原帖內容
↗鋒〥少☆

2010-9-3 19:31
大家入黎傾下，有無一場信的結果出乎意料～

如題～！

等小弟分享下先啦～！


我有次玩聯合軍，玩呀市，仲有真田，其他都唔記得了。

呢一次，我好記得，由頭到尾，我地成隊人根本肥唔起，除咗真田。

因為佢經常偷爆同CP。

最後，我地得翻個大本同隻１３００，仲有半隊背水。

係呢個時候，成功上到後期裝的真田，講咗一串驚人的說話。

真田說：「呀市，你信唔信我？」

我問：「咩事？」

真田：「你只需要答，信；定係唔信？」

我諗咗一陣，我堅定咁講：「我信你！」

過咗一陣，真田就講：「呀市，我地要齊心；宜家對面有一隊背水，我地要突破佢地，直打大本！」

我就答：「好，我會好好支援你！」

係呢個時候，我地乜都唔諗。

眼見對面五個超肥的對手係度拆緊下路的圍欄時，我地經已由上路直入。

真田突破兩隻１３００同一隊完整無缺的背水，以「日本第一兵」的身分直爆大本！

此時，我亦見到對手同時由下路馬上回家。

但係，我地唔理得咁多！

睇住真田以極快的速度不停地攻擊對方的大本營時，大本已得翻一半血了！

係呢個時候，對方竟然以差不多一樣的時間，開咗兩隊背水！

眼見真田的血量好似流沙咁扣，我係最後一刻，使用大技！

幸好，大技及時開到，真田亦不管一切，繼續攻擊。

但係對方背水出的兵多不勝數，於是，我就作出一個決定...

利用火計，，將對手的背水全部吸引黎攻擊我！

不夠三秒，我就倒下了。

真田的血量亦所剩無幾；睇住對手的大本只剩下兩百多血，但對手岩岩趕到，真田經已不支倒地了....

我地成隊係呢個時候，一片沉默。

估唔到，加仔係呢個時候，以隱形的形態由上路直到大本！

一個國崩轟炸到大本，完場！！！！！！！！！

係呢個時候，我地全部人根本唔識反應就完場了。


（完）


呢件事係我好奈下之前記得的，如果咁有幸，搵翻真田或者加仔，請聯絡我！！！！

各有如果有類似呢啲出乎意料的結果，都可以係度分享下！

我打咗好奈架啦，支持下小弟啦！

[ 本帖最後由 ↗鋒〥少☆ 於 2010-9-3 20:12 編輯 ]

查看評分記錄

積分 用戶名 時間 理由
威望 +2 sweetom 2010-9-3 20:51 我很贊同