阿爾的個人空間 - 回應下 (最後更新2012/1/22)

2012-1-20 00:25

呢個帖子既長度非一般. 見頭暈眼花請按上一頁

以下係對本帖既回帖作出既回應.
睇哂30頁回覆. 心情都係冇乜點變.作者. 大大話話都做左一段唔短既時間.
我既立場. 相信我自己最清楚不過.

我既回帖. 係唔多唔少都有D"串"既成份.
但串得黎. 都要睇下對象.

意見意見. 成日都話唔睇意見.
睇左用唔用. 幾時改你又唔知. 箇中有乜因由你又唔知.
你可能會問. 點解你唔講呀?
因為我純粹覺得呢D時間係不必要.
唔知幾多個月前. 搞過個加分活動.
去平衡創念區發帖/回帖就有分加.
結果一夜之間就成千帖咁濟.
入邊有幾多真係有料到. 大家不妨搵返黎睇下.
你話我串. 我講野有隱喻. 咁我直腸直肚咁講喇.
D意見真係唔岩洗.'
講返回唔回果度.
一日回成千幾個帖? 拎返之前果句出黎. 不如搵人做我既時間魔術師一日變幾百幾千個鐘比我用啦.
整圖又要時間. 回帖又要時間. 一個人做得D咩?
再者. 我日日D時間就係為呢幅圖而付出哂? 完全唔可能.
然後. 我又唔明點解有D人會講. 冇人叫你整圖. 你整黎做乜.
我個腦第一時間係process到一句"我係要整架喇. 你吹咩?"
當然我唔會咁講. 我只係. 真係好奇. 點解冇人叫你回帖回埋哂呢D咁既無聊說話. 你又要回.

某人回我話我主觀. 其實不如你諗深一層啦. 諗下大家既角色.
我既主觀到底係點主觀? 而你既主觀又係咩野?
同埋. 我而家好主觀咁講. 好多人都係鑽緊牛角尖.
既然有人提到d乜乜物物主義. 咁我都搬返個"極端主義"出黎.
比喻過份極端. 無實際可言. 抱歉我又主觀左.

玩家的確唔係我既敵人. 而我都唔知點解佢地當我係佢地既敵入咁.
仲要用一種似笑而非既態度去揶揄. 完全唔識尊重.

講到尊重. 好多人又話作者唔尊重玩家.
但就好少可有人講果D玩家亦都唔尊重作者.
一味以一D自以為可行既方法去達成自己既目的.
到時係咪可行? 可能連自己都未有答案.

我份人確實好討厭比人老屈. 誤會都就算.
相對之. 我亦唔鍾意老屈人. 個人而言. 呢個係一個自損得黎而又毫無得益既行為.
另外. 我亦唔鍾意過份既解釋. 亦唔鍾意無限度既辨論.
這就是我. 這就是信長之野望F的作者. 怎麼了?

再回多一段有關語氣方面既問題.
對唔同既人係有唔同既語氣. 而系唔同既時候亦都有唔同既心情.
我既言論有否比我既心情影響到. 唔重要. 重要既係我既出發點.
我知道有人會對我既回帖/發帖態度進行一定描繪. 呢個我亦阻礙唔到. 又唔會阻止呢樣野.
態度係好既. 文字點都係好. 態度係唔好. 文字亦點都唔會好.
點都有一D發悔氣. 反感既氣息.

點都好. 我就係我. 比一個框框住. 去限制自我? 何謂.
作者呢份"工"做得好唔好. 唔係淨係人地先睇得到.
好多時候. 都係自己先最清楚.

睇到呢度都仲係帶有厭惡感覺既hater們.
你喜歡講我漠視民意. I take it
你喜歡講我串串貢. Okay, I take it too
你喜歡講我乜乜物物. ups to you
呢個就係我. What's wrong with me? How wrong can I be?
I am nobody else but a normal author. (我只是一個普通既作者)
討厭我會有咩後果? 沒有任何後果. Go ahead and just do it.
命運注定大家冇計傾.

