[Open]
[Close]
給信長老手&MH神手
我係一個由三國轉過黎，信長8.5左右開始玩呢個地圖既人....曾經好鐘意呢個遊戲，不過一來因為開始悶，二來開始繁忙，少玩左。自問玩左咁耐，算唔上咩真高手，但好多時都算係隊伍入面最殺得或者最肥果個。
今日打左場，普通所謂既：no new no leave場。我抽中濃姬，一隻一直用得唔算太好既英雄。玩左一陣，發現四個隊友原來佢地係fd，個小地圖係咁閃感嘆號，話邊個邊個係果度，跟住一堆人衝過去殺，最尾總有龍川、稻姬果一兩個人死左，對面平安無事。我就問佢地係咪mh，佢地直答話係。從觀察所得，對面又係一堆都mh。我唸都算啦，我玩我既，咪扮單下機囉。但個龍川又係我果路，一開波就周圍跳跳入埋箭塔，跟住比人殺左又話我唔幫佢，我心唸，你跳入去死都算啦，我都想幫你但你飛到咁鬼死遠我行過去都要時間啦。到我殺人啦，個人就黎死，佢一個唔該就2技電卷。我唸都算啦，呢d好隊友我見唔少。對面又見我好似比較離大隊，下下黎圍我，我cp佢地都圍得到。跟住d隊友就話我廢，要我比裝佢地跳左佢罷就，特別係個立花宗茂。我果陣真係好想賣晒d裝跳左佢算，不過我最尾決定左，等我肥晒，殺得多人啦等佢地另眼相看。果陣我已經殺左100兵左右，但d隊友，其中三個唔過70，龍川玩到連50兵都冇。我心唸，如果你地勁話我廢都算啦，我玩左信長咁耐，真係冇幾可人地話我廢。
最尾我地隊唔知咩原因，跳跳下淨返我，同立花宗茂，d裝立花食晒，有四神，對面三條友。立花近攻唔洗一陣就成為炮灰，我次次都係係後面射射射，最尾都係由我清佢地場。我出埋虎徹，對面又狂叫兵，都係我招大係度清。立花當時先冇野講。清左對面三次場，再清晒佢地d兵，對方一次過跳晒，斷左個房。所以我連rp都冇得留低，最後總結我都係隊入面殺兵殺人lv最高果個。
我係度唸，點解d人可以咁無恥。我唔介意d人搶我尾刀，唔介意d人話我垃圾。但唔該唔好開住mh，一開始只係掛住殺人殺人，殺唔到死埋就賴人廢。以前剛開始玩信長果陣，唔勁既人唔多，勁既人好多，但就算唔勁果d，至少都唔會開mh，唔會係度扮勁串嘴爆晒粗。
而家d玩家，點解可以越黎越冇品？信長只係一個遊戲，如果連基本玩遊戲既規則都唔遵守，走去開mh，又咁冇品係度扮晒勁。我真係好懷疑，呢班人第時同人地相處、出黎社會做野，會唔會依然係咁，佢地既人生會係咩情況。遊戲果陣，唔該，show your quality。
