柯完入房Pack好一個禮拜用既食水同乾糧同醫療用品同求生用品入背囊
最好放D額外食物入個細喼 但係隨時要有放棄既準備
攞三至四把唔過15cm既刀 一兩把15cm以上既比較實淨既刀
戴口罩戴手套 保持衛生 驚D血肉入左去會有感染或者破傷風
著住自己覺得最型既一套衫(最好有連身帽) 剪左或固定任何可以被人扯著既衣物頭髮
研究一下喪屍既生活習性同受感染後既徵狀同病發時間
係屋企留三日至一個禮拜先開始出去 先由附近既鄰居開始 再慢慢搜索附近一兩層
倖存者多既話就一齊造個基地 建立防衛設施 分派物資等等 再派出分隊繼續搜索
若果不幸真係冇倖存者既話 就再等多三日 睇定D 之後就開始慢慢由你果層清到底下
視乎情況好壞 首先你既目的地應該係便利店 可以補充物資(香港既好處)
之後就可以依公路向著保護區進發
代步交通工具
最推薦電單車 易操縱 體積細 速度快 不過載貨量比較少
其次係解款車 防禦力高 載貨量多 但體積大 速度都比較慢
武器
非常建議
**軍刀, 匕首**
近戰首席最強冷兵器 出刀快拔刀快 易打理收納 硬度高 可惜既係距離短 無法劈切 強烈建議左右手一把
[廣告]""某內地拍賣網有售 20rmb起(未計郵費) 非常有型 建議自用或作生日禮物"" [廣告]
**切肉刀(尖頭)**
可應付距離較遠的少量喪屍 夠銳利 又可以劈切 但由於刃薄硬度低易折斷 拔刀慢容易無法應付其他喪屍
非常極度不建議
槍
首先係香港你好難搵到槍 你話:"警察咪有槍囉" 警槍有6發子彈 但係你覺得D子彈會比你用到咩? 晨早用左黎打喪屍啦
其次就算你搵到一個槍械庫又如何? 誤傷誤射卡彈過熱呢? 埋身又點算? 用槍托?咪傻啦!你邊有咁多體力去推咁多隻喪屍呀
電鋸
又係一樣係屋企搵唔到既武器 打L4D2都知有限油架啦 仲有你覺得鋸喪屍D血肉衣服唔會"食"住部電鋸架? 分分鐘"食"住既係你的衫褲甚至你既身體添!
日本刀/武士刀
又係...好 就當你係玩居合斬道或者斬道又或者拔刀道既人 屋企有把開左鋒既刀 日本刀係就係專用黎斬人 但係唔係用黎斬果D淨係想埋黎咬你既喪屍 你諗下一堆喪屍圍住你果陣你邊有空間去揮刀?
必須遠離地點
警局 政府部門
"有一大堆喪屍係度食人喎!
點算?
緊係搵警察叔叔幫手啦~" 個個都係咁諗 所以警局有幾多人 之後就會有幾多喪屍 政府部門都一樣
醫院
唔駛講啦下嘛
商場 超級市場
又係好多人聚集既地方 亦都會變成喪屍既飯堂
不過唔排除以上地方都已經變成左倖存者既基地 係咁就可以嘆幾日先
但係睇得多喪屍片就知人多就自然是非多多 好易就會比內部不和搞到亂七八糟 然後喪屍就乘虛而入 所以呢D地方都不能久留.
[ 本帖最後由 ycmak 於 2010-1-2 23:09 編輯 ]
