[Open]
[Close]
侏儸紀公園各樣特別的技巧+詳盡介紹 (附有圖片)
情人節又到，祝大家食女無數！
好耐無開post，咁就想同vlan既眾會員分享一幅圖，同埋分享下自己對呢幅圖既心得與感情
記得第一次玩呢幅圖個時係05﹑06年既事，個時唔記得係kyx定heha玩3.2K中文版
第一次玩個感受真係好震撼同好驚，行來行去，起個營同火把...跟住就比條不知名既恐龍咬死左＝.＝"
經過多年既磨練同fd合作，到最後已經可以自己單通初版既最難，從此就無接觸「侏儸紀公園」
直到最近接觸返D97版，新既地形，添加左新既恐龍，同多左隨機職業，令我對呢幅圖又再瘋狂！
D97地圖介紹(轉載於地圖介紹):
這是張生存地圖,玩家要在充滿著恐龍的孤島上存活下來等待直昇機來救援(開場可選時間)
隨著時間過去恐龍會越來越兇猛強烈建議多人合作互相幫忙(2人以上 可互相幫忙掩護)
前期是重點,只要前期撐過來定下基礎,後期繼續發展通常不會有太大問題(高難度例外)
通常每個人系統都會分配一個職業,這是侏儸紀的特色之一,有超強勢職業也有地雷職業...
除了職業還有各種突發事件與劇情來考驗玩家,一切都看玩家的運氣,整張地圖充滿著變數,每一次都將有不同的體驗!
補充:還有天災...前期遇到特定天災致死率很高
侏儸紀公園是張好圖 高難度下考驗生存能力 甚至是運氣
個人心得:
呢幅大致分為三個玩法
第一個玩法:
炮塔守衛者
首先比較建議場主選擇"禮物模式"，玩家可以先探索地圖搵下地下既禮物﹑資源or直接搵一個岩自心水既位，最好可以卡龍既令位起營採資升科技，
何謂卡龍？即係你D炮塔可以攻擊條龍，但條龍因為地形關係唔識過來攻擊你。
如非一次過來太多龍，一定可以安全通關。而選位方面，最好揀D得一,兩個出入口既地方。主
要守好個出入口，係出入口處起電門,電墻或地洞。
個人建議前期起強化電門，後期續一轉成地洞，因為地洞既耗電比較少，血量比較高。無記錯每位玩家電力上限好似係125。
(小技巧：可以將防具放入地洞去加防。亦可以將無敵藥水放入去，如果來太多龍可以開短暫無敵)
致於升野方面，如果已經做好基本防禦工作，就可以開始錢搵錢啦。
"基礎學院>工程學院>循環技術共享+基礎建築物>計算機設備"=每30秒獲得10木(小技巧：可以起多個計算機設備，每個計算機設備既獲利係分別獲得)
當然要一邊搵錢一邊起強化炮塔作好防衛工作，之後可以"基礎學院>機械學院>機器礦工"，
最多可以係"帳棚"生產最多兩個礦工機器人，(小技巧：不彷起2~4個"化石掘礦地"，礦工機器人分開礦地增加效率)
"基礎學院>生物學院>人類基因工程"可以增加倖存者每次採集既數量同MP，採集上限每次為4，特殊職業例外，如"納美人"﹑"異型"等等。
亦可以"基礎學院>生物學院>克隆技術"可以增加最多兩個克隆倖存者採資。
"基礎學院>火力中心>額外利潤"最多可以增加100%殺每條龍既金錢收入。但部份大型恐龍例外。
特別注意"基礎建築物>野外雜貨舖"可以金換木，而除左恐龍模式外，其他模式殺左條龍會相對既金錢收入。如果有太多金，太少木，可以起多個野外雜貨舖。
(大技巧：當你可以起激光炮塔or火箭炮塔之後再起野外雜貨舖，你會發現野外雜貨舖入面激光炮塔or火箭炮塔工具組出售，而呢D工具組就算125電力用盡左，都可以無視電力上限建造，即係有錢就可以起無限支炮塔，只要驅蟲裝置做好)
