白龍KIN

求求大家請勿再沈淪係信長呢個毒海入面！！！小弟今年廿一歲 住屋村 以前讀band one英中

記得中四個年考完試 就同朋友一齊去左網吧 係佢地既高度推介後

我接觸了第一次的信長 亦都係我人生中最不堪回首既決定

玩完第一場既信長之後 我同大家一樣 都漸漸被信長深深咁迷住左

每日一放學返到屋企 第一樣野就係開電腦 想盡快進入信長既世界

有時仲打到食飯都急急腳 甚至無人係屋企連飯都唔食

屋企人每次話我 我都同佢地講:我會自制到架啦 娛樂下姐

但其實我個時之不過係到美化緊事實 係到不斷說服自己相信  欺騙自己有何難

就算甚至係會考緊 我都爭取考完試既假期空檔狂歡

最後 我失敗了 我被重挫了

sorry 我控制唔到我自己 我打到呢到不自覺流左兩滴眼淚

呢兩滴眼淚係因為我真係後悔了

後悔點解咁蠢浪費光陰係虛擬世界入面 糟蹋以後漫長既將來

後悔點解唔肯燃燒幾年青春 換將來數十年既光境

如果比我返返去中四個年 我好想好想可以無去到網吧

如果比我返返去中五個年 我好想好想有人及早點醒我

可惜過左去就係過左去 我需要認命

我而家打緊份毫無前途既工 人生根本無任何前途可言

假如你仲係到同自己講緊你係受控既 你游說緊自己讀書同信長會兼顧得兩全其美既

諗深一層 呢個真係事實？

神聰

遊戲技術再強也不是當飯吃,讀書最起馬可以給你理想工作
遊戲中輸了可以重來.生活中輸了不一定可以重來'

你同我有一樣經歷
你的心情我很明白
希望你我早日找到好工作

[ 本帖最後由 神聰 於 2012-1-19 00:56 編輯 ]

℡霸氣ゝ德

我依加好想由1歲重新開始...
即使想學習.基礎也打得太差了.
上堂老師講乜都吾知...
同埋做左好多令自己後悔的事情...
我真系好想時光倒流...雖然只是幻想..

但我都吾後悔挽信長...至於原因是..不能說的秘密

【BY2】

唔玩信長玩咩好

疾風王者

潮文潮文

C-O-L-O-R

我都試過~
但現實咁講, 係你自己控制唔到自己, 唔識分配時間所導致的後果, 係抵你死
但你識企返起算好了, 以後的事就靠自己, 你仲後生, 唔好咁快灰~
自己都唔係一個有本事既人

數字人123

引用:

原帖由 神聰 於 2012-1-19 00:54 發表
遊戲技術再強也不是當飯吃,讀書最起馬可以給你理想工作
遊戲中輸了可以重來.生活中輸了不一定可以重來'

你同我有一樣經歷
你的心情我很明白
希望你我早日找到好工作 ...

很多遊戲一推出已經有一班有心人去打機升LV賣AC  作個例子......美服英雄聯盟裡每1星期會出一隻新英  每出新英雄既時候
天才類既玩家就會買黎用  用完之後出教學  出攻略書  如果你問信長可以搵到錢咩?  我只能回應佢揀錯遊戲玩了
打機如果你係有心都可以當係一份工

Distance.

廢話
話說有一個投資專家，佢去左一個冇咩人旣島 度假同散心~
有一日，佢係個海既旁邊見到一個漁夫…
個漁夫身邊有一大桶又肥又活潑既魚
跟住個投資專家就問個漁夫係到做咩啦…
[漁夫先生，你係到做緊咩呀~!??]
[望住個海囉~!!] 個漁夫一面享受咁答~
[你打咩唔去打魚旣~!??]
[呵呵~我已經有咁多咁肥咁大旣魚啦~做咩仲去打魚呀~!??]
[你…你可以拎啲魚去賣~跟住買隻漁船~打更多旣魚加嘛~!!]​個投資專家一面緊張咁講~
[然後呢~!??]
[然後~然後咪可以買更多旣漁船~打更多旣魚囉~!!]
[然後呢~!??]
[然後~咪可以擁有一隊屬於自己旣捕魚團隊囉~!!]
[然後呢~!??]
[然後~你仲可以收購埋其他旣漁船~令到依到乎近旣~都只有旣你​漁船~打造你旣漁業王國囉~!! ^^]
[然後呢~!??]漁夫都仲係果句~
[然後~然後你咪可以唔洗做~坐係到~睇下個海~享受人生囉~!​! ^^]
[我依加咪做緊囉~!! ^^]漁夫一句~投資專家…
有時真係會諗~
其實我地生存既意義係咩呀~!??
賺錢~!??享受人生~!??賺完錢再享受人生~!??
可能~我地真係會為生活 而賺錢~
但係 過分左既話 就會變成~
為左賺錢 而生活~
我地要係生活同賺錢之間搵個平衡點~!!
但係講就容易~
往往要我地做既時候 就難上加難~
因為人既慾望係無窮無盡既~
當我地擁有 旣時候~
我地渴望得到 更多~
無止境~循環~循環~又再循環…

數字人123

引用:

原帖由 Distance. 於 2012-1-19 03:21 發表
廢話
話說有一個投資專家，佢去左一個冇咩人旣島 度假同散心~
有一日，佢係個海既旁邊見到一個漁夫…
個漁夫身邊有一大桶又肥又活潑既魚
跟住個投資專家就問個漁夫係到做咩啦…
[漁夫先生，你係到做緊咩呀~!??]
[望住 ...

你記住 每個人既目標夢想好多野都係唔同

yeahya

引用:

原帖由 數字人123 於 2012-1-19 03:29 發表

你記住 每個人既目標夢想好多野都係唔同

所以標題應該改改佢
例如改做有目標的人
唔係大家唔好沉淪信長"毒海"
毒唔毒因人而異
信長就如同漁夫所說的望住個海享受
問題在於你自己的目標

DarkSaint.

只能說work hard play hard  但係間唔中玩下好了,要享受生活先係

我廢我自豪

信長一場太浪費時間啦
你會打下打下先發覺 原來打了一小時

小卡卡

引用:

原帖由 Distance. 於 2012-1-19 03:21 發表
廢話
話說有一個投資專家，佢去左一個冇咩人旣島 度假同散心~
有一日，佢係個海既旁邊見到一個漁夫…
個漁夫身邊有一大桶又肥又活潑既魚
跟住個投資專家就問個漁夫係到做咩啦…
[漁夫先生，你係到做緊咩呀~!??]
[望住 ...

可惜,過多2年,個投資專家又去反個島
結果發現左一堆白骨.


自己想清楚前途....

[ 本帖最後由 小卡卡 於 2012-1-19 07:07 編輯 ]

LamoD.wS

其實真是各有各想法.
我有個朋友之前也是不上學,不上班.
天天都打機,食飯,睡教.
我罵他 你這樣繼續下去 你的人生就完了 (他已經20多歲)
誰知他跟我說 只要活得開心 那怕還剩一年命.
(本人是不同意的 但是我尊重他人的想法)
不只工作認真 玩時也要認真
才會覺得娛樂的時間已在心中記住
辛苦時也會想起,才有意義.

Distance.

廢話 並唔係指#1

已係指廢話↓