係呢個科技發達既年代，就連背後操縱世界既組織，都好似俾人偷睇
佢沖涼咁，咩都比你睇哂，呢個時候，自己反而最唔清楚自己想要咩
。
從前，人同人之間既關係建立係溝通，我笑下你，你笑下我，我嬲你
，我會鬧你，喜歡，我會讚你。去到而家，所有野取決於幾多個li
ke，關注數，朋友(friend)按一個制就可以擁有，文字同
語言變得無謂，因為有icon，愛，應該係溫暖，而唔係一個紅色
心心，傷心，淚水應該係濕既，而唔係一個黃面人係隻眼到流水，而
家呢個年頭，病到死都要上網同人講病了，喊到豬頭咁都要自拍話痛
哭了，為既係like同comment所帶黎既安慰，但現實？可
能一個電話既問候都無，所謂既關心，只係用輸入法所形成既一句句
子。成檯人食飯，無預我，我問點解，「咪invite左你去個e
vent囉！」朋友同女友散左，識埋新女，我問⋯⋯佢「乜分左手
？」「你無睇我fb咩⋯⋯」
越容易得到，就越唔識珍惜，唔需要去了解對方，係而家既世界，真
實存在既你係點唔緊要，
只要你張頭像夠令，唔理你高炒，揾野遮，
用photoshop，總之你張相，決定你有幾多朋友，大家同樣
飲starbucks，同樣比咁既價值錢買黎飲，同樣影張相放上
網，點解佢飲代表有品味？我飲就無人理？無人理你係咪放鬆，無人
理你係咪好嘆，
係呢個世界，你既價值仿似係零，因為你唔係d咩令
仔令女，你唔識photoshop，你無事業線，you got nothing!你只係一個被社會網站牽住鼻子走既人。
每個人開始係現實同網絡分裂出兩種性格，fb過千朋友，現實你已
經好耐無朋友打比你，你咩都無做過，有人會憎你，佢唔識你，只係
見到你張相chok左少少。你影完張相，比人話你發姣。你著黑絲
，d人當你av，點解？事實上，你只係普通打工仔，只係普通學生
，中意素顏，中意係屋企著住牙伯褲，但係網上面，你唔可以，因為
你同我係呢到都有個形象，有個定位。你有幾千個fd，狗公，收兵
，想識既女仔，女神，娘娘，係到睇住你。就算有時明明無人想理佢
，但有d人總覺得自己係fb有好多人注意。
問下自己，幾耐無揾你個fd，問下自己，見到朋友講完一番偉論，
明明好想講d野，但最後like完就算，心諗「like左咪得囉
！」問下自己，成幾千個朋友自己識邊個？
睇完呢篇野想喊
身邊所有朋友都如上文一樣
我好彩都有搵fd玩姐
真係感動分100
share from:
https://www.facebook.com/home.php#!/DailyResearchShare
