RDiver

引用:

原帖由 kennyfong 於 2011-3-11 23:43 發表
有反應架
只係唔係你按既右邊出
而係去左係1#既右邊出

講起呢個全新教學帖，實不相瞞，點睇都俾人覺得「千篇一律」，雖然介面上有所突破，但唔代表 user-friendly，始終未能迎合普羅大眾既需要，且版主未免擺多餘遊戲資料系個資料庫內，例如遊戲設定同鍵盤控制說明根本上不值一提。如不懂得詳略得宜，不但無法向讀者有效地說明內容，更會混淆視聽，最終無心機爬文而要開帖發問，包括我在內。

以特感介紹為例，感覺上「講左等於無講」，真係整合既話，一系就資料數據化，一系就製作成遊戲攻略咁，指導玩家如何善用特感既獨有技能，如何互相配合發動攻勢，每種特感須小心注意既地方等等，否則我相信絕大部分會員 / 玩家都冇興趣睇你既教學帖，更何況資料庫呢！

我相信玩家只需要珍貴既資訊，重質不重量， dreamweaver 作品 -- 似乎太過花巧吧！

[ 本帖最後由 RDiver 於 2011-3-12 00:21 編輯 ]

EDDIE6446

講起呢個全新教學帖，實不相瞞，點睇都俾人覺得「千篇一律」

何為千篇一律？　己分類為資料、下載、教學及FAQ 4部份
各人可自由選擇自己想要的部份去看　不用再辛苦地爬帖由頭看到尾才找到答案
己加入更簡單易明既教學　若果你還覺得沒有變化、形式單一、沒有新意的話
我真的不知怎樣做才能滿足你的要求


始終未能迎合普羅大眾既需要

有晒載點、教學、FAQ等　仲未迎合到大眾需要？
你仲想有D咩 ?!


且版主未免擺多餘遊戲資料系個資料庫內，例如遊戲設定同鍵盤控制說明根本上不值一提。

有新手真的不知道控制方法　難道你從未玩過第一身射擊遊戲會自然懂得控制？


不但無法向讀者有效地說明內容，更會混淆視聽，最終無心機爬文而要開帖發問，包括我在內。

上面已有說明　教學己分門別類
讀者可以自由選擇想觀看的內容　咁都無心機睇我真係幫佢地唔到
有人係唔爬文鍾意開帖問既係佢地問題　唔明你點解會講到係我既責任


以特感介紹為例，感覺上「講左等於無講」

個人認為簡介已足夠　其實那些簡介都只是為了新手有基本概念
若果老手看當然會覺得多餘　但未必個個一開始玩都會知道d特感係有咩用
這種分析太主觀　宜多站在新手角度想想


真係整合既話，一系就資料數據化，一系就製作成遊戲攻略咁，指導玩家如何善用特感既獨有技能，如何互相配合發動攻勢，每種特感須小心注意既地方等等

其實你呢個方案我開頭製作時有加入　不過之後放棄了
以我既工作進度有可能出年都未完成
講真你講就口嚮　其實有無諗過做果個有幾辛苦？
在要求前可否站在別人立場去想一想 ?
你估我真係收你錢做野咩？


否則我相信絕大部分會員 / 玩家都冇興趣睇你既教學帖，更何況資料庫呢！

以上只是你的個人立場　請不要代替大部份會員發言
沒正式統計過　沒數字沒真相　但以我所知　資料庫2月16號開放
截至今日3月15日短短一個月時間　已有2萬6千人次觀看過資源區

沒人看何來此數字？　太斷言了吧？
可能你真係無興趣睇啦　但唔代表其他人無興趣者


我相信玩家只需要珍貴既資訊，重質不重量

珍唔珍貴由邊個黎定義呢？　可能你會覺得係大雜燴咩都炒埋一碟太混亂吧
但唔排除真係會有人需要呢d『唔珍貴』既部份喎
其實好簡單　d人剩係想DL GAME玩既咪睇下載區囉　有晒步驟有晒次序　唔難跟吧？！
想睇下GAME既背景既咪睇資料庫
我想講既係　我重『量』得黎都好重『質』的
如何唔係何來半年時間整合？


dreamweaver 作品 -- 似乎太過花巧吧！

左邊揀選項右邊睇　有幾花巧呢？
單一帖文又睇唔明搵唔到　分門別類又覺得太麻煩
其實我真係唔係好明你眼中大眾既要求係D咩
不過我欣賞你每次都總有意見可以提供
這也是一直推動VLAN L4D2區發展的來源
但這個資源區也是我在VLAN最後一個作品　不能再多了！
感謝你一路以來的抨擊及意見令我們愈見進步
當然　人係有進步空間既　呢點我認同
不過我對這區已放手了　希望你明白
就算我會執著　也只會在我的工作上