=====================================================>

然後回應一下個別的帖子

帖子1:http://www.ipve.com/bbs/viewthread.php?tid=503263

引用:

原帖由　★〝儿戲 於 2012-1-15 16:33 發表
剛剛出新圖了.我看了覺得十分憤怒.
其他野唔講住.我只係講以下幾樣.隊長模式
資源分配
為何只有隊長可以獨有領袖之翼 .
隊員就沒有是否要街場既人搶紅色跟橙色.
而隊長又不能將領袖之翼加在隊員身上.
咁隊長是輔手咪 ...

齋睇唔試. 幫你唔到. 每次出完圖就一堆人齋睇唔試. 妄加批判.
[[[我見到一舊大石睇落去好重咁. 點知行過去一拎. 係空心既. 道具黎]]]
帖子標題：違反信長本身既意義.
原來大家對信長本身意義既了解都係一致噶? 好一個大同世界. 可惜只係幻想.

「有人話可以唔開.但係有人會想要.唔通隊友會反對.
我們打街場是否每日都要搶紅色和橙色使用.?
而有fd打果邊.有個走場.跟住d錢會否更多.
令全隊多錢多神多兵力.?
我知道制圖是好難既事.
但我想知道當初係為了平衡.
但現在是平衡嗎.?
只是違反了信長既平衡.」
齋睇唔試+幻想所得出既總結?
「又話加新英.新模組.現在搞這些野.不如努力搞模組好過啦.」
邊個同你講只加新英. 新模組. 唔加新模式/地型/其他野?
定係我有同過測圖團果班人講跟住好幾個同你FD底講哂你聽?
後邊果句. 將自己既意願強加於人地身上. 我可以做到d咩? 強行接收意願?
A要S, B要Y, C要G, D要Z. 咁整左邊樣先好?
而藍色果兩句. 就唔係好睇得明.

引用:

原帖由 Reborn_Wai 於 2012-1-15 16:57 發表

可以為左上位？你明唔明白如果你整到一個受大眾歡迎遊戲

係可以上到位, 起馬到最少, 你知道有阿爾呢個人。

你可以唔會計較呢Ｄ野, 但唔代表人地唔係

(我咁講野, 可能難聽左D, 但我冇講錯) ...

捱插式上位? 講既野又係主觀到不得了

引用:

原帖由 -囍於 2012-1-15 16:58 發表
真係不知所謂
改到禁走場平分有得平分53禁洗唔洗打2路?你有得平分打2路一定係3個個到打死人打3路3個個到咪唔洗打? 有冇諗過禁樣改就似係你自己一個想禁
隊長??+全10? 講笑一開波隊長單上打人地唔係隊長單上 ...

好問題啵. 你唔係以為呢版係最後一版下化?
紅色果句. 係咪應該問返你. 有冇諗過咁樣諗又似係你自己一個想咁?

引用:

原帖由 冰火激情夜 於 2012-1-15 17:19 發表
有意見先有改進
老7你出左幾多力姐?意見又5見你俾
咪係到扮正義能喇

咁你既意見呢? 哂時間系度回呢類帖倒不如動下腦筋諗下D work既概念?

引用:

原帖由 單哂3條路 於 2012-1-15 17:27 發表
點解作者今次唔平衡英雄?
還有很多弱英雄 eg 石田,九鬼,足利等
均分資源功能
e樣我就真係笑左
紅色走左場咁點?
橙色走左場咁點?

點解唔一次過出最終版? 一次改幾百樣野?
不如你做我既時間魔術師. 變多幾千幾萬個小時出黎好冇?

引用:

原帖由 GaLaXy§Pain 於 2012-1-15 17:39 發表
由佢出左F13,已經唔多想玩.
服仔平地直拉都可以變L拉,
真係寧願原地踏步好過

服仔招2技改都冇改過. 都唔知你姓賴定係以老屈為習喇.

引用:

原帖由 [RaKioN]-細〞 於 2012-1-15 17:48 發表
其實呀e既離去
5多5小都關我地事
次次出新圖..5係E樣5好就個樣智
甘其實你地有沒站過係作者既立場諗下?
佢5係一定要幫你地整新圖架..
比意見係好事...但希望你比意見個時
你所用既言語可5可以5好太偏激
嘗試下將心比 ...

