[Open]
[Close]
[沉重心事]唉 ...
*認真分享心事帖 求勿抽水
九月一日 , 開左學啦 ,
九月一日 至到 九到二號 我都係返半日 ,
都係處理一d唔太重要的班務。
好不幸地 , 我入左既一班 , 無乜朋友 , 或者應該叫無朋友。
九月三日 , 開始全日 ,
分座位 , 我個人比較喜歡單人坐 ,
但老師就唔接納我這個訴求 ,
想成班識多d朋友 ,
咁我都尊重老師的意見啦 ,
跟同學坐。
九月四日 , 派手冊 , haha我派左手冊無幾耐就整到到好樣衰 ,
不過無職責分 ( 班長果d )。
九月六日 , um ... 唔多記得 ... 不過果日開始有人挑釁我話我毒了。
九月七日至九月八日 ,
都係hea住咁過 , 又係有人挑釁我咁 ... ... 我無理到佢地。
九月九日 , 搞錯 , 有人係咁煩我 , 我又係無理 ,
不過都累累積積埋唔少怨氣 , 無發洩出來。
九月十日 , 又係煩 , 又係咁andy andy咁叫我 ( 我改左名做andy hahahahaha
) ,
你唔煩我都煩啦 , 我都日日無視仲要煩 ,唉 , 麻煩到呢 ,
我叫佢唔好煩又要煩 , 唉 ,
but sad星期五啦 ( 我呢排中意左讀書 )。
九月十三又要返學啦 ,班mk同學又黎挑釁 ... ...
又係andy andy咁叫我
唉 , 我都無理左咁耐仲要煩 ! 煩到呢 ... ...
想返學但唔想有同學係附近 , 我d同學好 __ __ __ ... ...
我真係諗唔到邊度有容身之地 .
高登唔知做乜上唔到 , IPvE幾乎污染左 ,
war3都無乜玩 , 無心情 ,
淨係有msn facebook咁 ... ...
玩 食 訓 做功課 返學 放學 都差唔多係咁 ,
同班同學的msn只有兩個 , 成校唔多過十個 ... ...悲哀。
跟住九月十三日就至九月十六號做返暑期功課 ,
唉 ... ... 讀書報告度本書叫《日影行》 ,
講作家小思去日本旅行同返到HK之後既有咩變左 ,
我寫哂全部全部全部對香港既小朋友既睇法 ,
同埋果次日本小思既得著
日日如是 , 捱到十七號 , 又放假啦。
放完假啦 , 今日 ... ...
唉 ... ...
今日第一堂 , 唔知咩事病左咁 , 咳得好嚴重 ,
不過無帶口罩 , 唔知係唔係惹到人 ,
仲有頭痛肚痛出汗果d ,
不過無落Office抖抖 , 唔想無啦啦唔上堂( 老師無乜理我 )。
第二堂 , 數學 , 都係出返呢d病徵咁 ,
小息 , 又黎andy andy ... ...
果陣我有個衝動想打佢 ... ...
不過總算壓制到自己啦 ,
跟住Drama堂 ,
班mk同學 , 挑釁我 , 唉 , 仲推我 ... ...麻煩到 , 跟住老師有d遊戲黎解釋Drama有咩重要性 ,
玩拋波 say hi thank you , 同埋5個位跑跑跑啦
班mk同學 , 一如以往 , __ __ __ 咁樣完全破壞遊戲規則 ,
拋個波去另一group , 5個位跑跑跑果個就唔知點講玩法 ,
玩左n耐 , 以為好威威 , 其實咪又係高登mk cd-rom ,
跟住我唔玩啦 , 無心情 , 老師黎問我乜事 ,
我就話唔想玩咁 , 無玩到 , 老師都批準 ,
我無講到係班mk同學惹事。
跟住Sci堂之前個小息我真係有落過地下想走堂 , 有人看守而已 ,跟住Sci上緊無乜事發生 , Sci完之後Lunch ,
Lunch完之後有段時間休息 ,
又挑釁 , 煩唔煩 ... ...我都係無理到 , 跟住果堂都無乜野 ,
藝術 , 係度掃瞄 , 跟住放學Eng輔導 ... ...
暗地裡講我 , 我聽到佢地細細聲咁講 ... ...
跟住輔導完 , 放學 返屋企 , 就搵人傾計 ,同埋鬧個係咁叫 andy andy 果個女仔一餐 , 封、刪 , 再打文咁 ... ...
今日班mk係度叫我"阿毒" , 無理到 ,
而果個係咁叫我andy條友已經比我port左 ,
差班mk , 話我毒多次我就黎ggggggggggggggggggg佢。
有無人講我可以點做 ... ...
好難忍受 ... ...
我仲諗聽日逃學咁 ( 我聽個朋友話應該唔會掛八號 ) ,不過都唔夠膽。
唉 , 現代社會 , 好人難做 , 壞人總係會受歡迎 ... ...
我的容身之所 , 哪裡去了 ... ...
開住帖先 廢事禁錯上一頁重新打過 一定會更新 更新得慢唔好意思
[ 本帖最後由 bengood362 於 2010-9-22 19:05 編輯 ]
