野小孩

看完這麼多個帖之後，我觀察到大部份的人都被困在一份社會的錯誤見解之中。
對於讀大學，我認為這跟香港的歷史有關，所以釀成這份深厚的錯誤之中。

在從前的香港，無論修讀任何的大學科目，都能保證自己有一份安穩而且滿意的工作，所以日積月累，大家都將讀大學視為工作的一部份。因為，讀大學有保證、讀大學有工做，所以讀大學就係搵工的必需品！這是從前釀成的問題。

然後，現今的大家又受到社會的催化，對於讀大學有了一份新的見解。大家開始認為就算讀上大學都無法找尋適合自己的工作，甚至連工都沒有。而中學畢業的人卻早在四年前就已經搵到一份人工厚待的工作，所以認為讀大學的用處不大。

我首先解釋為什麼會有部份的大學生難以尋找工作。大學有很多專業的科目，都與工作的範疇相距太遠，而導致大學生難以找尋找工作。例如哲學生。我有幾位哲學學士的朋友和一位哲學碩士的老師，都認為搵工的前途一片黑暗，原因是，哲學從來都受到誤解，而且在工作上被認同的領域並不多，所以搵工成為一份陰霾。這原因理性地解釋了搵唔到工的主要原因。

然後，我需要為讀大學作出小許平反。大學的本身都中小學不同，它屬於高等教育和專業領域研究，也就是，它的本質並非必需，而且並不是為了工作而顯生，而是單純的學術研究。所以請各位不要再用「搵工」的觀念去猜試上大學的想法，兩者不應該被含糊。

------------

我曾經在一篇文章中提及過。如果你沒有一定程度的覺悟，盲目去追求大學，花費四年時間痛苦於想抽離又無法抽離之中，倒不如用四年的時間搵一份可以付託終生的工作。

在台彎幾乎每個學生都能上大學，所以對他們而言，讀大學似乎是必修課程。而在香港，讀大學係講緊接近十萬元一年的負擔，以及未必有出頭的矛盾之中。無論是環境因素還在內在因素，在香港讀大學都並非每個人能夠負擔得起。

那麼誰適合讀大學？首選的人，是在中學時代已經啟悟，擁有自己理想的人以及追求住自己的專業領域的人。有些人立志要成為醫生，而讀醫生的基本條件就是讀大學，這類人只能夠努力地追求以及認真地反省。而追求住學術的人，自然應該追求專為學術而生的大學，這點不用詳細解釋。

只有半桶水覺悟的人，為自己的前途著想，認真打算到底大學是否自己的出路。畢竟，許多事實證明，就算沒有學歷也能找到很好的工作，別因為社會做成的誤會而害自己跌入陷阱。

[ 本帖最後由 野小孩 於 2013-8-1 19:17 編輯 ]

野小孩

這篇文章只是個人淺見，並希望藉此引起良性討論。

-_小昇ヾ★

其實我都大部份同意你講既野
好的工作價值觀唔同 我個人就勢利d
好的工作當然要係高人工
咁有無d咩例子係可以唔洗入大學
出到泥工作都有好既收入

阿平

哈哈,我讀大學只係想搵反番學同朋友同學上下課個種FEEL
加上大學E間壓力小,幾好,又可以學下野,又唔辛苦

阿平

引用:

原帖由 -_小昇ヾ★ 於 2013-8-1 20:32 發表
其實我都大部份同意你講既野
好的工作價值觀唔同 我個人就勢利d
好的工作當然要係高人工
咁有無d咩例子係可以唔洗入大學
出到泥工作都有好既收入 ...

老老實實,大把工都可以,只係要你願意做
我眼中,唔想讀書的中三完左出來就可以,搵份有得升有前景工
做7年野,
比你讀7年書人工一定高2倍

player07

「每個小孩均具有天賦的潛能，若他們得到適當的培育和教導，他們的潛能必會亳無保留地發揮出來。作為教育工作者，我們應該鼓勵孩子主動學習和享受學習，而不應只顧將知識不斷塞進他們的腦袋。」
雖然不是小孩.  時間線大家都系一樣過，效率最大化先好.
讀唔讀大學沒得一概而論.合適自己先系最好，不要浪費時間做不合適自己的東西.
在沒有專業的情況下，你讀EM1幾廢都可以去幫人補習，起碼好過最低工資.
我認識2個人，1個讀環管，佢話1對1最多收200蚊個鐘.
1個升中6，佢專業系hit-pop.
應為hit-pop好似好人玩，佢玩得屈機，竟爭力強.
唔讀大學，發展潛力有限.
青春留在校園過，一定會開心點吧.
28歲讀大學比人笑就唔好啦，我就唔信，現時讀唔到U個d人，
呢一生都讀唔到.可能過多數學后，本港大學多左，大學就如高中都未定.

六刀流一

事實上 香港就係悲情城市
一切都被社會 傳統思想主導 所以大部份高收入工作都最少要大學或以上水平
呢班人 就好食懶飛 能力越大 做既野越少 但收入越高
學歷低既人 工作量多 收入就低
香港已經玩完
只恨自己係香港人

bmbm0606

引用:

原帖由 六刀流一 於 2013-8-1 23:04 發表
事實上 香港就係悲情城市
一切都被社會 傳統思想主導 所以大部份高收入工作都最少要大學或以上水平
呢班人 就好食懶飛 能力越大 做既野越少 但收入越高
學歷低既人 工作量多 收入就低
香港已經玩完
只恨自己係香港人 ...

你係非洲重慘

香港咁既城市都比你講到咁差...

