[Open]
[Close]
令我心跳的總是得不到
愛 哩樣野真係好複雜 唔係個個可以接觸.....
琴日又同我講哩d說話 又要同我斬欖 我個心又好似比人捅多左幾野...坐係露台同你傾 不斷食煙 不斷吹風 不斷流淚..哩d情節已經係第4次 每次當我一留眼淚我就特別想你 我始終都係忍唔住去揾你 5點左右飛的黎揾你 雖然唔知可唔可以見到你 但我知如果我唔黎就一定見唔到你...到6點幾你都係忍唔住打左比我 我都忍唔住話左比你聽我係水池 係你落黎既時候我諗左好多野 究竟你話你仲掛住你之前條仔究竟係咪真?不斷諗不斷諗 諗極都係冇答案....其實當時我真係好懷疑你係咪呃我 不斷比藉口自己 話你唔會 如果真係掛住 就唔會同我咁啦....諗到哩到 你到左啦 好想問你好多好多野 但我已經開唔到口 因為好驚答案會同我諗既唔同 所以我一句野都冇講...真係好凍...凍到講唔出野...去左後樓梯坐 你話比支煙時間我諗想同我講咩 其實我當時諗都冇諗過 因為要講既實在太多
係哩2個月我為你做既 為你改既 我全部都係用個心 我17歲仔 拍過無數拖 我頭一次會對女仔咁認真 無論你信唔信都好 我都好希望可以以後既日子都陪住你渡過 令你開心 令你笑
當你讀你同佢既對話既時候 其實我真係唔想聽 好難受 你話你心酸 其實我個心仲酸 你話你個心仲有一角係佢
當時既心情直情係崩潰晒 好想問 我究竟係d咩 我地係咩關係
難受極 我攬住過 訓過 錫過 拖過 既人 原來心入面諗既唔係我 而係之前條仔
對唔住 我又喊左 我冇優點之餘 缺點真係多到數唔晒 我仲要係個大喊包
以為岩岩可以忍住唔喊 但點解佢會流眼淚 連我都唔知點解....
係喊既同時 我個腦 不斷回想我地所有既回憶
雖然我地相處日子唔長 但我地經歷左既野 好似有幾年咁多 因為發生既野 真係數至不盡
你生日果日 我好記得 我第1次攬你 第1次錫你
想你忘記之前條仔 我自己傻下傻下咁係旺角行左幾日 想揀隻令裱送比你
仲記唔記得 我送裱你既果1日 你畫左塊紙板比我 我到依家仲keep住 『前度現在排最尾 』還記得嗎?
次次同你嗌交 我都會主動氹番你 之前仲有幾次 仲好早係地鐵站樸你 有動心嗎?有感動嗎?
---------------------------------------------------------------------------------------------------------------------------
就算你唔信我 話我假 話我氹你都好 哩番說話 我淨係會同我愛既人講
我可以等你 不管多長的時間 只要你交出你的雙手 我願意拖住你一輩子
今日你話你睇唔到野 我可以做你對眼 只幫你看看開心的東西 過濾所有會傷害你令你難過的東西
喜歡你 我最清楚這感覺 從前你是你 從前我是我 現在縱使 不清楚我最愛你甚麼
尋覓你 留住你 全憑直覺 其實我真的 相信愛情的直覺 從前尋遍這天邊海角
不經意等到 心中愛情主角 愛你一個 像是浪漫愛歌
想你一生也愛我一個 想你心意屬我
期望你跟我 長路也走過 准我一生也愛你一個 准我相信直覺 請將一生的幸褔也付托給我
