無錯,又係我,哈...膠人一個
近排應該有D會員見到我好膠..哈哈
睇表面..個個都係覺得我好膠...哈哈
如果講埋我內心既野..大家可能會覺得我更加膠..哈哈
唔差在,講埋內心果句...
琴晚,我入下post睇下文..點知見到張仲良版主同蕭兄講左一d..
我唔想俾人知道既野....可以既話,麻煩各位唔好突登去搵呢d野
而呢張仲良講既呢d野,令我相當反感
我私下係msn震佢,要求佢刪除該段回覆
佢冇理到,仲off埋msn
咁呢個時侯,個post係第一頁最頂(並非置頂)
咁我唔想俾人睇,咁我可以點做?..
係心急既情況下,我用同一句既說話黎回覆15個帖
其實..點解張仲良先生你要講呢d野出黎
點解你唔可以刪除佢
點解你唔可以檢點下
之前有大量既post,充滿惡意灌水既成份...
但係至今竟然只有我既會一獲過俾人扣30分
仲要撻埋個高級法院出黎同我講有下次就變0分
哈..可能世事就係永遠咁膠..
終審法院話..呢d係小事..佢好辛苦..唔好煩佢
講埋..唔通要無左仲良你先安樂
既然係咁..無辦法..我唯有單獨作戰
積分,無問題,無所謂,我冇話要加番,唔諗住要咩減免..
我剩係想俾人知..即使我係做錯事,我都係有原因...
a..唔好以為我係度求咩情..係度發咩神經...
我冇。
有人覺得我而家扮緊野,
但係我會想講..我即使係網上,我都係行得正,企得正,見有錯,見唔岩,就要出聲
有時做人..應該要果斷..尤其係男性...說一不做二..講左咁,就係咁
唔好扭扭令令成個女人咁...
從前有兩個朋友,A同B,佢地一齊工作,A係B既上司,而且A算係一個人才
有一日,A就話想辭職,問B好唔好
跟住就出左張問卷,就問人地支唔支持A辭職
而B就好肯定咁認為...同事支持佢辭職既機率 唔會大過 同事唔捨得佢辭職既機率
並同A作出私底下的打賭
最後A冇辭職,B講中左
但係A好歎息同D同事講話當初同B既賭局,結果B大概係同事既心目中..變左做一個衰人
好遺憾..我做左入面既B..我絕對明白..肥蕭講過
我舉既例子真係好差...但係有時...
有D野你唔想講到咁出面..
就只好夾硬用一個例子出黎
結果..而家我就好似做左衰人咁
有個朋友同我講,清者自清
有時做人真係幾慘下
當年論壇既好朋友
今日,佢話我膠
今時今日論壇一個同我唔識既人
雖然我唔知係咪真心
但係我睇得出佢關心我
有個朋友,佢見到我洗板
即時認為我冇可能會做D咁既野
而有個朋友,一見到我洗板
即刻送個膠字俾我
兩種分別係咩..
就係識唔識交心..
識交心既人,知道你既行為...知道你咩會做,咩唔會做
曾經有約莫四位既朋友..同我講過...
話我好固執..好執著..
而佢地同樣地都係拎左同一個人黎同我比較 - 死神
四個朋友都認為,我擁有死神固執,執著既性格
但係我相信..呢個係良性既性格..
某程度上..事事執著..好比事事放鬆好..
回想起死神..死神在Ipve以道理為著名..
今日..令我最傷感既係..我搵唔到任何道理..
即使係某人觸發我去做洗版呢個行為...
我唔可以拎黎辨護自已
我打算上訴..事件緣由尚未完全托出..
卻已經收到一句..
我已經好辛苦..仲要理呢d小事..唔通你想仲良走左先安樂
某程度上..心淡了..心碎了...
或許係我自私既關係...
我覺得我好像遭受歧視...的的確確我錯了..
我犯過事..但別人現在完全不接納我一樣...
