有歌聽
前言
用重炮手高達, 最大特色係要夠
煩！同夠乞人憎！
煩到敵人頻頻處於回避之中！
煩到敵人攻擊頻頻被打斷！
煩到敵人車輪戰捉唔到你！
咁你就係一個成功既
炮神!
使用者條件--面皮厚, 防要高(包括本人及其PSP), 新老手不計, 把格鬥鍵改去最就手的地方
(確保主射/特射/副射中途輕易儲B/ 可改作R/L制)
需熟記重炮每種攻擊既特性, 確保能在任何事情下都有相應對策
先講武器及用途
A主射--上集近距離殺人利器, 今集變左燒人BOOTS用煩人既長期輸出, 由於ND既關係好難用得番壓射呢招, 所以要中/遠距離用, 也可用來迎擊（乞人憎指數〔以５粒星作最好〕：＊＊＊）
B飛彈--炮神既靈魂武器, 追人9條街, 煩人/救機/壓線都係要用佢, 所有武器都可以用佢來擴大射擊RANGE（乞人憎指數：＊＊＊＊＊）
AB胸炮--今集變左主要可靠的輸出工具, 彈速快, 救機好, 上下判斷好, 配埋飛彈就爽爽（乞人憎指數：＊＊＊＊）
AB全彈--遠距離對人群用全彈>ND>全彈>ND...絕對係爽快首選, 主射同副射都有彈時要製造彈幕好似食生菜咁易（乞人憎指數：＊＊＊＊＊）
BC跳跳--上集最乞人憎走老技之一, 今集更乞人憎, 因為有ND既關係除左留BOOTS走老外仲可以用作快速爬升, 快速取得制空權, 帶人遊花園, 但技巧需求高了, 要襟BC>C加速, 唔好狂按C, 會ND的（乞人憎指數：＊＊＊＊＊）
ABC護援--乞人護援之一, 可防被槍捉, 但走得快好易跟甩, 有佢就可以輕鬆在中/遠距離打人屎忽（乞人憎指數：＊＊＊＊＊）
儲B--中遠距離的重要輸出, 又快又追, 無彈時可9出（乞人憎指數：＊＊＊＊）
後格--全GAME最撞得既格之一, 可撞平神掌, 但判斷/起手差, 不宜多用（乞人憎指數：＊）
基本打法:如何用得乞人憎?
1.抽水專精, 最好保持在中/遠距離戰線, 唔好主動衝前, 要令你隊友成為敵人火力集中點, 咁你就可以用全彈爽快
2.抽水專精, 在中/遠距離戰線, 開護援不斷以主射飛彈擾敵
3.有1人來搞你既時候, 即可用特格帶佢游花園, 留BOOTS特格落地防佢捉你, 而你同你既隊友就可以夾佢個PARTER隊爆佢
4.肉盾專精, 有時候你既隊友都有不濟既時侯, 特格+護援足以令你應付2條友既攻勢, 隊友就可以抽水
5.專挑格機打, 係你既彈幕同拉打既淫威下一般格機只不過係個紙老虎
進階技巧+招式:
1.主射時按住C + 左/右方2下(變MA方式) 可既不取消連射攻勢之余又可以改變移動方向
2.特格+副射(+飛彈)>ND 絕對係近距離對應敵人的好物
3.副射是最快的反擊技, 而後STEP可在短兵交接時製造反擊機會
4.帶無知的敵人格機游花園是良好之選
5.千萬唔好再主射+飛彈, 此時的飛彈命中率是0, 更會飛出版圖, 浪費, 毫無意義(BUG?)
6.可視情況選擇留BOOST特格
7.最好先把飛彈用晒先放全彈, 因為有飛彈殘彈量既全彈同冇飛彈殘彈量既全彈係冇分別
8.中遠距離養成儲B習慣
9.敵人密集, 遠距時可養成一個連技習慣--副射B>BBB>全彈>CS
10.敵人疏遠, 遠距時可養成一個連技習慣--全彈>轉LOCK>CS(偽雙LOCK)確保他們都受到你的公平對待
11.特格比較消BOOTS, 但可作快速爬升吊人頭頂
12.全場一定要常帶護援
最後, 最緊要係冷靜, 一定要KEEP住在生存率高的環境下, 畢竟護援同特格都係拉打既本錢!
以上就係我自己既心得, 打法其實因人而異, 世上冇固定既打法, 有任何可改善既地方歡迎指點!
