[Open]
[Close]
上杉謙信
係未開始之前,本人向大家保證此貼為原創貼!
此貼請用為分享用途!
我呢張貼會分享的英雄就係上杉謙信,我平日見街場好多人玩上杉都好著重殺人,次次見佢地都係直接上吉剛鐵,見佢地食兵數目十分之低,所以我想分享下自己玩上杉謙信的心得!
本人玩上杉,我會好著重食兵,食得兵多,壓路壓得好,中後期自然會肥到殺到人.
而家分享下我玩上杉點壓路同點食兵啦.
我比較喜歡單路,最好單上下因為camp點比中路少.一開始,買褲,電卷,拎豬肉,之後用馬去你單個路個居酒屋到買清酒,跟住可以控隻馬去做馬眼.開頭我會點2技先,因為如果咁唔好彩遇到的組合係瀧川加信長個啲,你可以用2技加清酒走佬.假如真係呢d組合,你自己就最好小心.有d人一定會講,喂喂喂,打呢d英,我點肥呀,其實唔可以咁講,呢d組合,你最好唔好行咁出,人地雙路,你單路,你level點都比佢高1-2等,慢慢用電卷,電d冇血兵先,到到6lv個陣,我就會用馬去買個閃介加一個魔水,出完閃介同埋魔水,我會去食下忍,去到下忍個個位,唔好沖入去打,引一引,拉出泥一點開大開3技斬,咁呢300幾蚊就係你的了.食完上忍,你招大技仲未完的,你可以食埋其餘在下路位的cp,個陣你應該6-7lv左右.
ps.本人其實玩上杉係唔點一技的,因為一技起手過慢,同埋1技對我呢個著重食兵的人泥講冇咩用
其實早期係可以用開大技食兵同埋食cp,因為上杉大技係回得好快,同埋佢大技早期食兵可以話係好快,當大約10-12lv左右你可以出落石,呢個時候你食兵更加快,更加易.記住唔好太過快想殺人,想信大家都聼過[冇把握的杖唔好打]如果你想令自己壓路壓得更舒適,可請隊友幫一幫殺.落石電卷洗兵好爽是吧,洗兵同時,小心敵人3-4抓你,假如敵人有火神,呀松個d單殺同埋輔助好好個d英雄,你就要買魔法護身符,別說魔水同埋魔法護身符晒錢,保命好物品來的.
呢個時候你大約有的裝係褲,電卷,落石,閃介,魔水,魔法護身符.呢d裝之後你可以開始出吉剛鐵,大約16-17lv左右你應該出到吉剛鐵,合吉剛鐵前先合閃鞋,如果唔係冇位,呢個時候你可以幫殺同埋單殺,個人覺得有把握先單殺,殺人流程:2技閃埋去冰佢,落石,神斬,吉剛.
ps.如果殺唔到唔好追,人地可能會有隊友幫反殺,同埋個人覺得冰前先開大和魔水,比較有把握殺死敵人
呢個時候,會多幫路殺人,當d錢去到4000蚊左右,我會用落石換毒泉,個人覺得上杉出毒泉十分好用,出左毒泉你就可以殺人同埋會戰了,當然都係保命緊要啦,唔好太過博老命!!出左毒泉之後,你想出咩裝就由你自己決定,我自己到後期就會電卷換三日月,毒泉換風傷,呢d都係個人意見泥姐!!
最後,緊記唔好咁博命,保命同埋食兵先係最重要.
本人因為唔識做影片,所以冇影片,希望各位見諒,
同埋唔好為小弟的爛貼而引起罵戰!!
希望大家支持小弟!!多謝
[ 本帖最後由 水戰輝=] 於 2009-12-11 12:42 編輯 ]
