育，社會開放 ...

你都識講 教育有問題 咁有問題就應該改啦
唔係求人體諒+唔認錯掛?

唉 你都唔好以為你有得去外國係你自己好 單純你生得好 你老豆老母有錢供
時間好重要，要徹底深深影響改善一個社會風貌談何容易??
嘩 中國5千年歷史 比不上香港
時間真係好重要

[ 本帖最後由 Believe. 於 2014-5-2 21:55 編輯 ]