今日玩左一場..用德川
咁我cp既時侯,見到有隻馬係武家商人度
一向以黎我都係殺馬既
咁我就殺左隻馬,趺左兩個侍章
一向團戰規則(我個人覺得團戰同路人戰其實根本冇唔同..都係咁樣玩)
可以殺馬,趺左既裝備你有權還,有權執左佢,你鍾意仲可以打爆佢
咁
遊戲既開始,個個都係賺錢出裝
咁我就執左佢
咁當時既果位朋友就話我PK.偷野
咁我向該位朋友解釋佢隻馬擺左係度,所以我就去殺
同埋我指出左團戰規則係可以殺馬可以執裝
咁呢位朋友就認為ok,然後走左場
跟住就有好多位朋友認為我無品,仲有人話我畜生
更有一位某團既會員認為我好串..殺完人馬執完人裝仲係度串人
又一個自信長有馬以黎都未曾解決既問題
到底俾唔俾殺馬?
係團戰規則小飛豬都講左,馱馬可以殺,裝備自行解決
咁姐係話只要你鍾意,你擺係人地面前打爆佢都仲得
想問下各位反對殺馬既會員
點解你隻馬會係頭10lv以內俾人殺?
你話後期兩三下劈完就話高攻
與其禁止人地殺馬,點解唔好好看管自已隻馬
放係個武家商人度等...等...
直到敵人cp既時侯發現你隻馬,殺左跟住又走場
同埋希望各位唔想俾人殺馬既會員
玩信長前,麻煩係等侯室度講定禁殺馬
想同大家表達一樣野就係...冇人識心靈感應..冇人會知你鍾唔鍾意俾人殺馬
拎左你d裝,其實....俾番你就人情..唔俾番你就道理
有會員可能會話團戰規則只係用係團戰,路人戰還路人戰
咁我想問,打團戰果陣,個地圖會唔會型d
d人物會唔會勁d
個模式會唔會變左
會唔會唔係用同一張地圖
根本模式同地圖都一樣
咁點解唔可以用番係路人戰?
你話人地殺馬執裝好狗
咁其實,唔好聽d講句
你鍾意既話,你咪用德川或者風魔,長期暴係cp區等人地隻馬
-------------------------------------------------------------------------------------------------
解釋下下列既圖(因為唔想同幾位會員有任何爭吵,所以名字擦去)
1號圖 - 我地可以見到,時間1分23秒
綠色既朋友擺左隻馬係度
2號圖 - 時間5分14秒
我地可以見到,綠色既朋友仲係擺左隻馬係度
但係多左兩個侍章
3號圖 - 時間5分37秒
我發現綠色既馬..於是前往消滅
4號圖 - 隊友叫我網
而第二句係該位綠色既玩家話我pk,偷野
5號圖 - 我詢問有冇規則訂明唔殺得馬,唔拎得裝
而且再指出佢擺殺馬俾我殺(見1-2號圖)
6號圖 - 佢講左句ok,之後走左場,唔知係咪replay既關係,冇句野彈出黎
7號圖 - 某團既會員話我冇品,拎完裝之後又串
(咁我就唔多明白串既定義係點...咁我洗唔洗好似遊戲GM咁講埋書面語,好客氣咁問..)
咁我就唔多明..曾經有幾個人殺完馬之後就好型咁講話:死kai子擺隻馬俾我殺,仲要俾我執埋裝,哈
咁如果相比起呢類,我都算串,咁無辦法
8號圖 - 有人話畜生,我問番7號圖中話我串既果位朋友,問佢係咪某團既人
咁跟住既對話唔多關事..所以我都廢時post圖了
----------------------------------------------------------------------------------------------------------------
綜合咁多點
一,官方並沒有任何規則明列唔可以殺馬執裝
二,由於我用既係vlan系統,所以我根據vlan系統的團戰規定作為參考(即可殺馬,裝備自行解決)
三,的而且確有圖證明,該位玩家長期把馬放於不安全的地方,而我又沒有專登埋伏,純粹該位玩家的馬"長期駐守在外"
係度想反問大家一個問題
點解殺馬執裝就係無品
而唔係
唔好好保護自已隻馬,搞到被人殺,仲執埋裝,跟住仲要屈人偷野 就係無品
無唔無品,係好主觀既一樣野
希望各位會員唔好羊群心理
呢個話殺馬無品,跟住影響哂全部人都話殺馬冇品
如果你認為殺馬無品,咁你就去殺番人地隻馬洩憤,咁如果你殺唔到
就請你反省下點解你隻馬俾人殺,點解隻馬買完裝又唔走放係度