場主可以開局或中途輸入"-STT"，大型恐龍死左之後條屍唔會壓扁D用來卡位既樹，
不過呢個指令對S級恐龍無用，例如"狂暴成年雷克斯暴龍"﹑"狂暴棘龍"等等。
留意後期"物理學院"入面個"彈道技術"一定要升，"基礎建築物>計算機設備>運行彈道技術"可以增加炮塔15%攻擊力，不可累加。
每個學院入邊D科技獨立升爆，之後都有個隱藏物件可以生產，例如"機械學院"升晒D科技可
以係"基礎建築物>車庫>車輛配給中心"生產"超科技吉普車"，
"物理學院"升晒D科技可以起支sm既"全能發射塔"。
守到最後如果無劇情出現，就前去搭直昇機走人。小地圖會有閃爍提示直昇機乘搭點同注意直昇機既高低位。
第二個玩法
狂暴倖存者
如果一開始就選用呢個玩法既玩家，一定要有先天既戰鬥優勢，例如"絕地武士"﹑"刺客"等等，一開始就有把唔錯既武器。
(小技巧：當呢D職業既倖存者死左，把武器會跌係佢死左個位，比如電腦倖存者抽中"絕地武士"呢個職之後比龍殺左，跌左把"光劍"出來，即係汁得來用)
但特別要留意倖存者既血量！雖然高攻，不過低血低防。玩"侏儸紀模式II"或以上難度個陣，行來行去就可能會比D龍磨下磨下磨死。
再唔係抽中識變身既角色"神狼"﹑"生物巨魔"都可以前期sm D龍搵錢，但要留意招技既CD時間同待續時間，有時變身同條龍vs緊，vs到最後條龍返少少血但你招技甘岩完左...
如果個職有其他唔錯既技能，如"幽靈"﹑"忍者"等。如果玩高LV既模式，比較建議升左武館入邊D科技先周圍去殺龍。
點先可以練成絕世武功？(被眾摳)"基礎學院>武館"，升晒第一輪既科技(武功？)之後會要第二輪更強既武功彈出來比你升，放心~欲練此功，不需自宮。(再度眾摳)
特別"近身反擊"一定要升，因為有翼既恐龍係天上面飛，倖存者既基本攻擊係唔可以對空，唯有靠反傷反死佢自己。
(小技巧:有時有D飛得並唔高既昆蟲好煩，你可以A堆蟲蟲既地下A死佢)
可以同時起兩間武館，分別升技，會升快好多。
已經升晒武館入邊D科技之後可以"基礎學院>高階學院>極限戰鬥強化"，(小技巧:建議高階學院起入D，因為升技既時間比較長，如果升緊個時比龍拆左，資源無左又要等過)
最緊要注意"特殊建築物>祭壇"一定要建造"黑暗神殿"！因為"黑暗神殿"會令你個倖存者有吸血效果，出門口周圍屠龍必升之選。
(小技巧:ctrl+數字個黑暗神殿，方便幫自己"祈福"同埋"咀咒"敵人)
選用呢個玩法，基地既防禦都一定要做好，保護好"黑暗神殿"，先出門口屠龍，先可以無敵是最寂寞。
如果已經升晒以上既野，就算開始係正常職業既倖存者都會變成武林高手。S級既恐龍都只可以比你sm，地獄或惡夢模式除外。
第三個玩法
馴獸者or御龍者
由於上邊兩個玩法已經十分字海，下刪幾百字，有時間再同大家分享。
玩法其實可以混搭，最緊要玩得開心。
(大技巧:當學院入邊D科技已經升晒，周邊D產品已經出齊就可以拆得間學院，例如你已經學晒武館入邊D技之後拆左武館，你招技依然會係度，可以慳返D電力起其他野)
第一個玩法同第三個玩法D rp因為洗機唔記得buckup唔見晒，有時間再玩返。
最後送上小弟第二個玩法既RP﹑圖片供大家參考，祝大家遊戲愉快，生活愉快。
[ 本帖最後由 MonarchKing 於 2014-2-14 20:40 編輯 ]
附件: 您所在的用戶組無法下載或查看附件
