請首先認真看完此帖
http://www.ipve.com/bbs/viewthread.php?tid=3464&extra=page%3D1 全部帖子
各位管理員、版主、其他會員，我唔係話玩war3 custom game 或者rpg 唔岩，我自己都會玩，信長我都有打，用黎消磨時間的確唔錯，但"
競技性"認真麻麻，希望各位認清一樣野，就係呢d所有custom map / rpg
並唔屬於電子競技範疇，如果vlan 想走出"純粹連機軟件"既框架，亦想成為真正既"
電子競技平台"，就應該諗諗點樣增加自己競技項目既人氣同使用度，我見vlan有aoe3、戰地風雲、war3正規等等既競技項目，但無奈太少人，呢d項目玩既人唔少，戰隊亦林林總總，但為何不在vlan上對戰？冇錯，vlan的確好多人玩rpg，玩親rpg既都會使用vlan平台進行對戰，但如果vlan一直安於現狀，一年、兩年、三年後，vlan 仍然是rpg玩家既集中營，其他項目亦不見長進，與電子競技仍然沾不上邊，亦好難用"電子競技"去招商。
vlan 使用既語言係繁體中文，相信其目標市場也是集中在香港、澳門和台灣地區的玩家吧，正好這三個地方既電子競技氣氛不算很濃厚，但亦有相當一群電子競技愛好者，WCG(World Cyber Game) 在香港、台灣亦設有分賽區，這兩個地方每年均派出國手參賽，而澳門將於年底舉辦既第二屆亞洲室內運動會中，亦包含有電子競技項目，這三地既電子競技項目正處於發展階段，如果vlan可以配合這三地的電子競技發展，想必這三地的玩家/戰隊亦樂意配合。
玩RPG的人數比玩其他競技類遊戲的人數多或許係事實，因為大部份人玩遊戲都是為了消磨時間與娛樂，但一些競技類遊戲如war3 正規 1vs1，選手要承受相對大的壓力及緊張感，失敗後要一個人承受精神壓力，所以人數比較少可以理解，但這類專業電子競技選手在作賽時需要自己專用的mousepad, mouse, keyboard, headphone等等，平均一個業餘電子競技選手每年花費在這些裝備上超過HKD 2000，更別說職業的了，電子競技週邊裝備的產業是非常大的，代表廠商有steelseries, razer，現在連Logitech 和 Microsoft都注意到這方面的發展而推出了一些專為電子競技選手而設計的新產品，如Logitech的G系列滑鼠及鍵盤及Microsoft 的IE系列滑鼠。你幾時有聽過rpg玩家需要這些專業配備的? 因為他們玩的遊戲根本不需要如此精確的操控度，玩家也不需要那種熟悉的感覺去玩。換句話說，如果給一個電競選手一只他完全未用過的滑鼠去作賽，他的水平很可能受到影響(因為用唔慣個mouse可能操作變得不準確)。
再者，即使直接參與電子競技的人比較少，但關注的人郤會很多，比如，我自己不會打籃球，但會很喜歡看NBA；我自己不會打war3 正規1vs1，但每逢大賽必然會看線上直播及瘋狂下載職業高手的錄像看，自己的操作非常慢，從來不參加比賽，但會對moon 三英雄換手使用保存杖覺得精秒絕倫。
因此，有電子競技人群或者聯賽的地方，對於電子產品及電子競技週邊廠商來說，才是有利可圖。
很簡單舉個例子，相信大家都很熟悉GGC(
http://www.gg-game.com)吧，個人認為它是現今做得比較成功的電子競技平台，每次登入，的確打war3正規的人很少，war3 rpg的人很多，這是個正常的現象，但為何其主頁會有這麼多贊助商的logo 和連結？乃至全世界war3職業界權威戰隊聯賽WC3L 亦在GGC上進行？請注意到GGC除了有很多大聯賽(WC3L & NGL)的專區外，還有一個叫Other Leagues and Tournaments的地方，供其他大型線上聯賽連線，其連線品質或許是一個原因，但ggc的管理者及對電子競技市場既觸覺絕對係另一個原因。
在下有幾個建議比vlan：
1. 提升連線品質，招攬線上比賽移至vlan平台上進行
2. 與戰隊合作，提供他們練習及與其他戰隊對賽的線上空間
3. 向港澳台三地電競選手玩家招手，開闢空間讓他們來vlan練習/對賽
4. 組織港澳台三地聯合線上聯賽，在vlan上進行比賽
要做到這幾點其實不需要很多資金，需要的反而是時間和良好的組織能力。就看你的魄力和決心了。
有了一定的名聲和招牌賽事運轉，再去招商或贊助就輕而易舉了。
我再問幾個問題，請管理員入黎睇下、諗下：
1. 你地有冇企係VLAN角度諗過？我之前哥個TOPIC差不多係一年前開既，今日再發一文，係呢一年間VLAN有甚麼改變？如果VLAN唔作出市場上既策略改變，五年後VLAN都係一樣。
2. 為何cs與war3能風靡全球超過54個國家(按wcg 2007參賽的國家隊數目計)，知名war3電競選手moon的年薪在100萬美元以上，而rpg 只能存活在網吧之內？
3. 每逢大型比賽開幕閉幕，都會有一些嘉賓出席，這些嘉賓都大有來頭，通常是贊助商的老闆，或市場總監，或電競組織頭目，或政府官員，點解呢d 人會肯晒時間出黎 出席呢d 公開場合？
4. 點解StarWar 只有8個人參賽，單計中國，透過GamesTV, NEOTV, PPStream觀看比賽既人數超過一千萬？點解一個電競選手(WE.Sky)係佢自己個blog度發表一篇文，可以令另一個選手(GOSTOP)在中國比人封殺接近一年？
5. 點解電子競技好似nba咁有好多明星，但點解rpg冇明星？
6. 織田/阿松/毛利 等等法師既連技要快，係1.6秒中連晒所有技而殺到人，堪稱法師駁技既極限，唔係好多人做到，但我只玩了一個月信長就做到了，但moon的3英雄交替互換一支保存杖並將3個紅血單位傳回基地，整個過程在2秒內完成，世上有多少人可以做到？只有moon一個
7. 點解ggc 咁多人玩rpg 都仲要包攬咁多電子競技線上聯賽黎搞？
8. ggc 做得出唔出色?
[
本帖最後由 _jdk_wil 於 2007-8-22 14:35 編輯 ]
