訪問員：先生你好呀，我係代表XX公司就本年度高中低產消費者產品消費意欲傾向綜合性意見做個全港性電話問卷調查架(講到冇氣~~")....我姓胡架～
小明：..........靜左幾秒 (悶悶地...諗住玩野)
訪問員：喂喂！？先生。
小明：呀～我係小姐黎架 (明明男人聲)....頭先你句野好似很長，可以再講一次嘛？
訪問員：.....哦....好既....我係代表XX公司就本年度高中低產消費者產品消費意欲....(抖氣)....傾向綜合性意見做個全港性電話問卷....調查架...我姓胡架～"
小明：哦....好呀～！我都有時間呀～你問啦！
訪問員：唔該晒你呀先生....呀？唔好意思...唔該晒你呀小姐！
小明：唔使唔好意思。
訪問員：係....小姐....請問你係咪全職既在職人士呢？全職既定義係每星期最少工作四十小時以上。
小明：係呀？我係呀～！
訪問員：係....咁小姐請問你月薪係介乎A：5000至10000，B：10000至15000，C：15000至20000，同D：20000以上。
小明：我15000咁算係B定C呀？
訪問員：Eer....15000應該算係C架啦小姐！
小明：不過我扣左5%強積金，冇15000架啦播！
訪問員：咁呀...咁當你B啦小姐！
小明：都好啦，B就B啦......呀～我剛剛記得我年終有花紅同雙糧架，呵呵～
訪問員：........咁係算C啦小姐 (想鬧佢)！
小明：呵呵～好呀～！
訪問員：請問小姐你每個月大約會用幾多錢去買化妝品呀？
小明：我唔買架～！
訪問員：吓？！小姐你唔用化妝品？護膚品都算架喎～
小明：我老婆...老公買俾我架～
訪問員：....哦，咁請問你先生依家方唔方便黎聽一聽呀？因為要問返消費者本人先得架～
小明：哦好呀～！你等等呀～．．．．一秒後用同一把聲講：喂？邊位呀？
訪問員：...........小姐....唔係...先生.....
小明：喂？邊位呀？我係...男..人！！(差D忍唔住笑)
訪問員：.....先生....你好呀～我姓胡架，我係代表XX公司就本年度高中低產消費者產品消費....
小明打斷講：得啦....頭先聽過架啦！
訪問員：吓？！
小明：Eer....我係話，頭先我老婆同你傾果時我聽到。
訪問員：原來係咁....咁想問先生係咪全職既在職人士呢？全職既定義係每星期最少工作四十小時以上。
小明：係呀！
訪問員：咁先生請問你月薪係介乎A：5000至10000，B：10000至15000，C：15000至20000，同D：20000以上
小明：A呀
訪問員：吓？！ (少過個老婆咁多...)
小明：有問題咩
訪問員：呀？唔係，請問先生你每個月大約會用幾多錢去買化妝品呀？護膚品都算架！
小明：$12000到啦
訪問員：$12000？！
小明：唔得咩？搵五千唔可以洗萬二呀？我老婆搵錢多呀！
訪問員：我唔係咁意思，不過正話你太太係話你買俾佢架喎～
小明：係呀～係我買俾佢架，不過佢俾錢我，我去買囉～！
訪問員：............XYZ@X#$%^
呢個係其中一個會令我笑既笑話
