頭先見到有人開post講足球,我都想講下以前足球考試既情況
(唉..頭先打好左..跟住無啦啦d內容無哂..好嬲)
記得個陣考足球,係大約係15碼度係唔同位置射五個波埋去(大概係左邊邊界,左邊,中間,右邊,右邊邊界) <<以藍球場為準
我地個阿sir好鬆手,仲話入唔入都唔緊要,因為一球有4分,3分係動作分,1分係入球分
只要次次唔同動作,再次次都入哂,就一定滿分
但係唔可以重覆個動作(但係轉腳做同一動作就ok)
一開考,見到d人唔知想點...
一個扮戴智偉,一野拋高個波,跟住轉身(即背向龍門)坐底,跟住諗住倒掛...
個結果係個波趺左落佢個patpat度
一個被全級公認為自閉讀書生,四球都唔入,最後阿sir俾埋佢行前幾步用手dum
結果..都係唔入....
跟住到足球隊既出場..(勁呀)
一個係真真正正既"飛機王"..冇一球唔係飛機...(球球都飛出學校,跟住次次射完要出去執波,請用三個英文字母形容佢)
一個係真真正正香港版碧咸..射波個陣走去學七旋斬...(無錯,話明香港版..結果..出界..撻Q..撞眉..無球入)
一個係真真正正既球迷..以為自已而家係曼聯對熱刺,1:1,最後10秒靠佢呢個12碼咁...跑跑下疾步,仲要係疾到煞車咁
(結果由於佢決定疾疾下用腳指弓拉西既關係,佢完成左一個偉大既使命---被緩慢80%既地波式撻Q)
最型既有兩個
第一個,由頭到尾背住龍門用腳跟向後射 (同一動作冇分+冇球入 = 0分)
第二個,踢完一球之後好似跳舞咁轉個360度再去第二球度踢..不斷重覆呢個動作(佢全部波冇出界,但係未去到龍門就停左)
之後就到我了..我見到佢地咁..我決定好正常咁樣(左腳腳內,左腳腳尖,右腳腳內,右腳腳尖,右腳腳側)
咁樣..五球地波入哂...最後我睇番塊版..基本上除左我,冇人滿分
＊係度想同大家講,我唔係串咀..但係想講俾大家聽..有時做一d野既時侯..與其做d博出位既行為,不如正正經經
平平常常咁做..咁樣個效果..總會俾你做d不知所謂既行為更加好...
最後送上一個自創故事俾大家
從前,有一條村莊,呢條村莊冬暖夏涼,人人和氣..衣食豐足..大家都好開心咁生活...而呢條村入面..有一個人...有一日
佢死左...
