2010.10.4 呢個日子我記得好清楚 同一齊左9個月既女朋友分手
心情欠佳 約左班fd出黎傾心事 點知又落雨 就莫名其妙咁第一次去左網吧
我又唔中意打機 就睇FB..YOUTUBE..MSN同人傾計
咁岩啲fd又打信長 4個差1件 就5fd打街場 於是就拉埋我
第一次玩 咩都唔識 睇住隔離個fd點禁 我又禁 傻仔咁簡左丹羽呢個英雄
咩都冇出 出到去1lv就死左 對面彈左句:傻仔
當時我仲係唔知咩事 好彩隔離個fd幾勁 教我點買野 食兵 學技 出曬血兜血鋼法輪 先冇咁易死
不過最後都係因為我 將我的第一戰輸左
臨GG既時候 不停地彈出:X你XX 傻X仔 返屋企@!#$%#@.........咁既說話
我份人就好要面既 梗係同佢地對炮啦 不過正當我炮到興起既時候 GG左
打完一場我地幾個出去食煙 比對面炮完都唔夠 fd都炮埋我一份(開玩笑性質) 咁個日心情又唔好 就好嬲
立下決心一定要玩掂佢 唔通比隻game睇死?
由個日開始 苦練信長 好中意出街既我 變左一名毒X
條路真係好坎坷 諗返起都好笑 返學逃課 返工射波 比屋企人鬧 比FD鬧....不過我都堅持左落黎
今日電腦shot shot地 臨洗機前 想backup啲資料 見到WAR3個文件夾
一時興起 想睇下有冇之前既RP呢...點知又真係比我搵到2011年既RP 開返war3睇左幾分鐘 自己都想笑
由2010年到2011 玩左一年都係咁傻仔 可能我冇咩天分 一直到2012年某場信長 識左個神手 打緊既時候佢已經教我點出
裝會更加好 之後留低左msn 佢之後打信長都帶埋我一齊 係佢既指點下 進步左好多 水平處於中上小小
之後打親街場就好中意炮人 不過都因此識左好多更加中意炮既人 名都臭曬..
其實上面都係廢話黎 可以忽略 宜家開始先係重點.
2013年 新開始 開返個新ac 唔再炮 唔再做傻仔
之前既炮神同志們 再見啦 重新開始
係街場見到我同我say個HI 比面叫聲靚仔 唔比面叫聲傻仔
仲有,重新招募隊友,條件好簡單：唔睇技術，炮神和走場怪止步，最好有0LV ac同我一齊升
可以PM我msn或者留底係下面 我會儘快加你地
[
本帖最後由 絕世小攻丶 於 2013-1-7 00:57 編輯 ]