似乎有人將我仙化左.

引用:

原帖由 魔法稻草人 於 2012-1-15 17:56 發表
甘個個都想紅橙色喇唉.: 團戰主力仲難殺.之後點解唔可以個個領袖之翼>?

個個=你. 但係你=/=個個.

引用:

原帖由　★〝儿戲 於 2012-1-15 18:29 發表
如果兩邊都唔用.咁出黎做乜.?
咁佢整圖黎做乜.
玩法點玩法.?
睇住兩個隊長係度玩.?

假設人地某一場心血來潮. 想開下某模式. 又得唔得?

引用:

原帖由 luvmybabys★ 於 2012-1-15 18:34 發表
比番少少改圖觀念唔好去嘗試超越左信長之野望既原則

新圖我唔會玩但都唔至於話退信我會使用13.0c

咩野隊長之翼=.=痴膠線原諒我思想古舊

話我原地搭步又好咩都好我唔想愈改愈離譜我先會發帖

唔好留言話作 ...

「但改得唔好我地係咪要因為你地改得好辛苦所以要默默接受你地改到咁都唔出聲口啞啞改得唔好當然要批評唔批評冇意見點樣去進步 ?」呢個固然係正確.
但講到投票. 成效又有幾大?
「改領袖之翼禁大個模組禁大個落差既野 1個帖都冇投票過就已經改左」
即係換其他模組就冇差別. 整對翼就好大分別.
隨後. 言下之意就係改乜都要開個帖比論壇既人投票.
夠票就過. 唔夠就BAN. 即係做作者既功能就係諗新野. 跟住分享出黎.
通過就做苦力. 死改爛改. 鐵票至上既意思?

引用:

原帖由　★〝儿戲 於 2012-1-15 18:35 發表
其實你出呢d模式之前可否出個投票先.?
你話出就會有咁多批評.
咁我寧願你出左投票俾人批評完.
再出新圖.咁到時個個都唔會批評.
又話我地打擊作者.
咁作者我知你辛苦.
但係人地唔批評你.
個圖就唔會有進步.
你唔接受 ...

投票? 問意見、新構思? 真係WORK?
唔好講第個. 就講你.
既然你咁鍾意「挺身而出」.
咁你又真真正正做過D咩?
n年前測過幾次圖?(你黎測圖既原意係乜我相信你自己好清楚)
提出過D非常之好既概念? 定係D咩? 我真係一D都睇唔到.

引用:

原帖由 叻仔~~ 於 2012-1-15 18:59 發表
下一個地圖希望可以更令人玩得開心.
但下次人地做地圖時我地都要比d意見先得

希望真係可以見到閣下比D用心諗過既意見啦.

引用:

原帖由 花文. 於 2012-1-15 22:52 發表
13.0C 都冇咩問題出新圖做咩-.-

傳統手機都好好用. 你快D去換返部用啦.
新式手機好危險架. 幅射高. 潛在危險性大. 隨時會爆炸呀.

引用:

原帖由 Yin520. 於 2012-1-16 19:29 發表
依個隊長模式係咁多次由 FAF 改到13.0D 最難接受既一個改變

所以唔需要強行去接受呀.

帖子2:http://www.ipve.com/bbs/viewthread.php?tid=503546

引用:

原帖由
熙JaiiO_o 於 2012-1-16 10:20 發表

要講既基本上係咁多
街場/團戰/fd戰都唔會開唔會用唔會玩
點解?
因為個咩領袖之翼加全能力10
=$1900
根本已經唔公平
而家街場個個搶紅橙色 ...

反對完又完全唔提可以點改善. 你教下我啦

帖子3: http://www.ipve.com/bbs/viewthread.php?tid=502745

引用:

原帖由 Xan_W 於 2012-1-15 23:49 發表
小弟都玩左好多年
實力吾算勁
但至少見證住信長演變
紅版11.2b聯合軍既基本陣毛槍百宇直
令不少團戰玩家認為信長地圖吾平衝 (果陣無棄保制)
加上直江72道符
1開大全場lag1下
E仔開1次1技全場lag到吾洗玩
開大炎既疾 ...

