之前介紹完兩個rpg之後,依家又再介紹一個圖俾大家玩
個圖都幾舊下,叫做"玩具兵大戰"
勁好玩,一開波紅色玩家可以揀模式同圖(有打屍,死鬥,裝炸彈,坦克)<===有d似cs -_-
地圖(場地)只有兩個,方別係糖果盒子同煉獄,兩個玩法完全唔同,都幾有挑戰性
每一個模式一開始全部人都強制要用海軍陸戰兵,第二回合後可選其他兵種(除陸戰兵外其他兵種需選費才可使用),善用兵種技能才是獲勝之道
另外商店仲有好多野買,好好咁運用殺人就好鬼易(防暴盾只可以一個人買,最好討論好邊一個負責用盾擋彈先好買)
另外其實槍塔起高位係最勁既,如果起左系一d人上唔到既地方時請善用波蘿,支援(戰地通訊兵),火箭炮轟炸(機槍兵),直接隱身(追蹤者)走過或躲過掃射範圍即可
打屍模式(講求合作同兵種運用既超級生存模式):
藍隊紅隊會全部變成紅隊既人,跟住10秒後會有其中一個玩家係屍(所有人知道自己係正常定屍,正常人係healthy,屍唔記得左)
30秒後會有一人變成一隻2000血既屍,只有近身攻擊,俾佢殺死既玩家都會變做屍,紅隊(人類)只要殺晒所有屍或者守到最後夠鐘就贏,藍隊(屍)即係要將全部人類變晒屍為止贏
死鬥模式(講求合作,兵種運用,戰術配合既對戰模式)
每邊都有一樣既人數,配合戰術同合作等元素將對方一隊全部殺晒為止贏
炸彈模式(講求快速,守護等元素既模式)
藍隊要守同拆炸彈,而紅隊就要安炸彈並成功使其引爆
藍隊獲勝條件:夠鐘後紅隊仍未安炸彈,成功用刀仔(e技)拆除炸彈(紅隊安裝後),紅隊全部人死亡
紅隊獲勝條件:時間到達前安裝炸彈後使炸彈爆發,藍隊全部人死亡
坦克模式(攻守兼備的一個合作模式)
紅藍隊獲勝條件一樣,只要將敵軍全員射殺或打破對方基地的坦克就贏
兵種表:
陸戰兵 第一場強迫性使用既兵種 佢既z技火彈全中可以秒殺人(唔得既話佢食左一粒都會燒到100血左右),係唔洗錢又強力既兵種,但唔太適合打持久戰同狙擊兵,鐘意玩突擊既人用佢就最岩喇(注:玩佢小心放火彈放到冇晒彈,記得開波自少身上要有30彈)
機槍兵 要用佢冇記錯係要160蚊,但你用左之後絕對唔會後悔!!!佢既壓倒性火力無人能及,c技火箭炮咁既人控制得好既話拆槍塔,清camp位絕對唔成問題,識得拉射同走位既人可以好好運用(注:遠距離既時候佢既準確度近乎零,遇上狙擊請走)遇上隱身兵拉射殺佢絕對冇難度(前提係要你好眼力睇到)
偵察兵: 所有兵種中唯一一隻用散彈既兵仔,加上佢既技能鎮痛劑可以變1000血(但得8秒)對付隱身兵刀仔戰都玩死佢,加埋個盾既話都幾屈機(最好用來守住牆後面之類,俾敵人拉遠距離佢就玩完喇)
戰地通訊兵:呢隻唔多講都識用啦,佢既火力支援絕對係首屈一指,打camp位軍團絕對一流,有技術既話可以同陸戰兵單挑
醫療兵:佢最大既優點就係可以將非炸死既人救返,冇喇!!!(救返既人再死一次就唔可以再救)
追蹤者:史上最強隱身,成日埋人身刀仔幾野又一件,定位陷阱亦係一個令人頭痛既裝置(隱身好易用晒mp注意,同埋就算敵人唔用護目鏡都有機會見到你,小心行事)
狙擊兵:專camp高位既狗人,食佢兩槍既唔死既人真係少之又少(俾人行得近就係咁先喇)
唔知有冇漏,有既話大家話我知,歡迎分享自己既心得,好既話我都會轉貼上來
我長期會系03ser開場 想玩既可以入
[
本帖最後由 永恆傳說 於 2010-8-17 17:26 編輯 ]
