打左好耐/_\求加分的減甲持續性最強---------本多正信11.2b版
減甲持續性最強---------本多正信本多正信德川家臣。本多正信是德川家康的側臣。德川家康因有足智多謀的本多正信的協助在黨、政、軍三方面，建立了一支鐵一般的隊伍。
前提:作為戰國最強既親戚,實力雖不及本多忠勝,但壓倒性強,容易殺對手一個措手不及.
在於12.0既時候立花大絕只有減22甲既關係,更加顯出正信既優勢,但係作者會以11.2作為基礎更新至到12.1
所以我今次講既係會以11.2為實.
---------------------------------------
首先講下技能先:
妖火
對單一目標釋放出妖火大幅降低敵人的裝甲.
軀體腐爛
使範圍中的血肉軀體潰爛，而目標會受的傷為自身的基本生命點數百分比。也會摧毀樹木。
注:需要約1秒的施展時間，否則會沒傷害。
弱化靈氣
降低在範圍內800的敵人的裝甲.
黑暗之陣
召喚出一個黑暗之陣大幅度降低敵人的移動速度 並且再同時出現多個死去的武士亡靈攻擊敵方部隊 但是這些死去的亡靈會不斷的損失生命直到死亡為止。
注:無視魔免牽制。
路線問題
本人覺得正信適合跟上路或者下路,因為正信血少,對手多數會搵你落手,所以為求安全,我地要利用一個天然因素,就係視野馬同地形
推薦位置如下,如果閣下有更好既方法,可以留言話我知.
但係就算有依種方法幫到你手,並唔可以保證到你唔會比人殺死
------------------------------------------------------------------------------
所以其實最重要都係個人既反應同判斷能力
今次我地要玩既係敏裝正信,
所以一開始買一條褲同回血先.
---------------------------------
你可能會有個問題,點解我地唔玩法裝?
因為正信除左第2招之外,其餘技能都係非即時性法術傷害,
加上第一招係減甲,就尤如天生造做左一個可以玩敏裝既英
配搭第三招既被動減甲,靈活性同持續力更為出色.
----------------------------------------------------------
技能:3 1 1 3 1 4 1 3 3 5 5 4 5 5 5 5 5 5 5 5 2 2 2 2
你冇眼花,我地係會點三先,點解?
因為由於1 LV既妖火只係會減6甲,對於任何一個對手,都唔會造成一個好大既影響力,
與其係咁,就以兵為重心先,升LV同搵錢為重
1 LV既弱氣靈氣雖然只係會減3甲,但係足以令士兵負甲,即係話壓線同升L V既進度加快左
既然加快左,就可以補償返點1技,而且3 LV既時候可以連點2下第一招,其實並無壞處.
係正信6 LV既時候,係殺人既最好時候,因為的確夠秒.
首先分析一下技能先,
自自然然你係個時就會有3 LV既妖火同埋 2 LV既弱化靈氣,足以減對手25甲
但係大絕既落點都係要好有技巧,唔可以直接點人,因為出既骷髏兵係唔會完美圍到成個對手.
所以係對手既下少少位置先出,就可以完美包住對手,300一定落入手.
---------------------------------------------
進一步善用大絕心理戰)
個人:
對手係唔會比你企定定係到放大絕,遇到正信,大多人會買閃介,因為當你用大絕既時候,佢就可以用閃閃走,唔會比你既骷髏士圍住黎打.所以出大絕前既時候盡量令到對手行過黎打你,青少年俗稱既"遼交打"
-----------------------------------------
近戰:
對手會行埋你到打你既時候,你就可以預佢行埋黎個個位到禁定大絕,當對手到左你預定既位置既時候,你就可以用啦,但係要快手連到第一招,唔係就功虧一簣,就算比對手用閃閃到,我深信對手已經無左一半血加上大絕係有輔加能力減移速70%,追打既話就應該300入手.
------------------------------
遠攻:
比近戰麻煩,因為你用左妖火既話,對方通常都會退後,所以你要埋伏一下,係適當時候衝出黎開大同連妖火
你可能會問點解唔用左妖火先?
因為話明係埋伏,突襲既時候最重要係快,而用完妖火既時候會有1秒既動作時間,反應快既對手第一時間就會反擊或者逃走,即使係慢既對手都係會嚇到人走,所以以免"得不償失",最好既做法就係開大絕先.
--------------------------------------
會戰
正信既大絕都有一定既影響力,所以一定一定要睇岩時間用,可以專對付對手助攻既位置,例如法師同遠攻英雄
一來可以造成一個無形既壓力,二來可以擾亂對手既陣腳,就好似打扙咁
只要可以令到援軍失利,咁樣前線既敵人就會繼而崩潰.
裝備:
本人首先講左自己會出咩裝先
----------------------------------------------------------
前期 中期 後期
--------------------------------------------------
1褲---------------------------------->雪走
2回血------>和泉----------------------------------------------------->正宗
3閃介--------------------->閃鞋
4--------------->能量鋼------------------>陣太--------->菊一
5---------------------->能量鋼---------------->陣太----------->長船
6----->魔免----------------------------------------------------------------->平蜘蛛
-----------------------------------
到正信6 LV既時候,身上最少會有褲和泉同閃介,
11~13既時候就最少有兩個能量鋼
然後就要儲錢出雪走,因為有左依把你攻擊同攻速都會提升.而且可以用寒冰爆
追人既時候就會比較容易,自然殺人既機會都大大上升.
----------------------------------------------------
你可能會問,點解我唔合野太刀而去合雙陣?有左陣太加埋妖火唔係打人會比較痛咩?
因為正信血少,而且係智英,相對上防甲同埋攻速係會比力英同敏英少得多.合雙陣係為左加血同加防
戰場上殺人固然重要,但係都要顧及自身既安全問題.
-----------------------------------
咁我雪走合唔合凍雪好?
如果你個人認為你個TEAM係可以絕對性壓倒對手既話,可以合
但係本人唔鼓吹合,因為只有7.8%機率先可以發動寒冰暴
唔合既好處係可以隨時用到,幫助隊友殺人.
--------------------------------------------
總結
正信係前期既攻速係比唔上任何力英敏英,但係只要撐到有能量鋼既時候,就會有起色
大絕殺人最好係前期到中期使用,到後期,因為對手防甲係可以超過正信既減甲總和
所以一定要好好把握時機,係未有足夠戰力既時候唔好做主動.
個勢Keep得好既話,殺人唔係問題,但係唔可以心急.
[ 本帖最後由 傻楓 於 2010-8-8 14:55 編輯 ] | |