[ 本帖最後由 EDDIE6446 於 2011-3-15 02:30 編輯 ]

joeka

引用:

原帖由 EDDIE6446 於 2011-3-15 02:28 發表
講起呢個全新教學帖，實不相瞞，點睇都俾人覺得「千篇一律」

何為千篇一律？　己分類為資料、下載、教學及FAQ 4部份
各人可自由選擇自己想要的部份去看　不用再辛苦地爬帖由頭看到尾才找到答案
己加入更簡單易明既教學　 ...

簡單一句...「不要將任何東西複雜化...只會令網站速度落後...」
男仔(玩開此遊戲)就有可能有心機睇...
新手懶理你點整得好(又要左搵又睇,不如開帖發問仲快)
女仔仲更加唔知個帖想點....唔係個個一睇就明...就算有晒字都唔會係睇得好明...太黑太窄有好多內容都唔全面顯示...


係就學遊俠...開一個區出來外連網址去新網頁...區域名就叫做「Left 4 Dead 遊戲資源區」加上紅色...
一定唔洗靠瀏覽量...都有人睇...又可以整得靚D...
網站整一個空間出來http://kiman.ipve.com/l4d2_faq/ 唔係為左比你整咁窄咁少野係個帖仔到啊下...


半年如果為了整一些廢物出來...真係晒時間...唔係黑就一定明顯一定好的...
多人瀏覽未必一定有人睇得明...會見到的是...此帖發出...一樣多左人問更新檔係邊...下載點係邊...
壓住晒成部玩家...係2060...官方已到2062... FISHHAO 破解本身都已經可以照玩無誤...2個星期仲係2060...
(唔好講比我聽咁叫 穩定左先比玩家玩) / (我已放手) 這是做一個版主應講的說話嗎?
好似整左出來由得會員自生自滅咁... *(我最後作品....我已放手)....=  =咁就唔好整出來...好唔好?

做版主係要有責任心...如果連責任心都無...真的講左咁GE野...請問一開頭做版主為了什麼?(拍拖為了咩?)...放手(分手)....~.~....哈哈哈....

我講野係咁直...因為係講緊事實....我都有做開超級版主/管理員...我管理的事比你更多...我可以點?一樣都要管理比個心出來做...

唔洗每一個點都要回應人的...不如留返時間去想一想真的為了別人更好的做法啦...(FOR ALL 版主)

係咁...^^...無惡意的想法...只是講出心聲出來+意見...

RDiver

引用:

原帖由 EDDIE6446 於 2011-3-15 02:28 發表
講起呢個全新教學帖，實不相瞞，點睇都俾人覺得「千篇一律」

何為千篇一律？　己分類為資料、下載、教學及FAQ 4部份
各人可自由選擇自己想要的部份去看　不用再辛苦地爬帖由頭看到尾才找到答案
己加入更簡單易明既教學　 ...

咁我只係指出不足既地方 , 絕無惡意中傷 , 希望你諒解 .

你對 vLan 論壇 , 尤其「遊戲資源區」所付出既時間同精神 , 大家都有目共睹的 , 由 L4D 到 L4D2 做左兩年多版主 , 你絕對已經為大家交足功課 , 盡忠職守了 . 就算依家你退下來 , 我深信大家都唔會有所怨言 .

不過呢 , 既然你既遊戲資源區真係有值得改善既地方 , 從而更有效率解決玩家既疑難 , 我當然不得不提出 .

你如果覺得個人能力有限既 , vLan 論壇好多會員都會願意出手相助分擔一下 , 資源區可以慢慢發展既 .

引用:

原帖由 joeka 於 2011-3-15 12:58 發表

簡單一句...「不要將任何東西複雜化...只會令網站速度落後...」
男仔(玩開此遊戲)就有可能有心機睇...
新手懶理你點整得好(又要左搵又睇,不如開帖發問仲快)
女仔仲更加唔知個帖想點....唔係個個一睇就明...就算有 ...

