~前言~
今次的Camp發生係5個月前，果日陰天，想落雨咁但係最後都無落雨，
咁我果日就帶左扇、水瓶、傘、餅乾等等(唔係好記得=_=)
8點係青衣站集合，等齊人就上左專車直去Noar's ark，
係果到有2大任務要做，上下午各1個。
坐左2X分鐘車程，咁就到左Noar's ark，人生中第1次尼依一到，
落左車點齊人就入去，再行3分鐘到，就去到主場。
~上午~
去到果陣，就要我地放低晒書包手袋等等(應該話有需要的話)，
另外就係手機、響鬧裝置等等都禁止使用。
之後就係全部人排2條隊，2條隊的人面向隔尼果條友，之後玩咩呢...
唔記得左=.=
然後就係分組，決定2大任務的隊伍，分組的時候我都不斷去諗，
我會唔會同牛丸一組呢？
介紹一下牛丸，假設我的ELO係1000的話，咁牛丸的ELO至少有1500，
唔係講笑，真係好Q勁，高手一位。另外就係好活潑，好玩得的女仔，
當然時下青少年有的基本特性，佢都有齊晒，玩得但唔kai得，
同得佢合作就要醒目，唉……
(見到佢，我開心，因為佢係女仔；我傷心，因為佢……太OP
)
分完組之後，我地就逐個自我介紹……
~上午-野外定向~
主菜尼啦！上午我地玩野外定向，一開波就借2張地圖比我地，
1張黑白、1張彩色，2張都分別係24個位置記底左數字，
數字係Checkpoint，即係我地要去的地方。
另外就係1張答題紙，每個Checkpoint都有1張綠色卡，內有圖案，
我地要將圖案寫入答題紙，每個都有分(幾多分唔記得左)。
係指定時間內搵24個位置的圖案，寫入答題紙，係夠鍾前返到起點，
就係咁，過時扣分。
咁我地係咁E睇左地圖同答題紙之後，就馬上出發，
出閘果陣要係手背吸透明印，咁你就可以返入尼，唔記得吸印的話……
(另外，唔好諗住透明印係永恆啊，即係有D傻仔今日出去，
1個月後又想返入尼)
一出去，我地的位置係「1」附近，先跑去「3」，係啊！真係跑啊！
講到呢到，我同大家交代左路線先啦︰
3->19->20->1->2->13->14->17->15->21->23->22->24->12->18->起點
總共搵到15個Checkpoint。
一開始無咩野既，分好工，搵人渣地圖、搵人寫圖案、
搵人搵圖案等等啦，咁我就係渣黑白地圖果條友，
咁我地照住地圖望下東望下西，咁就搵到綠色卡。
特別要留意的係，某幾個Checkpoint有綠色卡同橙色卡各1張，
橙色卡係fake人的，有傻仔將橙色卡的圖案畫左落去，咁就錯左啦。
由「3」到「2」，我地都係一到Checkpoint，就所有人去搵綠色卡，
搵到之後就搵1人留低，其他的就即刻跑去另一個Checkpoint。
(E個係牛丸的指令
)
咁你會問我，係咪每個Checkpoint到Checkpoint都要跑呢？係！
我地全程都幾乎係跑的，所以之後出事啦！(當然唔係我啦
)
由「2」到「24」，你可能會問，點解要行左唔行右呢？右近D喎！
但係牛丸同埋隊友試過，唔比行，私人地方，Sorry。
我地都開始熱啦，我睇見牛丸咁Q熱，
成塊面紅晒，咁所以我就拎左把扇出尼pu(唔知點寫)佢，
咁佢就「你咁樣我仲熱啊」，我當堂O左，然後得淡笑，咁繼續行啦。
多數Checkpoint，都係隊友搵返尼，不過「22」果個係我搵的，哈哈！
跑係有代價的(都話唔係我囉=,=)，我地有隊友好肥，平時無咩運動，
所以就暈下暈下咁，行得好慢，牛丸都忍唔住返轉頭搵佢，好人XD？
不過有樣野我想同牛丸道歉，因為呢，
我地應該要過左「17」先轉右，但係我就搵錯左，
以為係「15」就轉右，咁之後牛丸就問候我……(好彩佢唔係超人)
「24」到「18」，傷心的一刻，因為呢……
我地係「18」果到遇到另一隊的同學，惡夢係依到開始，
記低左「18」的圖案之後，我地隊友就跟左另一隊尼行，
無左自己的諗法同計劃。
我地前後擋失2次路，第1次上完樓梯之後，有左右2條路行，
行右的話大約15至20分鐘就可以搵多3個Checkpoint，
但係我地簡左，搞到擋失路，於是我地放棄，
向下面搵多個Checkpoint就返起點(當時時間已經唔多)。
之後又係衰同一樣野，跟左另一隊走，結果Checkpoint就搵唔到啦，
仲要第2次擋失路，搞左好耐先有路返到去起點
另外就係，行到某個位，我見到諾亞方周，不過牛丸話唔係，
後尾我先見到原來果件野只係青馬大橋...(又一証明我係低ELO:()
好啦，返到去起點，無遲到，唔洗扣分，但係我地都唔方開心，
24個Checkpoint搵得果15個(62.5%)，始終比預期少，
一開始我地炮嘴話要24個搵晒，但係我地的Mapwess太廢，
有隊友跑兩野就暈底左，所以...好sad
成個上午我最後悔同傷心的係，我屋企個指南針唔見左，
如果唔係就帶入尼用啦，咁就唔洗擋失路咁煩啦，
我咁樣同導師講，點知「超」左我一聲之後就不解釋了，
我心諗發生咩事呢？唔通佢認為指南針係野外定向係廢的？
唉！唔Q知…
PS︰地圖同答題紙要交返比人，但係彩色地圖比我汁左XD
PS2︰故事好長，都係#11繼續。
