(思前．想後) 當年的女孩
是咁的
我平時後面就有個女仔(讀緊課程) 好中意問我野...
唔知點解佢尋日無啦啦加埋d打我既動作
令我一少少反感同....?
我都唔知我點解會咁
又要是咁的
講番起我人生中既一個女仔
當年 初中的我們並不認識
阿sir 就分左佢坐我前面
之後每次調位 ... 每次佢都坐我前面
就咁就渡過左一年
作為一個浪子 大家都應該要知
學期一開始係唔準帶筆
但現實是殘酷的 所以就問前面條囡囡借
一次生兩次熟 得寸進尺咁借左成個星期
之後大家開始熟熟地
雖然佢同班入面既女仔都好少埋堆
但發現佢其實係一個好活潑既女仔
笑容好燦爛 哈
佢好溫柔...55
溫柔的暴力
佢每次見到我就會大叫佢叫我既花名
係我想另轉頭望下邊條友叫我戈陣(其實心入面一早知)
佢已經用迅雷不及掩耳既速度給我的背一記全疊打
去到學期中段 大家都熟到咩都講得
小至佢俾邊個溝 大至佢家事
佢好多方面我都見識過
好有個性 對每件事都有自己一套既諗法
其實佢係一個幾堅強既女仔
但身體好差(loli 型)
大家無所不談
有時無聊到拎部計算機係度傳黎傳去
都可以玩成堂
打d表情符號係度vs (7.7 -3- *3* etc)
真係笑死
相信各位巴打都有去網吧既經驗?
唔知你地又有無試過俾囡囡叫一齊去網吧打機
每次佢都係度玩單機l4d/l4d2 有時陪下我玩信長咁
曲線引潮文
引用:我每食完一碟火腩飯之後都會同我屋企部電腦講分手
因為我知道, 佢已經唔再明白我
佢唔知道我o係網吧所經歷過既有幾多
佢問我要乜, 我真係唔想答佢
跑online? 勁舞? 真係膚淺
究竟我仲可以繼續忍受自己一個係屋k打機幾耐
每部網吧機都經過紅紅烈火，百度高溫
係經過歷煉, 係經過漫長既試鍊
每一部都有佢既歷史，佢既遊戲
屋k部機究竟有d乜? 根本就好似d白痴港女咁, 一無所知, 戇xx, 生勾勾
我恨我既人生唔可以好似網部機
搵到咁多好既伴侶, 信長, l4d, cso, 信守..各有特色
亦搵唔到咁多知音人,
有時侯, 我自己一個坐o係網吧打機
我覺得自己係孤獨, 我覺得呢個世界係冇人明白我
我叫左枝青島, 我望住杯入面黃色既啤酒
我望唔透, 我望唔清究竟呢個世界仲有幾多野我係掌握到
我好迷茫
我離開間網吧, 我俾錢既時侯發覺平時坐係我前面條囡囡坐係度打機玩l4d
我望住佢, 佢望住我
我地互相點點頭
我好感動, 原來呢個世界仲有人係同我有相同既諗法
我忍住淚水
同個收銀講, 開左部機佢,
頭都冇回就走左埋去
或者個囡囡會問, 點解你新年你都出網吧打機咁毒:lol
我唔知道
我只係知道o係呢一刻
有囡囡陪打機:lol 引用:還是記起 無道理的對罵
是年紀小的不智
今天你能忘記
只得我懷念多麼諷刺
到底我對呢個熟悉既動作
感到既係反感....還是失望?
最後付上我之前自唱既到此為止(唱得好差
http://www.ipve.com/bbs/viewthread.php?tid=572843&extra=page%3D1
[ 本帖最後由 呀ken. 於 2013-1-13 13:41 編輯 ] |
