[Open]
[Close]
百地玩法！！！！！！！！正
百地三太夫, 不論吸經伏擊都稱得上頭幾位, 而佢既遁地術更係玩家們又愛又恨既技能
曾經有人同我講過..百地三太夫即使冇技術都殺得到人, 冇錯, 的確係, 如果人地係水魚既話..
廢話唔多講...入正題
背刺-- 百地三太夫攻擊敵人背面時，可造成額外100點傷害。 被動技
忍法‧遁地術-- 挖入地面變成隱形狀態，並增加生命與法力回復率，但在地底時無法移動和攻擊。
忍法‧催眠術-- 讓指定的敵人置於催眠之中，一個催眠後的部隊只有在受到攻擊才會甦醒過來。
忍法‧隱雷-- 在指定地點放下一枚擁有生命點數的地雷，施展後地雷會自動轉變成隱形狀態，隱形狀態時的地雷在英雄靠近範圍內時會自動引爆，造成範圍內所有敵人的傷害。
忍法密傳‧暴風-- 能在指定的地點釋放出巨大的龍捲風，龍捲風能持續傷害範圍內所有敵人，走近範圍內的敵方部隊會減緩移動速度和攻擊速度。
技能分析
背刺
優點: 天生技能
缺點: 唔打後面冇用
整體黎講冇乜用, 你打英都唔會長時間打到佢後面, 可有可無都冇乜分別
忍法‧遁地術
優點: 吸經伏擊回血回法樣樣得
缺點: 勉強黎講冇得移動吧..或者起敵方某d區域會比兵發現
非常實用既技能, 但要注意敵人某d技能都打到你, 例如森仔既第二支箭有機會打得中
忍法‧催眠術:
優點: 攻擊走佬都好用, 中技能後訓覺既時間長
缺點: 又係勉強黎講..一打就醒
另一實用技能, 你冇血個陣比人追擊, 一用就10秒, 冇10秒都一定有時間比你走, 人地只好眼白白睇住你走@_@
但其實遁地術已經可以令人追擊失敗, 只係以防萬一
忍法‧隱雷:
優點: 人地冇洞石既話就入陷阱了..多數一堆堆咁出, 增加殺人既機會, 位置岩既一炸就差唔多十個一齊爆
缺點: 用左洞石或者對方死都唔行過黎..吹佢唔漲= =
都算好用,前期只需20mp, 後期用MP量會大增...本人今日試過打人打到佢紅血, 比佢走甩左, 好唔甘心...T^T但後尾比我之前埋既隱雷爆死左=v=
忍法密傳‧暴風:
優點: 慢得又打得, 破塔好幫手
缺點: 範圍唔廣
點技: 1點一下, 3點一下, 跟住狂點2技, 點唔到就3技, 最後黃點/1技
原因係1技方面自己吸兵仔經, 放雷卷汁尾刀, 3技1lv只需20mp, 2lv已經要70mp, 所以寧願扣少d放多d, 後尾慢慢點都得
2技攻擊走人皆可, 點爆先百利而冇一害
裝備方面
褲> 褲> 褲> 閃鞋> 閃鞋
雷卷> 雷卷> 雷卷> 舞雷刀> 舞雷刀
肉> 閃戒> 閃戒> 落石> 落石
空> 落石> 落石> 凍雲> 凍雲
空> 手裡劍> 雪走> 空> *鬼徹
空> 空> *魔免> 魔免> 魔免
跟住後期既就係名刀, 自己配合
*我本人少出魔免, 尤其人地打你, 睡佢或者遁地又得, 我覺得冇乜必要..如果人地主要魔攻又壓你既話先出, 但應該冇乜可能
*名刀方面, 唔出鬼徹既可以出風傷/池田, 原因係配合連技, 另對方更快變300蚊, 下文會講關於連技
想出長船/村正都冇問題, 但你未出到應該d人走哂或者完場...但第一或二把刀強烈建議係風傷或鬼徹
開頭壓你壓得好緊要既可以出回魔, 更快出技既能力, 尤其係隱雷, 回魔對隱雷好有用, 但會拖慢出裝速度
手裡劍其實都只係一層保障, 冇都可以, 但閃戒要出左先, 再出落石
有需要可以出埋吉鋼鐵
破塔: 簡單容易, 近CP區既位置, 等敵英唔起塔前個陣, 大絕放正起兩座塔中間, 大絕差唔多完好走, 因為對方唔會等你破佢塔...
或者更易, 一放即閃..<<<廢話
連技:
殺人既一刻終於到...
方法大約有2種...
方法1: 一直用1技, 放隱雷起自己身邊, 人地一踩即刻哄佢訓, 之後起身大絕, 落石, 雷卷, 走既話閃戒再追, 前期多數死, 一開始踩中隱雷既話死亡率甚高, 唔死加埋手裡劍, 仲係唔死..一係你既問題, 唔夠快, 一係人地閃戒禁得快走左..咁就要轉左方法2
方法2: 暗位camp佢, 到佢冇乜兵幫手個陣遠處哄佢訓, 都係個幾招, 大絕, 落石 ,電卷, 閃過去斬/就咁斬(多數唔需要閃過去, 因為佢慢緊...隨非佢已經閃走左), 再加手裡劍
只係開頭唔同..但等於將人地既洞石廢左, 你camp佢而唔係遁地, 你第一下訓佢一定會中
前提講到名刀...點解要揀做有範既刀先買呢??
訓>大絕...其實已經可以自己發揮...大絕之後出風傷, 鬼徹既話, 死亡率會更上一層樓..你話一開始出長船個d真係冇乜用..
訓完大絕, 有乜野技都要渾身解數駛出黎~唔好驚浪費..人地紅血都要狠心打落去, 斬草不除根只自己痛苦..
冇錢既可以出住水計/冰計等, 但傷害會低d