你講嘢直還直 , 就算 EDDIE 既作品有幾多缺陷 , 你都唔應該視其廢物 , 咁係一種侮辱 , 你好應該道歉 .

至於更新檔進度問題 , 一味迅速更新只會帶黎反效果 , 尤其現時 L4D2 人氣每況逾下 , 應以集中人流為優先考慮 , 我認為 vLan 不定時發佈更新檔既做法算係情理兼備 (你唔好唔記得 , 全香港所有網吧大都以 vLan 更新檔版本為軸心)

事實上 , 我唔在乎一個人付出 / 幫到幾多 , 反而在於佢既心意 , 如以前「L4D2 繁中化計劃」, 雖然負責幫手翻譯既部分都被我大幅度修改/正 , 但我點都感激佢地既支持同參與 . 希望大家亦唔好忘記版主們既心意 .

[ 本帖最後由 RDiver 於 2011-3-15 15:05 編輯 ]

gordon7803

引用:

原帖由 joeka 於 2011-3-15 12:58 發表

簡單一句...「不要將任何東西複雜化...只會令網站速度落後...」
男仔(玩開此遊戲)就有可能有心機睇...
新手懶理你點整得好(又要左搵又睇,不如開帖發問仲快)
女仔仲更加唔知個帖想點....唔係個個一睇就明...就算有 ...

其實, 2061同2062又有d咩更新
更新咗都系差不多, 又唔系有多個突變模式

簡單

引用:

原帖由 joeka 於 2011-3-15 12:58 發表

簡單一句...「不要將任何東西複雜化...只會令網站速度落後...」
男仔(玩開此遊戲)就有可能有心機睇...
新手懶理你點整得好(又要左搵又睇,不如開帖發問仲快)
女仔仲更加唔知個帖想點....唔係個個一睇就明...就算有 ...

難得有人同我感覺一樣
唔系唔尊重版主的勞動，置頂帖、FAQ帖本身就應該簡單明瞭、一矢中的，讓睇帖嘅人第一時間能搵到想睇嘅問題、解決問題玩到遊戲才是根本目的，整咁耐整到咁花里碌有鬼用咩，反而冇起到作用，睇唔明嘅人仍然睇唔明，問題依舊，仲會引起更多問題。人地搞幾下唔掂自然就會放棄，人氣自然會差。
比如睇得最多嘅提問就系兩類：一系彈VAC問題，二系因為安裝路徑錯誤導致的各種奇怪問題。幾個版主回帖回到要嘔，唔通真嘅都系玩家自身問題？大家覺得新置頂帖出來后有改善么？
仲有升級安裝包用exe方式，呢個都明白本身系爲了幫助唔系好識嘅人減少麻煩，但系有起到作用咩，識嘅人自不必講了，唔識嘅人更加問題出得多，唔該既然采用安裝包方式就整埋個自動識別路徑功能喇！有時真系唔好怪人地多反省下自己。

[ 本帖最後由 簡單 於 2011-3-15 16:04 編輯 ]

toto345618433

一個人諗到既idea唔多...

如果真係要改善資源區... 相信要有'團隊' 式既協助同支持  (個人意見)

filter

引用:

原帖由 joeka 於 2011-3-15 12:58 發表

簡單一句...「不要將任何東西複雜化...只會令網站速度落後...」
男仔(玩開此遊戲)就有可能有心機睇...
新手懶理你點整得好(又要左搵又睇,不如開帖發問仲快)
女仔仲更加唔知個帖想點....唔係個個一睇就明...就算有 ...

引用:

原帖由 簡單 於 2011-3-15 15:45 發表 [url=redirect.php?goto=findpost&pid=3457540&ptid=356517][/url]

難得有人同我感覺一樣
唔系唔尊重版主的勞動，置頂帖、FAQ帖本身就應該簡單明瞭、一矢中的，讓睇帖嘅人第一時間能搵到想睇嘅問題、解決問題玩到遊戲才是根本目的，整咁耐整到咁花里碌有鬼用咩，反而冇起到作用，睇 ...

