我新加入vLan，網戰唔超過三次

<<以下全部講一般版，唔計信長/三國等hack版>>

請問如果 1vs1，如果比人打到就死，想投降

留低一句認輸o既句子再離開戰場arm唔arm規矩呢？

另外，我見D人會講一個單字 "d"，單字一個 d 係咩意思？

謝謝

立哥

引用:

原帖由 Twigsakura 於 2006-6-14 20:48 發表
我新加入vLan，網戰唔超過三次

<<以下全部講一般版，唔計信長/三國等hack版>>

請問如果 1vs1，如果比人打到就死，想投降

留低一句認輸 ...

我地有一個方法,你去: http://www.ipve.com/bbs/viewthread.php?tid=556&extra=page%3D1 下載Replay。

打完後可以重播戰況,你把檔案上載給我們,我們盡力協助。

說一句認輸就跑當然是不對,也不合乎規矩，說d字係冇意思，呢ｄ係佢個人問題。

引用:

原帖由 立哥 於 2006-6-14 22:50 發表

說一句認輸就跑當然是不對,也不合乎規矩

哦，其實係我比人攻城，打到就死，之後我走左....

如果NineDone先生係度

我對你講句：對唔住

[ 本帖最後由 Twigsakura 於 2006-6-14 23:06 編輯 ]

@@"...我覺得呢個問題值得傾下喎......
點解唔可以認輸走呢??
都認左輸囉....
咁一定要等拆曬D野先走得??
羸就羸左...輸都輸左....點解唔接受...一定要SM埋D建築物先肯走??
無人想特登輸跟住走...有機會羸都想盡力一博吧........

連比人拆都唔敢睇，輸唔起就輸唔起啦。何必用"時間"黎為自己掩飾

有個好好o既見解....自己輸左(開呢個topic果位)梗係想走架

有冇諗過對方幾冇引，點知你幾時係真係輸，定想走場？

我打到七分鐘，對方因為用BladeMaster連續殺我隻Hero，我覺得冇癮

講兩隻"g"字就走，人地可能都未想攻你住，你覺得不利就走

呢Ｄ分明係自私o既行為

再簡單Ｄ講.............好普通o既體育精神黎

踢足球輸波可唔可以未完場就提早走場去飲汽水？

唔arm分析下點解要走場

走場，係因為唔想玩而走。

所以其實無論幾時都可以唔想玩

初期...揀錯族，走
初期...比BladeMaster殺左好多Worker，人地都起曬兵我連錢都冇，走
中期...個勢比人壓住，走
中期...我想用果隻中立Hero比人用左，走
中期...個Hero比人殺左，走
後期...發現根本唔夠兵，走
後期...殺到黎，走

根本係自己唔想玩，就要人地陪你一齊唔玩

成日話晒時間，根本就係自己比自己o既藉口

咁趕時間就咪玩Warcraft呢Ｄ咁曬時間o既game啦

知唔知點解Warcraft 2 有得surrender，Warcraft 3 冇？

連輸都輸得冇骨氣

hkingk

我覺得人地認左輸就可以走場家啦= =
當然唔係一開始就走果d啦
當然如果講體育精神
梗係將成場打埋去啦
果d根本就係走場=.="

[ 本帖最後由 hkingk 於 2006-8-4 09:29 編輯 ]

點解唔係曬時間呢,.,,,一打一....一定係一個羸一個輸嫁啦......
羸左仲要拆埋d野....我自己羸左都覺得有小小曬時間......
就好似唱k咁...我想唱多幾首...無歌詞d尾果段我實cut歌...理得佢果般好唔好聽......

用足球做例子並唔(識)合....因為足球有限定時間的...而且唔會死曬d兵搞到無得反攻........
再而且有隊波俾人掃左9比0...佢地見到人地帶波攻都未必追啦......

你講你個英雄俾人殺左幾次...之後你就gg左....我覺得呢個係你自己本身既體育精神既問題.....
並唔係投降制度既問題....不過....我認為所有人都有權去認降........

初期...揀錯族，走       <---我唔覺有問題...想公平比賽...揀錯族...咪開過場囉....有咩問題??
初期...比BladeMaster殺左好多Worker，人地都起曬兵我連錢都冇，走     <---無問題...投降啦..都輸左
中期...個勢比人壓住，走     <--呢d就係無體育精神....有機會反攻...但係覺得自己輸了..投降.......
中期...我想用果隻中立Hero比人用左，走   <---= =...比較無聊吧....有幾多人會因為這會gg........
中期...個Hero比人殺左，走    <---英雄俾殺....還有兵吧.....不過明知d兵都係比人秒既....投降亦不足為奇
後期...發現根本唔夠兵，走     <--可以用控兵或者戰術追回的...但明知自己無呢個力量...投降都無計
後期...殺到黎，走     <----= =...殺到答咪守囉....除非無反抗既力量姐.....

唔講輸果邊....羸左就要拆曬人地d野...人地投降都唔俾....拆曬人地d野真係咁威??
唔拆曬人地d野就唔接受自己已經羸左??
sm一個無還手之力既大本營真係咁有意思??

其實唔洗咁煩
唔洗搞到咁複雜 分析咁多做乜 咩情況下走都係一樣架啦 唔好俾籍口自己走 又心安理得
有玩開正規都會知道

玩1v1也好 , 玩咩地圖都好
你表示投降(禮貌少少)
等對方表態(客氣少少 始終你都係敗方)
如果對方唔表態 或者 Say No 咁都無辦法 (唯有等或玩落去)

如果隨機 揀唔岩族唔玩下次唔好隨機啦
隨機係俾o的4個族都識玩 又無咩所謂既人 而唔係俾4分1機會你去抽你鐘意既族

最重要係對方話無問題 就得
留句投降即走 , 你做咩都可以咁無責任感架啦 , 始終都係2個人既事 唔係你一個人 點都要理下對方感受
人地同你打 , 都有花時間同精神 , 你突然一句投降 88 , 乜都無晒 , 對方好灰架

[ 本帖最後由 sunnussun 於 2006-8-4 17:12 編輯 ]

係vLan入面邊個知你係走場定認輸，又冇人睇

Good Game呀，連八隻英文字都懶打，輸唔起就輸唔起啦

其實你心入面可能想講Gal Game咋，咪又係GG