人情世故就係咁..價值觀既問題。
人情世故...網上世界亦不外如是
近排我冇左四個好朋友
第一個認為,我係會考作文既時侯,早完成..早走..所以認為,我唔重視會考..
第二個認為,我同佢個fd玩信長...所以認為我搶左佢個fd
第三同第四個認為,佢地鍾意做d咩就咩,我冇權管佢地
好似太多野講了...
我怕一陣又俾人話我篇文章係惡意灌水+洗版
係時侯又要走了
係度要多謝班朋友
希羅仔→當年若果冇左你篇"如果香港有xxxx你會點做"既話,今日置頂既文章..就會少左一篇了
熾烈紫龍→記得果陣成日同你短消息,剩係玩死一個嬲既icon...仲係度互send玩野
叉燒星_shy→唔見你太耐...希望你會睇到啦...sorry..果陣答應你寫你..但係.........
prince→當你獲選左頭像冠軍既時侯,我果陣好唔鍾意你..因為你好串...哈...有句說話本來唔會講..但而家都就走了..講埋啦...當時若果我自已投左自已一票..你就輸左俾我了
死肥老蕭→經歷太稀奇了...唔知點講...
Saghk00496→哈..以前同你一齊傾計..而家..冇聯絡囉
Smileboy→多謝你以前借俾我既2058蚊ipve幣...幫我做中級..多謝..但恐怕我已經唔能夠還俾你了...
sweetom→第一個ipve既朋友..可惜而家冇咩點連絡..哈..記得同死神和好,承蒙你的錯愛了..推薦了我這個"丁丁",哈
紳z→又係好朋友..但係自從做左版主...嗚..唔理我
滅。小方方→哈....................而家你可以...正正式式同我講..88了
立哥→我永遠記得,係信長區入面..第一個加我5分既人...
死神→記得同sweetom和好,多謝你係信長區維護我同埋幫我整動畫圖
潮小花→清者自清..你教我的
高橋海楓→很遺憾..不能接替你的工作..就算能..在巨大的壓力下..我感覺很恍忽
FlyerFei→哈..雖然未同你接觸過..但有版主講過..你曾經推薦過我..多謝先
Mark姐歷史:
1月:發表兩篇信長的文章,獲立哥,sweetom加分
3月:獲sweetom推薦成為vip,後加入吹水區亂寫文章
4月:開始神隱
5月19日。正式撤離
我有個預感,就係我呢篇文章出左黎之後,有個高級人士會出黎
講解下我果30分係扣輕左或者係點樣扣
then某人只會有兩個行為做出黎,
一係例牌帶住個冷血面具咁講話無視掉
一係就好似電視咁兒戲咁辭職
Yo,睇完之後實好多人憎我,或者好多人覺得我膠
yo～,既然係咁,唯有膠一次...
(第一次)我膠一次哦～啦啦啦啦啦
(霍元甲)膠膠膠膠 膠膠膠膠 膠mark拳的套路招式很膠
(不敵)一秒～曾經很膠興然後你竟揭下佈景...
你煽動過我要留力膠不可太多..
又突然間又會有人認為我係度扮野,係度想駁求情
你咁諗就唔岩了..錯同岩呢D人其實睇人既姐
人地認為我錯,我就係錯
人地話我膠,我就係膠
世界上邊有人會理前因後果
夠啦,唔好諗住話我想逃避果D野
完全冇呀我可以同你講。
良哥仔麻煩整走我兩個置頂文章,唔該哂
懷念小象...呸
曾經有段時間,Mark姐同水區係唔能夠分開..
因為佢已經融入左我既生活...
但今日...很遺憾..我不能再寫點自創文章
但大概對大家來說..這只是看過就算的東西吧。
寫到呢度..有少少心酸酸..有人會唔信,因為覺得我內容根本係串人既
哈..呢個...大概唔需要解釋...希望神隱在兩旁的朋友..會理解到為何我會心酸吧
收筆。