  兩位既回覆令我e個新黎既實在睇唔過眼,想回覆你地"幾句"


簡單一句...「不要將任何東西複雜化...只會令網站速度落後...」
  置頂帖、FAQ帖本身就應該簡單明瞭、一矢中的，讓睇帖嘅人第一時間能搵到想睇嘅問題、解決問題玩到遊戲才是   根本目的
1.唔知兩位有冇睇過以下既post
  http://www.ipve.com/bbs/viewthread.php?tid=249610&extra=page%3D1
  內容絕不花巧,而且當初還是置頂post,
  但當初都係日日有人問點安裝之類既問題,
  請問 咁係邊個既問題?
  你可以話句"有實力,唔洗怕人地唔黎玩"
  但係,你地有冇諗過,我地都可以是是旦旦post 3條link出黎,
  到時新黎既會員,望兩望,唔會心諗  "d link堅唔堅嫁?work唔work嫁?玩唔玩到嫁?..."  等等既問題呢?
  唔花一點心機係外觀,我相信更加多人會發問奇怪問題

一定唔洗靠瀏覽量...都有人睇...又可以整得靚D...
2.唔知你係唔係回應緊edd回覆既其中一段,係既,請睇清楚上面edd同rd講既對話
   edd係話 截至今日3月15日短短一個月時間　已有2萬6千人次觀看過資源區  佢冇話要靠瀏覽量先有人睇

唔該既然采用安裝包方式就整埋個自動識別路徑功能喇！
3.如果你唔知,可以去睇下個置頂貼(唔想去睇既,可以再次dl主程式同更新)
  我地提供既,已經預設左係c\
  換句話即係用家唔洗再去set路線,只要按安裝就ok
  係問題區有好多 安裝路徑錯誤導致的各種奇怪問題  
  係因為佢地自己改左個路線,
  難道我地真係要set到連"安裝"都唔洗佢地按就叫做user-friendly?
  你地可要記得,世上冇免費午餐,
  想玩免費game,難道睇下教學都唔係佢地既義務?


最後如果你地覺得edd所做既資料庫冇用呀,多餘呀,浪費時間呀咁既話,
請用少少時間去睇下個貼,感受下人地既努力,
好多時候唔係要人地講到出聲,先知人地既諗法,
人地做得出又或者有咁既諗法,係有人地既理由的

簡單

已有2萬6千人次觀看過資源區
我的理解是好多人睇来睇去都唔明，睇多好多次..
宜家嘅情况就系，老手根本唔洗睇，新手睇唔明，唔老唔新嘅手睇到头晕

filter

老實講,有咩"破"game安裝唔係煩d既先?
點講,都係用正版既最方便嫁啦,
要做到100%所有新手都會用既,
以2個人既力量,
的確會有不少困難,
但你不妨倒轉頭諗,
有人肯去睇多幾次,即係證明佢地都唔明都好,都肯去睇
即係證明外觀唔係你地所講到咁冇用

你地其實覺得edd做咁多野出黎,
但最後反而仲多人發問,
睇得出你地關心個版,
但係,你地又不妨再試多次倒轉諗,
咁多人用vlan玩l4d2,
只係每日得幾個人問發,其實都算少啦

你可以話我呀q精神,但係,
你地係度左彈右彈有咩用?
挑剔,差唔多係人都識,
但大家不妨平心靜氣,講出自己既具體意見
總好比,只係挑剔,實際得多

EDDIE6446

回復#48

引用:

一定唔洗靠瀏覽量...都有人睇...又可以整得靚D...

我只不過係舉例咁講　無話要靠瀏覽量 -__-"
你呢個方法唔係唔可行　只不過若果d人係選擇唔睇既
我link出去做一個網頁又點者 ?  你認為有幫助?!　d人都係惰性鍾意依賴問人
簡單d唔係唔好　但其實教學部份我已經簡略左
但有些步驟必須附有說明　有埋圖指埋比你睇咁唔會唔識睇掛?!
即係咁　臨時資源區果陣d步驟夠簡化了吧　結果又如何??　d人咪又係唔識裝
而家每個步驟都仔細列明要做d咩既　咁樣反而你會覺得係 "複雜" 咩 ?!

引用:

半年如果為了整一些廢物出來...真係晒時間...

如果你係覺得 "廢物" 呢個係你既觀點　我無權去改變你既諗法
但我想同你講　好多會員同我反映番既意見係：佢有朋友即使無玩過、無裝過L4D
而家只要比資源區條LINK佢　佢就可以裝到玩到唔洗問人
我唔係要怪人　只不過係若果真係睇唔明既　咪問囉　我地又唔係唔比人開帖問野
講真如果裝到同成功左佢會唔會上黎開帖講 ?! 唔會
但裝唔到既人就會開帖　咁每日幾個人問你就會覺得呢舊"廢物"根本幫唔到人
但你有無掉轉番個角度去睇件事呢 ?