講得幾好呀. 期待你新增一套改善方案.

引用:

原帖由 小白^^囡囡 於 2012-1-16 08:55 發表
其實都幾懷念玩番11.2B戈震.雖然戈震係岩岩玩.但係邊有D咩忍者之類= =姨家個個玩哂冇腦英.忍睇位.同MH有咩分別.!?我比較守舊啦.鐘意控馬睇位多D
想要13.0C既裝備和技能,但回到11.2B的風氣 ...

好多人都想.

引用:

原帖由 Mr.KieT- 於 2012-1-16 22:47 發表
認真地說
個個都話出新英出新英
到時出到新英唔like
又再插過咁何必呢
所以好希望作者細心咁睇下平衡區既野
採納下我地既意見

何嘗又冇細心睇過呢(雖然最近既幾個星期都冇乜點睇).
有D好既. 又驚D人接受能力低.
有D亂黎既. 唔通又回句「你用下腦先再發帖啦」咁咩.

====================================================================>>
                                                                                                                                    >>
                                                                                                                                    >>
                                                                                                                                    >>
                                                                                                                                    >>
====================================================================>>
跟住回應下某D會員既言論

會員1:Reborn_Wai

引用:

其實我覺得, 個作者太過執著於團戰方面諗呢隻Game

佢其實知唔知打街場既人係多過打團戰既人 :L

咁你應該去搵D好鍾意乜野都從團戰角度出發既人講.

引用:

跟本個作者都唔明乜野情況！

好似用花團個Ms.flower為例, 佢做隊長當之無愧吧？

但唔通比佢隻果心做隊長？咁咪白白浪費個隊長乜Q既功能？

我都諗唔出, 你可以點樣駁囉...

有道理呀. 有指揮能力.
但英雄就唔係戴對翼既適當人選. 岩呀.

引用:

其實佢地跟本唔知我地罵佢D乜！

整埋Ｄ多舊魚出黎, 容乜易下個版又黎一個搶旗模式...

我地都係想整隻新英或新物品爽下姐, 好似你改到個毒尿咁

整一整, 再修一修改！都冇人出聲, 仲好受歡迎成日有人出。(覺得新野囉)

講真, 呢個版唔好叫我試！一開果個乜Ｑ MH, 格一陣有條友LAG

真係下次開場比人叫返去開C版。你唔好話叫人接受先

你地唔該睇下呢次既回響係咪比之前更響先?你地仲唔知個問題係邊

仲要罵返我地, 話我地唔同情你地？唔好晒大家時間啦！

唔試點知實際情況? 紙上談兵. 永遠必然?

引用:

原帖由 Reborn_Wai 於 2012-1-17 00:04 發表

個位唔係比隊長, 係比主力囉！

我想講

有陣時, 講野唔激進Ｄ, 人地真係可以當你耳邊風！

歪理?

會員2:[★]STAR。鋭

引用:

原帖由 [★]STAR。鋭 於 2012-1-15 20:35 發表
多人CM代表D咩?_?
你諗下你個個話題話緊邊個,,我個話題話緊邊個?
用下腦PLZ

你話我炮,,,圖出佐咁多張,,張張都可以勉強接受到
唯獨係E張,,,咁多次我都有意見
但係我冇開POST,,唯獨係E一次
真係接受唔到先開POST!!!

...

你回完佢結果都係重覆一個感覺「我唔鍾意呢幅圖！」
跟住? 嘈嘈嘈嘈嘈. 最終作用係? 假設你嘈完. 跟住幅圖會改. 咁你就=贏左喇?
比你炮贏又點? 淨係識講人地乜人地乜. 自己呢? 只有拿取沒有供給. 好有道理?接唔接受到. 似乎純屬個人主觀決定. 或者你既主觀係主流既觀點.
但係你用呢個方式去表達. 似乎唔多說服到人.
「都係個句點解你地一味剩係識埋怨玩家冇比意見比佐你又唔用比黎托?
出一分力有咩途徑出?測圖?比意見?改圖?
我識改圖我玩緊自己張圖啦真係,,,」
有人要求將85隻英雄變哂信長. 平衡到不能再平衡. 採用?
唔岩用既我係唔用架喇. 有咩問題? 另外,測圖又點解唔可以算做出一分力?
比意見. 你上邊都識講比左我都唔會用架啦. 係呀. 所以就唔比?
與其話D意見唔會被選用. 咁點解唔反省下比出黎既意見有幾大可行性?
真係為幅圖好既話. 拜託用下腦諗下有咩可以改. 事實. 真係唔係作者諗哂架.
唔係為幅圖好. 咁嘈黎做乜?

