字海 慎重 請上一頁
-
如果要講起接觸Warcraft 3 應該要回憶到中學時代同D同學仔去網吧打機
個陣玩Warcraft3邊有咁多選擇 無無聊聊純粹接觸下TD阿 小遊戲 正規 仲有張地圖四個角 每個角三家 跟住一隻英雄 一座城堡 係咁出兵打 但係我唔記得左張地圖叫咩名 而且當時仲係入緊官方Server 係我繼續混混噩噩讀書期間 時唔時都會去下網吧 識到一班豬朋狗友 當時佢地打緊三國 亦都因為三國 我開始接觸另一個平台 我班朋友係我偶像 因為佢地個團隊打三國好勁 唔知有無人識 佢地團個名叫DoOm 自此我以佢地為目標不斷練習 學識好多野 亦都係比任何人更加早了解團戰技巧 尾刀 AT(尾刀自己兵 信長無呢回事) 好快 日子有功 我係平台度開始出名 亦都有幸爬上分區版主位 識到好多朋友 當時年紀好細 總會覺得有幾分自豪 因為有實力 又人面廣 當然依家會覺得自己當年係幾咁幼稚
時日過去 平台好快冒起左1張新地圖 信長野望 係當時信長野望係好少人玩 三國玩家比例比信長高出好多 但因為信長野望不斷更新 反之三國作者月大停止更新 導致好多人開始接觸信長野望 當中包括我 當然 有三國基底既我 信長上手好快 完全唔係問題 好快又被平台既人稱為神手 當時亦都有好多神手 印像中堆神手叫Warren JEJE SA妖 華狗 FB_Q 但真係好耐 有D唔記得
之後因為讀書同接觸另類遊戲 我淡棄左玩Warcarft III 撒出平台所有職務 我既信長生涯可以話係呢度進入左空白期
係我接觸另類遊戲既時候 我都有留意當時信長界會發生咩事 當中唔少得既係星願 LoSeR 掘起 其後既係UNION 小弟亦都有幸朋友介紹加入成為UNION1份子 可惜因為淡棄信長 無能成為團中主流 由於當時我只係認識UNION某D人物 當中有YIP 香港第一槌王之稱 PA單挑王 公子服部神拉等
過後 信長盃4 花團拎得冠軍 個次係我第1次出網吧睇花團比賽 佢地既感染力真係好大 個次後 花團好成功咁被打造成為神話 可惜個陣我未屬於係花 只係純粹跟YIP KUEN 係GGX平台 以結團自居 間唔中會係08SER打下路人 期間都識到好多朋友 鴨仔 鵬 丹 茶子 DEE 大蛇 超 等等等...
直至去到信長盃六 我既呢堆路人朋友開始打團 只係純粹為熱鬧打 無參加比賽 亦都有時組埋我一齊打 個陣我根本算係一張團戰白紙 經過多年既空白期 純粹得閒係路人區戰鬥 不過 因為我街場功力都算深厚 所以去到打團亦都可以兼顧全能位 其後學識應該要點推兵 壓線 陣法 忍眼 輔助
係練習少量團戰之後 組左呢堆朋友去打四葉盃 可惜第一場就對可樂個隊 經驗不足 終敗收場
而經過呢次教訓 我開始學習睇Replay 效果很實用 進步速度比好多人快 但此終 我當時唔係團戰主流 依然都係歡樂路人
團戰都係極少數練習
個陣我依然係GGX平台玩 但某D朋友開始轉戰VLAN 我都時唔時組下佢地 個陣時都會打下計分 團名叫LIGHTNING 不過連贏過後慘敗一場 即刻解團 之後經超介紹 加入大蛇認識豪叔 文叔 佢地可以話係我打團既啟蒙 因為佢地 我先至真正了解團戰 然後因為呢兩位大佬係恨 其間接令我認識左雨 當時我地係鐵四角 超 雨 我 hoho(二寶果汁糖) 我認為當時既我地真係好勁 不過 因為文叔要放棄信長 大蛇解散 而又機緣巧合間 我地四個一齊加入花團
入到花團 同我想像中唔同 花團既人對外人並唔熱情 所以我會主動撩佢地傾偈 得閒搞下笑 好開心 好快佢地都當我係朋友 間唔時同佢地打下團 經過幾次團戰 我認定左天空係信長界最勁既人 我既眼光無錯 以歷練多年 佢真係一個傳奇 不過成長到依家既我 係唔會對佢神咁拜 只係當係朋友 得閒抽下水
係我身邊 我認識過好多戰友 亦都好多戰友離我而去
最後剩番我1個孤單作戰 不過信長的確帶比我無數歡樂回憶
但係我知道經過埋呢個信長盃七 我都會離開 呢度將會成為一個回憶既地方
可能有人覺得 只一個遊戲甚麼的 但係當你係遊戲入面 認識到戰友 你會對呢個遊戲睇法 完全改觀
最後 祝信長盃七順利完成
如果你睇到呢度 多謝你
[
本帖最後由 Agnes.bbb★ 於 2012-12-16 10:14 編輯 ]
