[Open]
[Close]
突發奇想:如何判別好壞/真假
一個蘋果好壞可以從表面睇得出
蘋果唔識講大話
但係人類會
點樣判別出一個人係咪講緊大話
難分真與假 呢句由細聽到大
由外部動作或表情黎判斷真假
通常表現得越真既 ,都係假既, 故意裝模作樣到好似真既一樣,試圖欺騙人,
因為人類接收訊息主要來源係眼晴,觀察外表 所謂講大話唔眨眼,你又會唔會真係睇住人地隻眼就知係咪講緊大話
而表現得假既 原因就有好多, 例如唔想比你知係真既, 或者呢次真係假既, 因為心虛而亂起上黎,黎唔切整理部署卻又希望隱瞞, 甚至深入一D, 只係單純想令你產生混傷, 從而帶動你既思想作下一步準備
或者講
可能真係有D人完全係個從來都唔會講大話既人
首先排除左有人完全未講過真話呢個可能先, 因為每個人都係從嬰兒時期慢慢成長上黎
未經成長學習欺騙/隱瞞之前都係講真話,所以排除呢個可能
相反 從來都唔講大話既人, 講既野/表達既野係咪又一定可信呢?
咁又唔係既, 可能今次開始佢再唔係一個從來都唔講大話既人, 因為佢第一次既欺騙就由呢一刻開始奉獻左比你
咁樣講法好似所有野都唔可信咁, 但係之間又有好多真說話被人類既猜忌而否定, 呢個人類既世界就係咁玩死你,
與此同時,一個人決定向你表示真話/假話, 又冇一個規律性,會因事件既利益得失而決定幾時向你講真話幾時向你講假話
而如果你從D小事開始慣性咁相信左呢個人, 你就會比佢係一次較為嚴重既事情入面呃, 而真相未揭發之前你一直處於被蒙蔽既階段, 就好似埋下左炸彈咁, 當你揭發呢件事既時候,或者件事對你影響唔係好大, 而係你被你信任既人所欺騙得來既心靈創傷, 個炸彈就爆出黎, 受到傷既只係被欺騙既人
而人愈長得大, 愈識得點樣呃人, 而呃得人愈多既亦會愈識得點樣將真相埋藏得更好
就好似糖糖想揭發思歪既時候, 往往無從入手, 只能兒戲地把真相說出: 你呃人！
出現欺騙,就算係善意既欺騙,往往都會傷害到某一方面, 而欺騙/隱瞞呢樣技能,到底係拎黎做乜?
而人類未成長之前欺騙/隱瞞又唔係一樣與生俱來既技能, 到底係邊個發明出呢種可以影響任何事,而又邪惡既技能?
而面對種種可能, 訊息接收者只能選擇信與不信
如果咩都唔信, 你既人生會行唔到幾多步
如果咩都信晒, 就行得快趺得快
趺得多自然學識點行路
所以..................................................
呢個我覺得值得討論