會員3:花汶

引用:

原帖由花汶於 2012-1-15 19:03 發表
其實我想講而家信長係咪真係咁重視平唔平衡依樣野

好就算出左新圖你睇落去覺得有d唔平衡但你地有冇玩過先有冇出現d咩問題?

都係個句點解你地一味剩係識埋怨作者做既圖做得唔好自己又唔付出一分 ...

首先. 講得好岩. 齋睇絕對唔能夠作準.
只有埋怨. 冇建設果D 我當然唔會點理啦.
但有一部分玩家都係有付出過. 比過意見. 幫過手.
對呢班人對今次改版既不滿. 我在此深表歉意.
但對於「如果幫手測完乜都冇搵鬼去做??  你唔好話我話你地班人一味批評  毫無建設  」我就唔多認同.
事實上係有人只係求幫得上忙. 只係想佢地玩既信長變得更好.
只係想盡自己能力去貢獻一下. 先黎幫手.
而呢班人. 絕對唔係鬼.
好可惜既係. 歲月不僥人. 一個接一個. 慢慢咁離開信長. 離開遊戲.
「信長其實只不過係一隻休閒遊戲黎姐你而家係咪要出去打世界比賽?  睇平衡睇得咁重要

想打世界賽???轉行去玩英雄聯盟啦信長之野望唔歡迎你

作者改  你地未玩囉玩到真係好唔平衡戈時咪出句聲  個陣有邊個會鬧你?」信長的而且確係一隻休閒遊戲. 但當玩家感受唔到休閒既時候. 佢就已經唔再係休閒遊戲.
休唔休閒都好啦. 個人立場黎講.
任何多人連線遊戲都需要有一個平衡. 先可以更明顯地分到技術上既高與下.
作者改完. 玩家未必一定要玩. 但都係果句. 你唔試點知真實效果?
唔知邊個講. 「你唔會跳完樓先知跳樓會死掛」
係既. 係唔洗跳過樓都知跳樓會搞死人.
但係呢個絕對係一個錯誤既比喻. 人地跳樓死左. 你可以觀察到佢仲有冇生命跡象.
而信長呢. 你只可以聽到人地口述既感覺.
到底你實質對呢種感覺有幾了解呢?一定唔及親身去試咁準確.
同埋. 唔一定要好唔平衡先出得聲架啵. 唔平衡已經可以提出建議去改啦.
不過. 有唔少人開親帖都係話. 我認為乜乜物物. 要點改咁改.
之後. 理據呢?冇. END OF POST
雖然呢d野唔係咩通識考試. 中文作文.
但係你問米飯班主拎錢果陣呢? 點都要比個理由人地架係咪?
(唔好又駁我話. 某某係襟錢機. 叫完就即磅水. 又或者到時到候就會有人自動磅水. 儲備充足.)
「想打世界賽???轉行去玩英雄聯盟啦 信長之野望唔歡迎你」
紅色認同. 藍色反對. 信長. 你地鍾意玩咪得閒玩下囉. 唔鍾意咪唔好玩囉.
信長之野望唔會開住門等你. 但亦唔會關門. 因為果道門根本唔存在.
再下邊既言論就唔回應咁多喇.

會員4:神聰

引用:

原帖由神聰於 2012-1-18 00:56 發表
到底你地比唔比生路人地行
每一次,每一次.
出新圖都有人嘈
你地唔識冷靜?
一個開完貼又再開.
開黎開去.
之後又有炮戰
之後又多幾個post!
咩叫對vlan人好失望
睇下自己先
如果你真係覺得新圖有問題.我想同你講
有個地 ...

