引用:
原帖由 bmbm0606 於 2013-5-6 02:09 發表 
例子與我善心有反例子作用，他認為世界上沒免費午餐，不想把自己賺的錢送給乞丐。善心何在?
你意思就是自己賺到錢是自己個人努力? 如果你不是有環境幫助，例如父母、政府的話你會有學習的機會?
你如果出生在第三世界，就算你多麼努力，能夠出頭的人只有千萬分之一。
人類，如果有能力，當同類(人類)有難的時候會去幫助，例如有天災 地震 海嘯 或者 人為 戰爭，會去捐錢幫助他們，
你有權可以唔送錢幫他們，但你不應該去踩他們開帖討論，自問你有沒有尊重別人，把角度放在他人身上，假如你已經失去工作能力，但不想取綜援，你去做乞丐，利用自己身體去令善心人給錢， 古語有為﹕有頭髮邊個想做癩痢。
只能說你不給錢，就是你善心好極有限。但你有權這樣做。
善心不一定是好，但善心就是當同類有難的時候，出自內心去幫助他們。
善心=/=人性 OK?
唔捐錢就善心好極有限 係咩道理?
第三世界出世既人,受災難既人 同乞丐好大分別
三者可以話係無直接關係
生存係一個健全既社會 有福利 有保障 有法律 既乞丐 點睇都好過第三世界既人 同受災人士
乞丐自己唔公作 去乞錢 人地唔捐錢就等於無善心?
呢個世界唔係非黑即白 乞兒自己唔做野 唔公作搵錢 去乞錢 間接剝削緊努力工作緊既人
當然有極端例子 無手無腳個類乞兒 可能你會覺得佢好慘
但係有無諗過香港既福利絕對可以幫到呢類人 起碼佢係香港唔會餓死
如果佢自己都唔爭取 咁都係佢問題
咁同點解教人釣魚 比俾魚人食 既道理一樣
反而捐錢既人 先唔一定有善心
舉個例子 李嘉誠 夠話自己捐左自己三份之一身家去做善事
但佢捐錢 間接係為左俾少啲稅
事實又係點?碼頭工人要求加合理人工 佢寧願一日蝕幾百 或者幾千倍佢都企硬唔肯加
唔通佢叫做有善心咩?
搵十個做緊義工既人番黎問 都未必個個肯捐錢比乞兒 咁佢地又唔係無善心喎 個個人幫人方法唔同
有人唔鍾意捐錢幫人 一蚊都唔肯 但係佢地會用行動黎幫人
呢個係事實 幫人 做善事 唔係得一個途徑 一樣事可以完全反映到
睇野唔好咁偏激 你咁講法其實侮辱左好多人
"每個人都需要走自己的路，重要的是要問心無愧。"
自己知自己係咩人就得 無人可以介定捐唔捐錢 點樣先係有無善心 背後有太多利益衝突
