大家,又見面啦
,有冇睇過我第一場既經歷呢..冇就→
http://www.ipve.com/bbs/viewthread.php?tid=13177&extra=page%3D1 
同樣..希望大家睇完呢篇野,都會有番自已既回覆..唔好睇完就算..信長係一個game,唔係一盤生意..唔洗成日都講技術同分享..
有時大家講下自已以前d經歷,都不妨令大家輕鬆下..有時遇到走場,上番黎呢度,睇番自已或者人地既經歷,我深信會令大家既煩惱
或者怨恨會降低..希望大家都同我一樣咁諗...一齊令呢個版有多d色彩
上次講到我用服部既傻事
今次想講下..我第一次用毛利既經歷...
有一次..我選左聯合軍..見到..咦..戰國第一智將喎
實好勁既姐..跟住選左佢..跟住點左1同2..好正常咁樣用1,2清兵..
記得個陣上路好似冇敵人..結果我係上面單機...到有錢了..即刻買支唔知咩法杖
(因為見到加智慧..個陣以為智慧愈高,技能
傷害扣愈多)
..跟住見到有招叫聖光彈既野..唔..幾型wo..仲範圍添...試下招野先...跟住..我就做左件好失敗既事..
我行到去箭塔面前..也...聖光彈...
..咦..扣到wo..之後個十幾分鐘..我不斷狂用聖光彈走去炸塔
...炸左唔知幾多分鐘後
終於炸lum哂..呢個時侯我先發現..原來中間不斷大會戰緊..但係冇人理我,我都冇理到
跟住我諗..嘿嘿..等我收拾佢地先...跟住就好型咁"嗯下嗯下"嗯去中路...行到既時侯..隊友冇哂血..全部返基地..
點知..我就好型咁衝出去..結果係點:lol ..織田信長 擊敗 毛利元就
印象中仲記得係俾佢轉死..
跟住我決定做一件大事..呢件大事就係學三訓(第三招)..直到完場為止,我不斷狂開呢招野
...當時以為好有用..但係
好似次次開襯d隊友都係死:@ ..但係好好彩..仲係冇人理我..隊友都仲係冇罵我
第一次用毛利殺人..我諗都係一件醜事
..直到最後我地俾人攻入大本營...結果唔知對方邊個無血..但係我地d人又未復活
結果我又係好型咁衝出去聖光彈....個敵人終於死左
..但換來俾人sm既結局
而家有時玩下毛利,都會諗番起自已以前d搞笑野...:lol
各位vlan既中手／高手／神手,其實你地有冇一種遺憾..就係..的確..自已既技術進步左..但係..有d想番去"童年"..
以前嘻嘻哈哈亂衝亂撞..唔識玩就成班賣裝剩係著褲+狂買仙豆食...個種feel..我諗大家而家應該再搵唔到了..
換來既只係不斷既你串我我串你,同埋不斷既走場,不斷既開圖,不斷既投訴
希望大家睇完呢篇野可以了解到我既想法,同埋希望令大家諗番起以前d經歷,再係度回覆番,多謝:)