本來就唔洗回你. 都唔知你開帖做乜.
我想講. 連我呢個做作者都可以忍到. 點解你要人忍你自己又忍唔到呢?
你既言論. 部分認同.
人類就係一個唔會有百分百相同觀念既種族.

天與地入邊都有講啦.
「和諧唔係一百個人講同一樣既說話，和諧係一百個人有一百句唔同嘅說話之餘，而又互相尊重。」
而對於信長黎講. 和諧唔係一百個玩家讚佢有幾好玩. 有幾平衡.
而係所有玩家可以互相指出佢既好與壞之餘. 又可以平心靜氣咁討論. 一齊成為助佢改善既一分子.
以上兩句. 大家都可以當搞下GAG既. 不過呢個實在係我希望可以見到既景象.

====================================================================>>
                                                                                                                                    >>
                                                                                                                                    >>
                                                                                                                                    >>
                                                                                                                                    >>
====================================================================>>
最後係對發佈帖既回帖作出既回應

引用:

原帖由 G_01 於 2012-1-15 16:58 發表
張圖真係越來越不知所謂
呢個幾月就係改左呢d野
「發動攻勢！！」、「立刻回防！！」、「全速前進！！」、「撤退！！」
笑到反肚..

時間長可以改少少. 時間短亦可以改多多. 邊個講時間一定要同改既量成正比.
仲有. 背後要做既功夫有幾多. 又有幾多人知?
「台上一分鐘，台下十年功」雖然唔係幾貼切.
不過意思都係差唔多. 你好難話話咁易咁就睇得出人地付出過既努力有幾大.

引用:

原帖由 banana0bb 於 2012-1-15 17:41 發表
講真  全能力+ 10 果個好似勁左少少隊長mode 吾係吾好
我覺得比d 快捷鍵隊長提隊友  追或b  or  不同既指令會幾好
因為d人成日 9 閃都吾知佢想點

無論如何.. 多謝作者  提供新野比我地 ...

下次寫埋你心目中既改法啦. 當然要有埋原因.
((假設作者理解唔到))

引用:

原帖由 〥蠻×儿♀ 於 2012-1-15 18:52 發表
阿爾叫阿升開帖廢時比人插到賴曬屎?

哇. 我係咪要驚?

引用:

原帖由 Reborn_Wai 於 2012-1-15 18:54 發表
最後都係講２下就算, 真係晒氣！

你地整個圖出黎係為乜？同情定係自我喜悅？

如果係咁既話, 相信我地點樣比建議, 點樣去批評都冇用。

希望你地真正明白我地大眾係需要Ｄ乜。

唔係你有你做, 我有我玩。 ...

假如我係你地肚入邊果條虫.

引用:

原帖由 .l. 於 2012-1-15 19:43 發表
同意:
1.-amh,支持打壓MH
反對:
1.隊長勁d好唔平衡姐..
2.團戰規矩乜唔系唔可以用汁走場隊友噶裝乜?(賣裝走場等人分錢??)
總體離講,該呢d野系咪曬9氣?

所以團戰唔可以開. 除非改規則啦.

引用:

原帖由 PlaY★KIss‵ 於 2012-1-15 21:39 發表
簡單一句
希望作者下次出新版圖之前
可以開一個貼資訊VLAN玩家意見
而吾係單單開一個新討論區比玩家提供意見

你講得呢句. 咁你又可唔可以系個"諮詢意見"既帖出黎之前.
發表左你既獨有意見先呢?

引用:

原帖由 LKW_823 於 2012-1-16 00:07 發表
如果吾開咁整黎有咩用?
你估有幾多人會為左呢個所謂昸隊長模式走場?
你吾打
人地打
咁你點
咁姐系開定吾開?
5個話開
5個話吾開
就算9個話開
個2條粉皮事但一個吾打
又無用
淨系果2個想開
其他吾想
咁又點?
系咪好公 ...

覺得自己整得衰既話就唔可能插返自己做過既野? 人幾時可以真真正正做到完美啊?

