絕卍回憶

係啦,我想問下,點解只係封我地反對聲音ge帖
而開帖引起混亂,搞到個區污煙將氣ge人所開ge你反而唔山?
唔通你認為"港澳皇者"即土龍弟弟所做ge事係岩?
作為一個vlan玩家,我都希望見倒vlan唔會充滿喱d人
我都希望個區係可以多d好品德ge人存在
大家一齊真係討論,而唔係比d係倒想威想出名ge搞亂個區
就算個土龍佢玩game係有d技術又點?
咁樣ge品德,咁樣ge自大,我諗唔單止我
好多ge玩家都應該睇佢唔順眼,而當我地發帖
去宣洩我地對喱位玩家ge不滿,你就只係將我地反對ge帖關閉處理
我唔係話你關左佢好大問題,但係點解你唔關埋一d令到喱d不滿帖出現ge帖
我相信一個人唔會冇啦啦比咁多ge人去批評去反對,甚至係討厭
佢一定係做左一d令人不滿ge野先令人神共憤
唔係ge話邊個得閒去批評佢邊個得閒去無故反佢先?
1個人話反佢可能係個別人ge事,但係而家好明顯係唔止我1個人覺得佢有問題
而你只係將反對聲音鎮壓,而唔去處理根源ge問題,咁喱個問題係唔會自動消失
而當再多ge禁止反對聲音,整整下就只會令到個區冇人去講出不滿
可能就會明知出聲都係比人關帖倒不如唔去出聲.整整下成個區咁落去
咪只係得番好似土龍喱d咁ge自大狂係倒?日日ge post就係我今日羸左乜乜乜
我係港澳第一我開fans club我好威威,比喱d人搞到污煙將氣咁樣會好?
我個vip去到11月2日(冇記錯ge話)到我vip完左之後我諗我就會開始暫時離開喱倒一排
我唔知我走左之後會唔會仲有人因為喱d自大得咁過份ge人而去企出黎講出佢ge不滿
我只係唔想當我考完dse ge時候想再番黎ge時候,到時已經全部係好似土龍咁ge人
我覺得一樣野就係歪風不可長,希望版主可以正視喱d ge問題
本帖乃理性討論,大家可以講下大家對喱件事又有點樣ge見解

♂翼♀

支持樓主.
但我認為如果禁左 果種無品玩家 會引起果種玩家既不滿
從而引發罵戰.相反 .封左反對聲音貼既玩家.相對應該較有品.
而無品玩家亦不會有甚麼不滿,可以避免罵戰發生....
btw.忍一時風平浪靜.退一步海闊天空.

絕卍回憶

只係睇唔過眼一d人咁目中無人而已
我覺得此風不可長,咁落去ge話只會愈黎愈多喱d人

♂翼♀

e種人就一定有既.
唯有希望vlan用家可以自律.
我認為禁左佢都冇咩用.
只會不斷開新ac.繼續目中無人....

極死●朽木

我已經想知好耐- -點解大家咁執著土龍呢個人- -"我初來報到,咩都吾知

絕卍回憶

土龍弟弟,自稱港澳no1無敵手
係佢眼中佢話冇高手存在
仲係倒開fb專頁自己開個fans culb出黎
目中無人,以為自己就係一切ge自大狂人

Luvssica

講得太好!! 冇野可以補充...

牙丸乂塚愛

同意樓主既講法
條友次次開既POST只係講自己點打嬴人
想問下打嬴人既POST意義何在先?
如果有意義我味要日日開POST

建議:如果真係有意義既話
可開多一個子版 名叫(REPLAY區)
等D人以往打嬴人就好威 可以起果到發帖
5洗起綜合區日日都見到D 打嬴人就好威既帖

此留言沒有什麼意思見是意見(字海攻勢)請見諒

織田﹏夜。

引用:

原帖由 極死●朽木 於 2012-10-9 23:30 發表
我已經想知好耐- -點解大家咁執著土龍呢個人- -"我初來報到,咩都吾知

其實我想問好耐，你張相係咩動漫來

︱木﹏′′

我不太同意樓主既看法
綜合區原本都係供玩家對綜合區遊戲上既野作討論，唔係比你地開post去指罵某玩家 ( 雖然我都認為某玩家極其__9)
如果係要指罵玩家既話 大家不妨去抱怨區開帖
否則 綜合版版主執行關帖既行為 並無不妥

再者
他人的口生在他人裡 你怎能控制那些__9的人如何自誇 / 自吹自雷呢
假如處處與其無聊的帖子計較，那就未免有些與那些__9的人一般見識了
我地遇著呢種人 簡單一笑置之咪夠囉 否則咪姐係比戈d人上到位

總括而言 洗乜為左呢種人搞到自己玩都玩得唔開心丫 大家黎vlan都係為玩姐 見到以上__9人士 咪當見多個__9 講多個笑話囉

引用:

原帖由 織田﹏夜。 於 2012-10-10 01:20 發表
其實我想問好耐，你張相係咩動漫來

該圖片並非出自動漫

而是zhttty小說作品 - 無限恐怖 中一角色的意想圖

[ 本帖最後由 ︱木﹏′′ 於 2012-10-10 01:37 編輯 ]

織田﹏夜。

引用:

原帖由 ︱木﹏′′ 於 2012-10-10 01:32 發表
我不太同意樓主既看法
綜合區原本都係供玩家對綜合區遊戲上既野作討論，唔係比你地開post去指罵某玩家 ( 雖然我都認為某玩家極其__9)
如果係要指罵玩家既話 大家不妨去抱怨區開帖
否則 綜合版版主執行關帖既行為 並無 ...

不過睇下去真係幾型仔

︱木﹏′′

引用:

原帖由 織田﹏夜。 於 2012-10-10 01:43 發表
不過睇下去真係幾型仔

楚軒係三無人黎- -
不過型係真既

Kp.

有D唔明,個土龍dee dee用港澳王者個ac玩國王TD打嬴左人就係咁開post,好似開左3個post咁多,冇一個post比人封,而家前日又玩國王TD打嬴左個土龍dee dee,仲督爆左佢冒認人地名既惡行,但開post唔夠1日就比版主封左,個版主個名D字頭既,而封我post既理由係"關帖",而我不知道佢關左我帖點解操作理由仲係"關帖"即係我犯左咩事你要關我帖唔關土龍帖?對vlan心淡,係咁先88

織田﹏夜。

引用:

原帖由 Kp. 於 2012-10-10 12:30 發表
有D唔明,個土龍dee dee用港澳王者個ac玩國王TD打嬴左人就係咁開post,好似開左3個post咁多,冇一個post比人封,而家前日又玩國王TD打嬴左個土龍dee dee,仲督爆左佢冒認人地名既惡行,但開post唔夠1日就比版主封左,個版主 ...

之前e個版主，封我號，我就係打佐錯區樓主號請小心，佢話我e句野唔比打唧，封我號，我同佢講翻咁多人打你又唔封，係封我，之後再傾翻佢先唔封唉

墮落悲鳴

除了一位版主外其他版主潛水了