講真 邊有咁多黑馬
此文純粹簡介一下我對花團對信7盃既睇法
自從信4盃拎完冠軍 我諗有好多人都唔記得左花究竟有幾強大
一路以黎既比賽 花遇過無數既強敵 但能夠威脅花既黎黎去去都係個幾隊
而且我地不嬲都唔靠彩數 但正正係信4盃之後既某幾次比賽輸左運氣
點解輸運我就唔多解釋 等有真正留意比賽既人自然明白
正因係歷屆強隊 每次比賽都會成為信長朋友既焦點
成為無數強隊既假想敵
但好老實講 日子有功 我地好多正選隊員返工既返工 讀書既讀書
已經無辦法再日以繼夜咁去練習
對於比賽 都係懷住一路以黎既友誼進發
不過 打得比賽 我地志在冠軍
無論接技變得生疏 反應變得遲頓
我地對於每一場比賽都會認真去對待
亦都期待每隊強隊 自稱強隊又好既去挑戰
好 咁介紹埋今屆我地出陣人物
Ms.flower 勤
花團靈魂 以下路CP突擊手為主 但確實全能 最善長突擊 控場 組織會戰
一路以黎勤帶住花團參加過無數比賽 亦都憑佢一手拎過無數佳績 自信4盃將花團打造成為神話
最令人無法忘懷既就係用果心居士 憑住多次既突擊 果斷既控場 令無數對手都十分恐懼 令無數信長朋友都引以為傲
[UnioN]Sky 天空
天空係我認為全信長界最勁既人 無論主力 控場 輔手每一項如果能夠分級數 佢應該可以拎晒SSS
而天空最出名既都係用織田信長 亦都被我地小隊稱之為1技王 因為平均一場佢隻信長都殺20UP
有10UP都係靠1技得分 而天空同志華差不多 都係屬於技術形 無論反應 連技都係首屈一指
最犀利既係我見過佢百地三太夫既0秒起身閃戒 當然係無改鍵既情況下 而敵方信長開大轉亦毫不知情
連隊友都無辦法睇得出佢幾時閃身 令小弟大開眼界
[UnioN].zE1 小奶
被受前任團長YIP重視 由街場邀請加入UNION開始 小奶至今已經成為花團元老級
隊中擔任主力位置 善用於本多忠勝 武田信玄 食兵穩健 開抗時間準確 亦都因為個人性格幽默
受人愛戴 不過萬萬不能用輔手 假如你係比賽中見到佢用輔手 你既勝算就可以高一籌
[UnioN]TiN. 田雞
講起田志 我諗大家都唔會陌生 相信都有唔少人比佢無敵字海但無重點咁咀炮過 田志係花團後起之秀
亦都係屬於全能形 係花團擔任直江 秀吉位為主 以驚人突擊速度 果斷抓殺對方 咀炮功成名
曾經協助其他團隊拎過無數佳績 今屆投入花團比賽 實力不容忽視
[UnioN].GaD 豪
自IONE盃由SIN轉陣加入既人物 以合作性 穩健組織會戰 善於任何打法立於花團一員
當中以帶領SIN參與比賽 個人表現優越獲得重視 最為可靠係SIN陣中擔任本多正信位置 導致風摩整個團戰界
其實力相信今屆大家會有目共睹
最後 希望花團可以完成每一個比賽
因為隊員都缺乏士氣 所以我都希望可以係度支持一下
同埋抽水唔緊要 反正對我地黎講 係最後一屆 | |
