引用:
原帖由 RDiver 於 2010-5-13 18:54 發表 
作為自由玩家 , 我絕不認同你既講法 .
冇人搞團...教新手...無王管...降低玩家質素 ? 你咪咁天真啦 !
就算有好多團 , 唔單止解決唔到問題 , 而且令情況進一步惡化 - 以團隊為名欺凌弱小既例子係FPS界實在太多了.
你仲怪責唔願搞團既人 ? 你以為有團就會變強 , 有團既話個人操守就得以改善咩 ?
心智唔成熟 , 冇決心變強既人 , 就算幾多人教佢 , 始終都係弱者 .
無謂多講 , 你既然咁諗 , 就應該坐而起行 , 搞番個團出黎貫徹你既理念 , 而唔係透過文字表達不滿 .
仲有 , 你既標題分明誤導各位入黎引起駡戰 , 想講咩就講咩 , 唔好轉彎抹角.
By RDiver
首先我要問一樣野，何以我既標題會引導駡戰？
我只係希望入黎既人係理性討論既人，所以先改呢個標題。
如果唔事先講明唔準人係我既POST到嘈，我相信我呢POST家陣已經幾十頁……
再者，暫時就呢三頁黎計，都無出現除你以外既激動人士。
所以我唔太明白你既指控。
我想講咩，我本文到已經講左我想講既野，我亦都係唔同人既回復到補充左我既意見。
未明白你既轉彎抹角既意思。
如果係講某D人既言論自由誤導既，我係廢時打出佢地既人名，幫佢地打廣告，特別係呢幾日咁敏感既日子。
的確佢地係成日將言論自由掛係口邊，但係佢地無將言論責任提出。
同時佢地既做法，令好多細既認為，言論自由就係佢地講咩都得，但實質唔係。
好多人都認為你話佢既說話有問題既時候，就係你阻礙佢言論自由！
唔知你有無咁既情況，明明你同人講你岩岩講既野屬於侮辱他人，人地話會告你其實有得告。
之後個人答你，我有我言論自由，我講咩都得，你吹咩，你家陣嚇我，係阻礙我既言論自由！
呢D情況其實我係VLAN版上見到，至於係邊篇文章，我相信你都會有睇過。
而我本文最後一段說話係針對呢篇文章既人。
另外，我無講無王管＝降低玩家質素，我其實係想講D低質素玩家可以由團黎管理同改善。
我只係認為如果新手有加入團既，就算唔會有人管制，最起碼佢地會顧及自己團既影像。
呢一點可以係老闆占既M群睇得出。
我家陣都係個自由人，但以前係L4D某團既團員，我見到係果陣個團仲未散既時候，果陣最起碼我既團員會顧及自己團既影像。
出街場玩唔會話搞亂檔同亂鬧人，我地自己圍內雖然經常都係咁樣……
我認為，如果D新手肯加入各團，就算唔係個個都會變好，都仲有三四個變好左
咁家陣VLAN 既L4D2既局面會更好。
我無要責怪D團既團長，我只係認為有D團就係因為某D新加入既新手而搞到個團散哂
呢一點你去諗返L4D後期就知道，即係上年暑假既後半段時間。
果陣不知幾多個團因為自己團新加入既團員係街場鬧事，而搞到個團長要出面道歉。
最後連個團長都唔再出面啦，個團要直接解散。
畀你做團長，明明已經好哂心神去管理個團，家陣仲要幫D細既汁頭汁尾，你會唔會肯再做？
我個人唔會，都無咁偉大，我只能夠做既係，去用把口支持果D仲堅持到既辛苦團長。
所以我講左：
最後有心搞團既又畀呢D人搞到無心機。我其實係鬧緊D入團又唔遵守團規既人。
如果你認為我有任何一句說話係侮辱左呢D堅持到既辛苦團長，麻煩指出，因為我可能打果陣唔係咁既意思，不過睇既人會好容易理解為另一個意思。在此先道歉。
最後，你認為我唔去搞個團去教新手，所以唔應該出聲，我只能夠講，我係之前既團已經傷夠，唔想再加入任何團。
原因係咩我唔想解釋。不過我有向另一方面進發，我出左黎搞教學POST，等大家開場既人有返討論意思。
場主們有討論氣息，就可以大家做進一步既交流，自然會向好既一面進發。呢一點只係我所想既。
普通玩家方面我懶得去理，都無能力去理。因為我都已經係你既
「L4D2 占士哥伺服聯盟」 - 全民號召 ! 一文中講得好清楚，我只係三分鐘熱度同半桶水。或者過兩日我就會連呢個POST都DEL埋。咁你認為我適唔適合做個團長？
我唔係單純用文字去表達我既不滿，而係想見到睇我文章既人都可以一齊討論，到底家陣既情況係點，有助回復以前VLAN既討論氣息。
同時，畀個地方畀一眾既人發表不滿，發洩都係重要既。
嗯……大概係咁，我都諗唔到仲有咩要答你。
雖然我見到你話我天真，我心係有D痛，但係我認為，有人加入討論，只要唔係無理性既單向鬧人，就唔算係罵戰。
所以歡迎你再畀意見。
