[Open]
[Close]
29刀爆的無聊教室
首先，細佬我要強調，我自己本身唔係咩高手神手
我只不過係一個咩都識玩少少既老野
即係只不過係vlan打滾多年既死老鬼
今日開呢個post，主要係想同大家分享下[拉兵]這個詞
我相信，係vlan度無論玩綠亞、玩外堡、玩ice或其他劇
都好難話同呢個詞扯唔上關係
點解?
因為無論你做過d咩，都分分鐘比人話拉兵跟住就問候你的
所以，細佬我，刀爆你，想藉住呢個post，同各位兄弟分享下我對於拉兵既睇法
當然你可能會話點解要聽我呢個死29講
但係我只不過係想分享，係分享自己既意見，再比各位兄弟參考
或者咁樣可以令到呢個vlan平台可以和諧d
首先，拉兵好正常係弓兵拉近攻兵，或者遠距d既拉唔夠遠既
我相信弓兵點樣拉兵好多人都識，都係走一下，回打一下，走一下，回打一下咁
但係原來近攻兵都可以應用呢個技術，好似有個名叫引兵的
好似以精日對精條作為例子，40隻打40隻應該會好好睇
然而如果40隻精日係識走一下，將精條拉散少少既話，分分鐘係精日贏的(當然未試過)
好啦講完點拉兵，就講下時下vlan人對於拉兵既誤解係點的
多數人認為如果弓兵遇上近攻兵，弓兵就一定要企定定唔準行，行一步都當你拉跟住走場
其實我想講既係，大家唔好當弓兵係神，弓兵都係兵，佢都會香，而且血係比近攻兵少，防都係少d的
所以，弓兵走，係正常，不要認為弓兵係事必企定定比人打的
既然弓兵可以走，咁未好似拉兵?
跟住落黎我想講既野就係同呢點有關
重點就係在於，走去邊
如果你將d弓兵走番屋企(自己地盤)既，ok無問題
你無做過任何回打既行為，無回打既意識
咁樣既走人，無傷大雅，近攻兵一方無受傷
當然你唔好話次次出幾隻跟住唔夠打就話番屋企，做人唔好咁過火
好啦，咁如果唔係走番屋企，係走番去自己多兵既地方，或者走去同盟兵既地方，咁又點計?
咁都係啦，好正常你見到自己d兵唔係幾夠打又見到同盟d兵係附近，好自然咁就將自己d兵走過去
其實呢個問題係邊，見勢息唔對，走番去自己友地頭搵自己友幫拖再人多蝦人少，好正常
點解d人連咁都要當拉兵?
咁都係當然，你又唔好話成日專登搵幾隻兵去引人地果d兵黎自己友地頭，做人唔好咁過火
最後，我同幾位29專登用ice呢個劇，黎做過簡單既拉兵，同上述有提及過既情況既save(附件1)
當然技術真係好差，因為邊打字打拉兵真係29都29老母都唔認得
但係我都想藉住呢個save，去話比各位兄弟睇，出面人既拉兵係點，以及如果真係拉兵拉到盡，會係咩情況
最後最後，我要再強調多一次，我"刀爆你"，唔係咩高手神手
我只不過係一個係vlan渡過左7年生涯既一個老野(當然我之前唔係用刀爆你呢個名)
或者你會話你好唔認同我所講既野，想話討論下，或者指出我既錯處
咁係無問題的，我都話過我上面講既野係自己意見
但係，唔該各位想回應既兄弟，請盡畫以禮貌既文字黎討論
唔好一黎就on前on後，又問候人全家咁
打機，要咁樣嗎?
再最後，附上"當遇到開錯場時的做法的save"(附件2)
附件: 您所在的用戶組無法下載或查看附件
