話咁快又到2011年既最後一日啦.大家係哩一年又過得開唔開心呢?
唔好意思又要比你地睇我d廢話啦
係哩1年既最後2個幾月都係我最開心既日子.
因為比我遇上了你.雖然短短既2個幾月 但我感覺上我地好似經歷過好多好多野咁.一齊開心 一齊笑 一齊唔開心 一齊喊..
雖然你唔鍾意聽 我都係要講聲對唔住 要你擔心..要你承受我d死人脾氣!
哩2日發生既事 我相信係我地發生最大既一件事.我唔開心你陪我通頂 通完頂係都要送我番屋企....估唔到你係想最後一次黎.當你話要留下筆跡既時候.我先醒覺 我諗都唔諗就跑左落街 觀塘 牛頭角 不斷跑不斷跑.跑過我地一齊所有行過既街.都係揾唔到..不斷打比你.你又唔肯聽電話.我又繼續不斷跑不斷跑 著住拖鞋 跑都我真皮都甩埋.沖涼好喇z_z 好啦終於揾到你啦.我果刻既心情真係唔知開心定唔開心好.雖然比我揾到你啦.但我真係唔知應該同你講d咩好.淨係想問你可唔可以唔好走..問你可唔可以收番你所講既野.你當時冇答我 你話要繼續留筆跡 叫我經過既時候要記得睇.. 上到去屋企後樓梯.你畫完.我再問你可唔可以唔好走.你就不斷話要走.叫我番屋企.當時我個心真係好痛!當時我真係好驚.好驚我地既感情會因為哩件事而淡左...我好驚你會話我地既野不如算啦.所以我走左..但我真係好擔心 好緊張你 所以唔夠2分鐘又走番轉頭揾你...點知你就咁又嬲左我..我地2個又一齊喊.我又喊住問你可唔可以唔好走.你就話叫我氹你.如果氹到就唔走.我不斷講我d感覺你聽.講左好多好多.但我竟然冇發覺我用錯方法..你話我成日冇食過野 煮埋野比我食就走. 係番屋企既路度.你同我講.哩2個月就當發一場夢..哩句野你係第2次同我講. 我都係答番你同一句說話.話忘記就忘記? 我問你係哩2個幾月最開心係邊日.你答我日日都咁開心. 我其實同你既答案係一樣 我都係日日都咁開心.當初日日接你放工.幫你洗野.你仲成日偷偷地請我食雪糕.真係好滿足.
日日同你番學 同你出街.都好鍾意望住你.你笑得真係好甜;)每次就番屋企.我都好唔捨得你唔捨得走.最記得係我生日果晚.你逼自己面對..同我講清楚..但我係知你唔想咁做.因為你根本唔捨得咁對我!我果晚發晒癲咁自己同屋企嘈完.走左落街 做係馬路邊不斷食煙不斷飲酒..你都係唔忍心見到我咁.都係飛的過黎.我過刻真係好感動..因為從來冇人好似你咁關心我 緊張我..我地果晚傾左好多野...哩d野叫我點忘記？點可以當一場夢? 你對我哩講係最重要果個!到夜晚.你睇我手機.睇vlan 我打左 揾我談情呀? 就係因為哩幾隻字 對我冷淡對我冇晒信心.. 我由1個好花fit既人改變成一日專一既人 我知你覺得係好難既事 我都知點解你咁難相信我...我仲要打埋哩句..連續2晚冇訓 雖然唔係好清醒但我反省緊自己 我都覺得自己好過份.我仲覺得自己好傻仔添 點解堅持左咁耐改左咁耐 無啦啦打左哩句野出黎 雖然我話只係講笑 但你一定唔係咁諗.. 我日後都會警惕自己 做每一件事都要諗清諗楚先好做 雖然我之前講過.但係我都好希望你會相信多我一次.我會行動比你睇
等我!雖然談不上永遠.但起碼日後 你都會係令我最緊張 最愛錫 最照顧 既人!
有好多野 我其實我係知.我不斷問你 你講既我實信你!但我心入面太清楚.....
最後所有男人遇到自己心愛既女人既時候一定要堅守自己既信念 千奇唔好比自己行差搭錯!
[
本帖最後由 霸氣小能樣 於 2011-12-31 15:48 編輯 ]