引用:

多人瀏覽未必一定有人睇得明...會見到的是...此帖發出...一樣多左人問更新檔係邊...下載點係邊...

我無講過多人睇 = 睇得明　請了解我所講既野先
講真果班唔睇置頂帖既人一早存在　好明顯係個人問題
如果一個人有心機D搵　置頂帖紅色字有幾難搵 ?!

引用:

壓住晒成部玩家...係2060...官方已到2062... FISHHAO 破解本身都已經可以照玩無誤...2個星期仲係2060...

呢一點R-Diver同Gordon已經解答左　我無謂重覆

引用:

(我已放手) 這是做一個版主應講的說話嗎?
好似整左出來由得會員自生自滅咁... *(我最後作品....我已放手)....=  =咁就唔好整出來...好唔好?

我覺得你好似曲解左我意思　我指我放手既係我既一個交代
唔係一個推卸責任既藉口　引退vLan我其實已經計劃左好耐　咁而家資源區出左都係我功成身退既時候
請你先明白我既立場係咩　唔好唔理好醜鬧左先

引用:

做版主係要有責任心...如果連責任心都無...真的講左咁GE野...請問一開頭做版主為了什麼?(拍拖為了咩?)...放手(分手)....~.~....哈哈哈....

講責任感既話　你無資格話我無責任感
如果我係無既　我大可以唔整更新唔整教學唔答問題唔搵新版主　我做咁多野做咩 ?!
試問將心比己　有邊個可以真係可以不問回報仲要承受時不時既冷言冷語仲可以堅持到咁耐 ?!
但當你已經做緊呢樣吃力不討好既野　什至乎會影響到自己既日常生活及作息時間
你就會明白點解我會選擇引退　當初做版主既時候無需要面對咁多野
而家我每晚收工返到屋企已經成11,12點　你講呢個point一d都唔成立
版主都係人　都有正常工作正常生活　當負荷唔到既時候就要識stop
唔係自己應付唔黎都要夾硬做　如果你覺得我係HEA做既
我無必要捱到今時今日　但你一句就抹殺我以前所付出過既努力
我覺得你講野先係不負責任

引用:

我講野係咁直...因為係講緊事實....我都有做開超級版主/管理員...我管理的事比你更多...我可以點?一樣都要管理比個心出來做...

你講野係直　不過太主觀　而你做過d咩亦都無需要同我講


回復 51#

引用:

有時真系唔好怪人地多反省下自己。

我無怪責別人　自己有不足我會認
無需將你自己負面既諗法加諸在我身上

[ 本帖最後由 EDDIE6446 於 2011-3-16 02:58 編輯 ]

toto345618433

引用:

原帖由 簡單 於 2011-3-15 17:49 發表
已有2萬6千人次觀看過資源區
我的理解是好多人睇来睇去都唔明，睇多好多次..
宜家嘅情况就系，老手根本唔洗睇，新手睇唔明，唔老唔新嘅手睇到头晕 ...

只能說這是以偏概全...
而且無法證明
如果想實際改善資源區我認為幫手出一分力更實際    當然要睇edd 點諗先

[ 本帖最後由 toto345618433 於 2011-3-16 07:29 編輯 ]

冰子彈

太花..唔識睇,d link又東一舊西一舊,一係就全部集中哂,咁會方便好多
我prefer好似以前咁簡簡單單係個post度貼link

不過確實整得幾有心機同整得幾靚

RDiver

引用:

原帖由 toto345618433 於 2011-3-16 07:27 發表

只能說這是以偏概全...
而且無法證明
如果想實際改善資源區我認為幫手出一分力更實際    當然要睇edd 點諗先

雖然 EDDIE6446 暫時退下前線 , 但另有 toto 同 filter 兩位版主正協助管理論壇並解答疑難 , 且疑問帖的確比以往減少 (多少與人流減少有關) , 即使資源區仍未能盡大家滿意 , 我相信唔會太大影響 , 或許等到暑假前夕先再檢討吧 !

[ 本帖最後由 RDiver 於 2011-3-16 21:13 編輯 ]

chung798

其實我之前都有呢個問題..
就系d人放火,任何地方著火..我都系見吾到d火既存在(即系隱形)
搞到有時d特感中左火我都吾知- -
點搞好?