呢d 人比人比死人既例子

-_小昇ヾ★

引用:

原帖由 阿平 於 2013-8-1 21:26 發表
老老實實,大把工都可以,只係要你願意做
我眼中,唔想讀書的中三完左出來就可以,搵份有得升有前景工
做7年野,
比你讀7年書人工一定高2倍

有無乜野例子

六刀流一

引用:

原帖由 bmbm0606 於 2013-8-1 23:46 發表

你係非洲重慘

香港咁既城市都比你講到咁差...

呢d 人比人比死人既例子

你搵極端例子黎講就無得比啦
事實上比香港慘既地方多
比香港優勝既城市都唔少
香港係呢10年間變左好多 已經唔係你老豆老母口中講既咁好
可能你比人洗左腦 香港一直退步緊
如果唔追求更好 只係一尾諗非洲點慘 個世界會退步
居安要思危 可惜 香港亦非當初既"安"啦

FiNaL◎峰

引用:

原帖由 野小孩 於 2013-8-1 19:14 發表
我首先解釋為什麼會有部份的大學生難以尋找工作。大學有很多專業的科目，都與工作的範疇相距太遠，而導致大學生難以找尋找工作。例如哲學生。

睇完呢句我得啖笑

University同College都係為左學習接近自己職業既知識. 相反係中學小學就只係教最基本同職業無關既知識

而你竟然用一個例子黎打沉"大多數"大學學科

例子: 醫生 會計 工程師 飛機師 護士 心理醫生Translator Manager Teacher, etc. 全部都要有專屬既大學degree先做到,


當然醫生仲要讀耐d啦


我外國讀大學既, 唔多清楚香港大學既情況. 以我所知讀哲學, 社會學等等都係垃圾科, 收生標準基本上普通成績就入到.

讀完出黎相對緊係無咩用


就以University of Toronto做例子. 入philosophy 同social science 入學條件為平均分70s. Business 成績GPA 要high 80s-

low90. Engineering low90s-high90s

講咁多廢話只係想講清楚, 入大學都要睇你入咩科, 垃圾科出黎少人要係正常. 仲有以我所知垃圾科唯一一個用途係容易D同快時間畢業拎返個垃圾碩士degree, 再用黎再讀律師. 因為讀律師前題係要個BACHLOR先可以讀

[ 本帖最後由 FiNaL◎峰 於 2013-8-2 06:33 編輯 ]

野小孩

事實上我沒有太多的實例去證明我這個論點，我選擇哲學是因為這是一個與我非常接近的例子。

雖然你認為得淡笑，但是基本上你這篇文章都在呼應我的論點。

不過，你用「垃圾」和「有用」去把大學的學科分門別類。什麼才稱之為垃圾？普通成績都能進的科目就是垃圾？什麼是有用？考完出來就能找到工作就稱之為有用？

你根本沒有認真去消化我的文章，僅僅咬住一個盲點作出討論。
你想說「垃圾科出黎少人要係正常」，那麼接著你想推論什麼？應該讀還是不應該讀？你沒有申論。

「以我所知讀哲學, 社會學等等都係垃圾科, 收生標準基本上普通成績就入到. 讀完出黎相對緊係無咩用」
如果你認為普通成績就入到的科目就相對緊係無咩用，表示你把所謂「有用」完全基礎性定義為前途。我在文章中故意表明，在這年代把讀大學視為搵工的其中一步是很愚蠢。原因是，首先讀大學本質不是幫你搵工，而是單純的領域研究和實踐。另外，在外國每個人都讀大學，是不是表示他們全部都能進去恰好的工作？不能。只因為香港的學額小而導政造成這種誤差。

還有，你所謂的垃圾科在我眼中是十分不可多得的科目。哲學的本質有如智慧，而你把最接近學習智慧的科目定義為垃圾。

你讀大學只是純粹為了前途，與我文章的理念衝突。所以你看完我的文章最後只會得淡笑。

[ 本帖最後由 野小孩 於 2013-8-2 08:09 編輯 ]

野小孩

的確，讀大學是有助搵工，對於前途占有重要的地位。而在我的文章最後有所提及，如果希望入讀大學，應該優先於找尋自己的理想，甚至是尋找有意欲研究的學術領域。否則，用一種「搵工」的心態入大學，很容易淪落到讀中學一樣的心態。

找前途有很多種方法，讀#11所說的「垃圾科」的確不是方法之一，那麼為什麼又要辛苦自己四年？還是一心出去找門手藝有前途一點。

edisonkiller

我都吾覺得哲學係垃圾科
佢係吾同科目之間既一條橋 尤其係物理

asd01ex

引用:

原帖由 六刀流一 於 2013-8-1 23:04 發表
事實上 香港就係悲情城市
一切都被社會 傳統思想主導 所以大部份高收入工作都最少要大學或以上水平
呢班人 就好食懶飛 能力越大 做既野越少 但收入越高
學歷低既人 工作量多 收入就低
香港已經玩完
只恨自己係香港人 ...

不認同你的觀點, 這個世界不嬲都係有能力既人話事架NA, 唔通你冇料都可以做D高職位既工咩,
你係咪睇得電視劇太多, 所謂既「鋤強扶弱」根本係不存在, 社會一直以來都係汰弱留強, 所以怪就怪自己學歷低吧。
你成日話高學歷既人地懶, 其實根本多餘, 唔通要佢地同你地一樣工作量先叫做公平?這個社會不嬲都係咁,所以你要不斷提升自己能力,才可以在社會上立足。