引用:

原帖由 luvmybabys★ 於 2012-1-16 04:20 發表
基本上
正方就剩係識話人批評批評叫反方禁叻既去做去制圖
１係就叫反方轉去玩其他地圖什至唔好玩離譜叫反方轉玩ｌｏｌ

基本上. 我都唔明有乜好拗.

引用:

原帖由 ★.火星 於 2012-1-16 11:49 發表
其實-LD 我本身認為冇咩問題
街場試左一次
隊長模式:
紅色及橙色打-LD可以開啟(滿10人)，開啟後紅色及橙色玩家將成為隊長
隊長可於選取英雄後選擇以下指令的其中四條，包括有：
「發動攻勢！！」、「立刻回防！！」、「全速前進！！」 ...

有待改善.

引用:

原帖由 thypowerq09 於 2012-1-16 15:23 發表
可唔可以改一改直江變距離多少少~直江唔同火神有3技~直江d技下下都近身~殺左人比人殺返既機率真系好大~又冇壓路技爆塔技~一定要cp~遇到服又要帶石~人地出左個魔符基本好難殺到~個英雄完全變曬質~
另外作者不斷加強織 ...

唔可能只係諗特定既情況架啵. 稻姬唔一定打武田.

引用:

原帖由 誰是最強? 於 2012-1-16 20:56 發表
隊長系統 DEL最好...
笑死人~

既然閣下既回帖都咁鍾意.
咁我都回返個比你.

引用:

原帖由 chunEX 於 2012-1-16 23:57 發表
真係唔明,點解咁多人會係到為這地圖而不停開罵戰post.
何不心平氣和地去討論此地圖有待改進的地方呢?

因為人係世界上最有智慧既哺乳類動物嘛.

引用:

原帖由 Xan_W 於 2012-1-17 00:52 發表
測圖人員除左試圖
玩隊長模式果陣5覺得有吾平衡咩?

不如你入黎幫手試? (認真)

引用:

原帖由 殺神ㄨ 於 2012-1-17 16:32 發表
新圖使用時有部份玩家比較lag
希望盡怏出修復板
雖然更改紅橙色的優勢引起玩家激烈討論
但其他方面大至上都十分完美
期待更新

有待了解.

引用:

原帖由 ′aH.淘汰﹡ 於 2012-1-17 18:47 發表
我未見過人整amh 個作者整amh整到咁鬼lag
諗返起以前1207 既amh 都吾會lag機
d英又正常

呢張圖又隊長之翼又LAG機
AMH 簡直係廢既個功能吾係防MH 係1禁就中BUG 開技LAG到跳哂制
都吾知你整黎做乜~_~ ...

諗返起以前大家樂D飯仲係2x蚊果陣我都好開心.
諗返起未升1.23果陣伊達W技都仲係好順添.

引用:

原帖由 あずさ 於 2012-1-18 14:43 發表
新模式可以令vlan既大廳有返d用可以令玩家溝通下咁

似乎冇咁既用途囉.

引用:

原帖由 C_k 於 2012-1-18 18:41 發表
可惜沒機會再測圖

機會係你自己放棄的.

引用:

原帖由 馬騮曉上樹 於 2012-1-18 22:06 發表
講真你要做到公平,豈不是叫共產主義在現實世界實現?你認為有可能嗎?
BTW,真昌招大技說明改改佢,我睇到嚇親...

1000% 無誤.

=================================================================
順帶一提. 我真係唔知你地有乜好嘈. 一時就護主犬.
一時就你識唔識整圖. 一時又一堆"小諗狗窒劑"
其實真係有咁重要咩? 值得去勞氣?
呢幅地圖. 講到底都係一隻GAME姐.
點都好啦. 反應比預期中激烈. 至少vLan都唔係一個得個睇字既墟.
如果大家有咩意見. 我真係唔該你地拿拿林去平衡創念區發個帖喇.
至少唔好"講就天下無敵".

至於下一個版. 我諗可能5-8日內出掛. 暫擬方案聽晚/後晚會發出黎比大家討論下.
至於. 要講既野就未講得哂既. 不過都係咁先啦.

@Misuki 快d返黎請食飯啦.

[ 本帖最後由阿爾於 2012-1-22 01:52 編輯 ]